Thursday, March 5, 2015

දොස්තර නෝනා හා ඇඟලුම් සේවිකාව



පහතින් දැක්වෙන්නේ එකම පුවත් පතක ( දිවයින ) වෙනස් අපරාධයන් දෙකක් කළ කාන්තාවන් දෙදෙනෙක් ගැන පල වූ මාධ්‍ය වාර්තා දෙකකි. එයින් එකක් වෛද්‍යවරියක් විසින් පහර දී බරපතල තුවාල සිදු කිරීමකි. අනික නූගත් දමිල තරුණියක් විසින්  කල මෝඩ වැඩකි. 

තරුණියගේ නම හෙලිකරන පුවත්පත අදාල වෛද්‍යවරියගේ නම  මහේෂි විජේරත්න බව කියන්නට මැලි වෙයි. ඇය නිකම්ම දොස්තර නෝනාය.වාර්තා දෙකම ලියා ඇත්තේද එකම වාර්තා කරුවෙකි.

දොස්‌තර නෝනාගේ වීදුරු කටු ප්‍රහාරයෙන් කාන්තාවගේ අතට බරපතළ තුවාල
(චමින්ද සිල්වා)
කොළඹ තරු පහේ හෝටලයකදී වෛද්‍යවරියක විසින් කාන්තාවකට බෝතලයකින් පහර දී පසුව වීදුරුවක්‌ද කඩා එයින් තුවාල සිදුකළ බව කියන සිද්ධියක්‌ සම්බන්ධයෙන් කොටුව පොලිසිය පරීක්‍ෂණ ආරම්භ කර ඇත.

කාන්තාවට පහරදුන් වෛද්‍යවරිය භාරත ලක්‍ෂ්මන් ප්‍රේමචන්ද්‍ර ඝාතන සිද්ධියෙන් තුවාල ලබා රෝහල් ගත කර සිටි පාර්ලිමේන්තු මන්ත්‍රී දුමින්ද සිල්වා මහතාගේ වෛද්‍ය වාර්තා නිකුත් කළ වෛද්‍යවරිය බව ද පොලිස්‌ මාධ්‍ය ප්‍රකාශක අජිත් රෝහණ මහතා ඊයේ (02 වැනිදා) පැවැසීය.

හෝටලය තුළදී පහර කෑමට ලක්‌ වූ කාන්තාව සමඟ වෛද්‍යවරිය බහින්බස්‌වී පසුව වෛද්‍යවරිය විසින් වීදුරුවක්‌ කඩා කාන්තාවගේ අතට පහර දී ඇත.

එම පහරදීමේදී කාන්තාවගේ අතට බරපතළ තුවාල සිදු වී ඇති අතර ඇය කොළඹ පෞද්ගලික රෝහලකට ඇතුළත් කිරීමෙන් පසු අතට මැහුම් 16 ක්‌ දමා ඇත. පසුගිය 28 වැනිදා රාත්‍රි 10 ට පමණ සිදුවූ මෙම සිද්ධියට අදාළ වෛද්‍යවරිය කොටුව පොලිසිය මගින් අත්අඩංගුවට ගෙන පොලිස්‌ ඇප මත ඊයේ (02 වැනිදා) මුදා හැර ඇත


සීගිරි කැටපත් පවුරේ ඉංග්‍රීසි අකුරු ලියූ තරුණිය දෙවසරක්‌ හිරේ

(චමින්ද සිල්වා)

සීගිරි කැටපත් පවුරේ කුරුටු ගී වල ඉංග්‍රීසි අක්‍ෂර ලියූ තරුණියකට දඹුල්ල මහෙස්‌ත්‍රාත් සංජීව රම්‍යකුමාර මහතා විසින් පෙරේදා (02 වැනිදා) වසර දෙකක සිර දඬුවම් නියම කර ඇත.

මෙසේ බන්ධනාගාරගත කර ඇත්තේ මඩකලපුව ප්‍රදේශයේ පදිංචි සින්නතම්බි උදේනි නමැති ඇඟලුම් කම්හල් සේවිකාවකි. මඩකලපුව ප්‍රදේශයේ සිට පිරිසක්‌ සමඟ සීගිරිය නැරඹීමට පැමිණි සැකකාර තරුණිය සීගිරි කුරුටු ගී මත ඉංග්‍රීසි අක්‍ෂර ලියමින් සිටියදී පොලිසිය මගින් අත්අඩංගුවට ගෙන පුරාවිද්‍යා පනත යටතේ අධිකරණයට ඉදිරිපත් කිරීමෙන් අනතුරුව මෙම දඬුවම නියම කරනු ලැබීය.

12 comments:

  1. දොස්තර කළත් කොන්දොස්තර කළත් වරද වරද වේ. මේ මාධ්‍යවේදියාට කශේරුකාවක් තිබේද යන්න සැකයි

    ReplyDelete
    Replies
    1. hariyata hari mae madavadiyo bayai dostharala waradak kalath pannana

      Delete
  2. ඒකනේ අපි කුරුටු ගෑ ගී පවුර කියලා අපේම පවුරක් හදාගත්තේ ... මොකට ද නිකං හිරේ යන්නේ

    ReplyDelete
  3. පළමුවෙනි සිද්ධියේ ඇත්තේ චෝදනාවක් පමණි. එයට වෙනත් කරුණක් එකතු කිරීම යි වාර්තාකරු කර ඇති වරද!

    දෙවැනි සිද්ධිය උසාවියේ වරදකරුබව තීරණය කර දඬුවම් දුන් අවස්ථාවකි.

    දෙවෙනි සිද්ිධයේ වරදට දුන් දඬුවමේ සාධ්රණත්වය වෙනම කතාවකි.

    ReplyDelete
    Replies
    1. දුප්පතුන්ට නීතිය හරි වේගවත්.

      Delete
    2. Oyath duppathda?

      Delete
    3. @රසිකොලොජිස්ට් මේක ලියපු ගොබිලට ඕක තේරුම්ගන්න තරම් මොලයක් තිබුනනම් මෙහෙම එකක් දාන්නේ නැ බන්. මේකේ comment කරන උන් ඊට හපන්
      මේ දඬුවම අසාදාරන නම් හැම එකම ඔකේ කුරුටු ගාලා උසාවියෙන් සමාව ලබලා ගියොත් තව අවුරුදු දෙක තුනකින් සීගිරි ගිහින් වැඩක් නැතිවෙයි

      Delete
    4. සහතික ඇත්ත

      Delete
  4. //සින්න තම්බි මි උදේනි - මට්ටක් කලපුවෙන් ආමි
    බැලු බැලු අතේ කුරුටු ගා තිබුණෙන් - නොපැකිල ම ‘ඔහු‘ නම ලීමි

    රෙදි වියන කම්හලේ ඈත මඩකලපුවේ
    සන්නාලි ගැහැණු ළමයා ය සිහ ගිරි ගියේ
    අනුරපුර ට්‍රිප් එකේ යනවාට එහෙ ගියේ
    සිංහලේ පෙර විකුම් බලන්නට නම් නොවේ

    ඉතිහාස පාඩමක් කිසි දාක උගෙන නැති
    හුඟක් විට ඉස්කෝලෙ ගිහිල්ලත් නැතිව ඇති
    ඇඳිරි නීතිය තිබුණු යුද ගැටුම් අවදියේ
    කඳවුරක ජීවිතය ගැටගසා ගන්න ඇති

    වර්තමානයෙ දුක ම පිරිපත ම විඳිනු ඇති
    දිනපතා ගෙදර දොර අඩුපාඩු හදනු ඇති
    අනාගත සිහින මන්දිර හිතේ කෙටිල ඇති
    මංගල්ල නැකත තෙක් අත ඇඟිලි ගනින්නැ‘ති

    පාන්දර නැගිටලා බත බැඳන් ඉටි කොලේ
    අලුත් ඇඳුමක් ඇඳන් නගින්නැ‘ති බස් එකේ
    සිහ ගිරිය නගින විට ඉර නැඟුණු දාවලේ
    කකුලෙ දැමු සංගිලිය අඬන්නත් ඇති ඔහේ

    කවුරු කවුරුත් ලියපු නොයෙක් පෙම් සූත්තර
    අතර පතරින් තිබුණු කුරුටු ගෑ බිත්තියක
    හද බිතේ කෙටුණ නම අකුරු අමුණා යසට
    කොණ්ඩ කටුවක් රැගෙන කොටන්නැති හරි තදට

    පැරණි සිහ ගිරි කවිය එහි තිබෙන වටින කම
    හැමදේම උසාවියෙ තර්ක කර කියන විට
    හිස නමා පිළිගත්ත නොදැන කළ වැරැද්දට
    ඉතින් අවුරුදු දෙකක් යන්ට ඇත හිර ගෙයට

    ප්‍රේමයේ නාමයෙන් නැතොත් මෝහයෙන් වත්
    අවිචාර ගැහැණු ළමයෙක් විසින් කළේ වත්
    වරදක් ය වැරදි සිතකින් කළේ නැති වුණත්
    තිබේ කුකුසක් හිතේ නීති නිවැරදි නමුත්

    කුරුටු ගෑ ගැහැණු ළමයා හිරේ දෙවසකට
    කටුගෙයට පැන්න කණ්ගැට්ටාට කවර කළ
    දේශපාලන බලෙන් නිදන් හෑරූ අයට
    තනතුරක්වත් නොමැත අහිමි වී කළ දෙයට

    ඒ උතුම් සිහ ගිරිය ලෝක උරුමයක් වත්
    දේශපාලන බලය නොවෙද ඊටත් මහත්
    කොරියකට බදු දෙන්ඩ හැදුව හැකි පිඹුරුපත්
    නීතියට හැකි වේද එවිට කළ හැකි යටත්

    ගැහැණු ළමයා ඔහේ හිර ගෙදර හිඳිනු ඇති
    ගෙදර දොර අඩුපාඩු ඉහ වහා යනු නියති
    මංගල්ලෙ තව තවත් පමා වෙන්නට ඇහැකි
    කෙටුව නම අයිති ‘අය‘ වුවත් පිටුපානු හැකි// -Surekha Samarasena-

    ReplyDelete
  5. Kawuru kalath waradda waraddamai. Doctor thamai ara duminda silvata beheth karapu kena.

    සීගිරි කැටපත් පවුරේ ඉංග්‍රීසි අකුරු ලියූ තරුණිය දෙවසරක්‌ හිරේ
    meka nam mehema karala madi. nugath kama kiyanne nidahasata karunu newei ape jathika wasthu winsha karana pisso

    ReplyDelete
  6. ගැනියෙක් අතක් කපපු එක කොහොමද බන් සීගිරිය වගේ උසස් පුරා විද්‍යා වටිනාකමක් ඇති තැනක් එක්ක සමාන කරන්නේ? ඔය දෙමල මුස්ලිම් උන්ට අපේ සංස්කෘතිය පෙන්නන්න බැහැ. එකයි ඔහොම කරන්නේ. ඔය පලවෙනි වතාව නෙමෙයි. ඔහොම කරන උන්ට උල තියන්න ඕනේ

    ReplyDelete
  7. POINTOF.ORG - අලුතෙන්ම ඔබට ඉදිරිපත් කරන සින්ඩියයි. අන්තර්ජාලය තුල නොයෙකුත් සින්ඩි තිබුනත් ඒවායේ කරන්නට තිබෙන්නේ පොස්ටුව එකතු කිරීම පමණයි. නමුත් මෙම සින්ඩිකේටරය මගින් ඔබගේ බ්ලොග් පොස්ට් ඩිලීට් කරන්න, ආයෙ එඩිට් කරන්න වගේම, ඔබගේම කියල ගිනුමකුත් හදාගන්න පුලුවන්. මෙහි අප විසින් සින්හල, දෙමල, හෝ ඉන්ග්රීසි ලෙස වෙනස්කම් සිදු නොකොට බ්ලොක් කිරීමක් සිදු කරන්නෙ නැ.


    @register - මෙම සැඹැඳිය මගින් ඔබට ගිණුමක් සාදා ගැනීම වෙත යොමු වෙන්න පුලුවන්.@login - දැනටමත් ගිණුමක් සාද ගෙන තියෙනවනම් ඒ වෙත යොමු වෙලා ඔබගේ @username එක හදාගන්න පුලුවන්. ඊට පස්සේ ඔයාගේ විස්තර ඇතුලත් කරන්න.


    අපගේ වෙබ් අඩවියේ ඩෙස්ක්ටොප් @DESKTOP හා මොබයිල් @MOBILE යන දෙයාකාරයෙන්ම සකසා තියෙනවා. තවත් දෙයක්, අප දිනපතා, සතිපතා, මාස්පතා ජනප්රියම බ්ලොග් පොස්ටුව තෝරනවා. මෙන්න මෙතනින් ඒකට ගිහිලා
    බලන්නකෝ මේ පොස්ටුවත් ජනප්රිය එකක්ද කියලා. @TODAY'S POPULAR


    සැමට ජය!

    ReplyDelete