Wednesday, January 30, 2013

සීනි සීනි සීනි


ශ්‍රී ලංකාවේ සීනි නිෂ්පාදනයට හවුල් වීමට පැමිනි ආයෝජකයෙක්

පෙරේදා සිදුකළ කැබිනට් සංශෝධනයේදී සීනි ඇමති කෙනෙක් පත් කිරීම ගැන විපක්ෂයේ බහු බූතයන් හා උන්ට කඩේ යන බ්ලොග් බූතයන් නොයෙක් කථා කියා තිබේ.

සීනි වලට විතරක් නොව හකුරු වලටත් ඇමති කෙනෙක් ඕනෑ බව එකෙක් කිව්වේය. තව එකෙක් අල ,පරිප්පු මුං ඇට, කව්පි, බඩ  ඉරිඟු ආදියට වෙන වෙනම ඇමතිලා ඕනෑ බව කිව්වේය.

රතු සීනි හා සුදු සීනිවලට වෙන වෙනම ඇමතිලා දෙන්නෙක් හිටියානම් හොඳ යැයි තව මෝඩයෙක් කියා තිබිනි.

රටට ඕනෑ කරන සීනිවලින් වැඩි හරියක් පිට රටින් ගෙන්නන ලංකාව වගේ රටකට ඕනෑ කරන්නේ සීනි ඇමතියෙක් නොව සීනි ගෙන්වන මුදලාලි කෙනෙක් බව තව එකෙක් කොමෙන්‍ටුවක කියා තිබුනේය.

මේ කියමන් වලින් පෙනී යන්නේ මුං එකෙක් වත් මේ ලෝකේ සිටින් උන් නොවන බවය. අපේ දේශප්‍රේමි ආණ්ඩුවේ ආශ්චර්යමත් සියරට දේ සිරි සැප දේ ප්‍රතිපත්තිය මුංට තේරෙන්නේ නැත. මුං ඔක්කොම ටික අල්ලා ආරියශීල වික්‍රමනායක ලඟට ටියුෂන් යැවිය යුතුය.( දේශහිතේෂී එකේ වසන්ත බංඩාර උනත්  ඒ වැඩේට හොඳය.)

මේ කබ්බන්ට නොතේරුනාට අපේ ආණ්ඩුවට ඉතාමත් දුර දක්නා ආර්ථික ප්‍රතිපත්තියක් තිබේ. සීනි ඇමති කෙනෙක් පත් කලේ ඒ නිසාය.

මේ යන විදියට ගියොත් 2050  දී ලංකාවේ ජනගහණයෙන් බාගයකට දියවැඩියාව හැදෙන බව සෞඛ්‍ය අමාත්‍යාංශය කියා තීබේ.

දියවැඩියාව කියන්නේ ලේ වල සීනි තිබීමය. එනම් 2050 දී අඩුම තරමෙන් කෝටියක් , එක්කෝටි විසිපන් ලක්ෂයක් දෙනා සීනි කරයින් බවට පත් වේ.

ජනගහණයෙන් බාගයක් දෙනා , කෝටියක් දෙනා , සීනි නිෂ්පාදනය කරන රටක සීනි බාරව ඇමති කෙනෙක් සිටිය යුතු නැත්ද?

අද අපි සීනි ඇමති කෙනෙක් පත් කරන්නේ 2050 දී ඒ ඉලක්ක සපුරා ගන්නටය.


ආර්ථික විද්‍යාව නොදන්නා එවුන් කෑ ගැහුවට අපේ ආණ්ඩුව සැලෙන්නේ නැත.

ඔය කෑ ගැහීම් වලින් අපේ ගමන නවත්තන්ටත් බැරිය.

අලුත් සීනි ඇමතිගේ ඇඟ පතේ හැටියට නම් එතුමා දැනටම සීනී නිෂ්පාදනය පටන් අරගෙන තියෙන කෙනෙක් බව පෙනේ. ඒ නිසා අපිට අනාගතය ගැන බය නැත.


සටහන- සිරිසේනගේ සෞඛ්‍ය කට්ටිය අපේ ආණ්ඩුවේ සීනි නිෂ්පාදන ටාර්ගට් කඩාකප්පල් කරන්නට උත්සාහ කරන බව ආරංචිය. සිරිසේන උන්නැ හේගෙ අතේ තිබ්බ අගමැති  කම ගහලා ගියෙත් ඔය වගේ වැඩ නිසාය.දැන්වත් ඔව්වා නවත්තා යන තැනකට පිං අතේ වැඩක් කරොත් හොඳය.



Sunday, January 27, 2013

රජ්ජුරුවෝ හිනස්සන්න විහිළු කාරයෝ



උතුම් බුදු රුවනේ - ලොව්තුරු ද
හම් සරණේ
සමග සඟ රුවනේ - සදා නමදිමි මෙතුන් සරණේ
ආ...........................

සිරිලක්දිව පොරණ සෙංකඩගලෙහි සසොබන
සෙමෙන් රට කරවන සිංහලේ අපෙ මහා නිරිඳුන
ආ...........................

ලන්සි එ පර දේසෙන් ආ - බෝදුක් කර
දර ව්‍යසන
සිංහල නරනිඳු අදහස - සිත සංසුන් කරවගන්ට
සිත සංසුන් කරවගන්ට

සුන්දර කවි කතා ගොතන - බමන කවටයෙකු සොයන
දොන්ත ගුගුඳ ගති ගුඳගත් - අණබෙර පතුරුවා හරින
අණබෙර පතුරුවා හරින

කොයි දේසෙක හිටපු රජෙ
ක් දෝ
මොන කාලෙක හිටපු රජෙක් දෝ

ඒව මේව වැඩි විස්තර දන්නෙ නැතුවට
මෙහෙම රජුන් කොයි දේසෙත් 
ඉන්නවා අදට
ඊයෙ හිටිය අද ඉන්නවා...... හෙට ගැන කුමට

රජ්ජුරුවෝ හිනස්සන්න විහිළු කාරයෝ
බිසව් තොමෝ සනස්සන්න විහිළු
 කාරයෝ
පඩිනඩි නෑ කාලා බීලා හිටියොත් මදිද
රජ්ජුරුවෝ හිනස්සලා මැරුණ
ත් මොකද
රජවරු කිව්වම කොච්චර රාජකාරි ද
විහිළු තහළුවක් හිතන්න වෙලාව කොහෙද
රජා හිනාගන්නන එක ලේසි වැ
ඩක්ද
අන්දරේව ඕන උනේ ඒ නිසාවද

එන්ට එන්ට ප්‍රශ්න වැඩිවෙයි රජ්ජුරුවන්ට
අන්දරේට වැඩත් වැඩිවෙයි ඒ හින්දාම
තනි මිනිහට හැකිවේවිද විහිළු කරන්ට
අන්දරේලා ගොඩක් වෙච්චි රජා ව
ටේට 

රජවරුන්ට ප්‍රශ්න වැඩී
එන්ට එන්ට ඔළු
ව බරයි
ඉතින් එදා ඉදලා හැමදාමත් හැම දේසෙත්
අන්දරේලා ගොඩක් වෙච්චි රජා වටේට

අන්දරේලා.................
...

නාට්‍යය - අන්දරේලා (ජයලත් මනෝරත්න)

https://www.box.com/s/p02yfio900jsmd393yjy

Friday, January 25, 2013

කසාද පහේ කතාව නොහොත් ඇරියස් ඇල්ලීම



බොදු බල සේනාව යැයි අන්ත වර්ගවාදි ආගම්වාදි සංවිධානයක් අටවාගෙන වර්ගවාදි විෂ හලන ගලබොඩ අත්තේ ඥානසාර නම් භික්ෂුව  බෞද්ධයින්ට විවාහ පහක් කර ගැනීමට අවසර ලබා දිය යුතු යැයි ඉල්ලු පුවතක් ඊයේ වාර්තා විය. මෙම ඉල්ලීම ලබා දුනහොත් තමන්ද   සිවුර පසෙකින් තබා ජාතිය ගොඩ නැගීමේ කාර්යයට සම්බන්ධ වීමට  උන්නාන්සේ දත කට මැද ගෙන ගේ  බලා ගෙන සිටිනවා වෙන්නට ඉඩ තිබේ.

කුඩා කාලයේම මහණ වීම නිසා අහිමි වූ කම් සැපත ඉතාමත් ඉක්මනින් බඩ කට පුරා  ලබා ගැනීම සඳහා මෙවැනි යෝජනාවක්  කරන්නට ඇතැයි අපට සිතේ.

එය උපමාවාකින් කිවහොත් විප්ලවය කිරීමට යාම නිසා සීගිරිවත් නොගිය වීරවංශ හිටපු සහෝදරයා , 180ක කරණමක්  ගසා ඩිස්නිලන්තය වඳින්නට යනවා මෙනි.

ඒ ගැන අපි එතරම් නොසිතිය යුත්තේ ඇරියස් ඇල්ලීම මෙවැන්නන් අතර ඉතා පොදු දෙයක් නිසාය.

එසේම මෙම යෝජනාව නිසා ආණ්ඩුවේ ආදායම ද තර වේ. විවාහයකට අය කරන ගාස්තුව රු.5000 ක් කල නිසා දැන් එක අයෙකුගෙන් ලේසියෙන්ම ර්.25,000ක් අය කර ගත හැකිය.

සමහර විට සිංහලයන්ට කසාද පහක් බැඳ ගැනීම සඳහා අවශ්‍ය රු.25,000 සොයා දීම සඳහා බොදු බල සේනාව ඉදිරියේ දී අරමුදලක්ද පිහි‍ටුවන්නට ඉඩ තිබේ. එයට දායක වීමට වීර සිංහලුන්ටද ආරාධනා කරනු ඇත.

සටහන- මෙවන් උමතු ප්‍රකාශ දු‍ටු මතින් කඩා  පැන ප්‍රකාශකයා කීතු කරන සිංහල බ්ලොග් අවකාශයේ සටන් කරුවන් මුන්නාන්සේටත් වැඩක් දෙනු ඇතැයි අප බලා සිටියද තවම එය ඉ‍ටු නොවූ නිසා මෙසේ ලියන්නට සිත් විය. සමහර විට අප බ්ලොග් සගයන්ද මේ යෝජනාවට ඉත සිතින් සහය දෙනවා වෙන්නට ඇති.



Tuesday, January 22, 2013

48 පැය




ඔව්හු උතුරේ දෙමල ජනයා තලා දැමූහ.
අප සිනහසෙමින් කිරිබත් කෑවේ  අප දෙමලුන් නොවන නිසාය

ඉන්පසු ඔව්හු ශිෂ්‍යන්ට පහර දුන්හ.
අප තව දුරටත් නිහඬ වීමු. ඇයි අප ශිෂ්‍යයන් නොවෙමු.

ඔවුන් ක‍ටුනායක කම්කරුවන්ට වෙඩි තබා විශ්‍රාම වැ‍ටුප්  දුන්හ.
අප නිහඬ වූයේ අප කම්කරුවන්ද නොවන නිසාය

ඊ ලඟට  ඔවුන් ධීවරයින්ට වෙඩි තැබුහ.
අපිට පාන්ද? අප ධීවරයින් නොවෙමු.

අනතුරුව ඔව්හු සරසවි ඇදුරන්ගේ ද සටන කීතු කලහ.
මක් වෙනවාද කියු අප සුවසේ නිදා ගත්තෙමු.

ඉන්පසු ඔව්හු උසාවිය සමතලා කලහ.
අප රතිඤ්ඤා පත්තු කර කිරිබත් කෑවෙමු.

දැන් ඔවුන් අපව මැඩලීමට නීතිගෙන එති.
අපව පැය 48ක් පොලීසියේ  ‍රැඳවීමට ඔවුනට අවැසිය.

 ඇට තලා ලබා ගත් කට උත්තරේම සාක්ෂියක් කර ගෙන
අපව මඩින්නට ඔවුහු කැස කවති.

එහෙත් අප තවමත් නිහඬය
උගුරට එනතෙක් කිරිබත් කා සිටින අපට කෑ ගැසීමට නොහැක.











Monday, January 21, 2013

දේශද්‍රොහී මල්වත්තේ



මහනුවරට අපි ආවේ දළදා හාමුදුරුවෝ වඳින්ට
 අස්ගිරියේ මල්වත්තේ නායක හිමි වැඳ පුදන්ට
අට පිරිකර දෙකක් දීලා ආශිර්වාදේ ලබන්ට
එහෙම නැතිව අපිට හැකිද  ලංකාවේ නඩු අහන්ට


දළදා හිමි අපි වැන්දා අනේ සාදු කරුණාවයි
අස්ගිරියේ අපි වැන්දා සාදු සාදු කරුණාවයි
දේශද්‍රෝහී මල්වත්තේ දොර වැහුවා මල කෙලියයි
ඇන් ජී ඕ මල්වත්තේ එලවා දාමු රට ශුද්ධයි


මලා හුටා
 ජලා හුටා
මල කෙලියයි
ලජ්ජාවයි

Saturday, January 19, 2013

ස්පොර්ට් බ්‍රේකින් නිව්ස්



එච් එස් බී සී ආසියානු රග්බි තරඟාවලියේ ශ්‍රී ලංකා කණ්ඩායමේ නායකයා වශයෙන් යෝෂිත රාජපක්ෂ මහතා ‍තෝරාගෙන ඇතැයි වාර්තා වේ. එම පත්වීම ක්‍රීඩා ඇමති මහින්දානන්ද අලුත්ගමගේ මහතා විසින් ද අනුමත කර තිබේ. ( අනුමත නොකර වෙන   මක් කරන්නද?)

ඒ මහතාට  අපේ සුභ පැතුම්

ඒ සමග නව අග විනිසුරු මෝහාන් පීරිස් මහතාටත් අමාවක බ්ලොගයේ සුභ පැතුම් !

සටහන- මේ සුභ පැතුම් දෙකම එකම පෝස්‍ටුවක දැම්මේ වෙනම පෝස්‍ටුවක් ලිවීමට ඇති කම්මැලි කම නිසා මිස වෙන කිසිම හේතුවක් නිසා නම් නොවේ.




Friday, January 18, 2013

අපෙන් මල් මිටක්, ජනාධිපතිවරයාට.



සියල්ල අප සිතුවාටත් වඩා හොඳින් සිද්ධ විය.  ශිරාණි බණ්ඩාරනායක අග විනිසුරුකමින් ඉවත් කිරීමත් එම තනතුරට රූකඩයක් ( 18 වැනි සංශෝධනය කාලයේ ශිරාණි බඳු හෝ ඊටත් වඩා හොඳ රූකඩයක් ) පත් කරනු ඇතැයි යන්න අපේ පැතුම බව අප මීට කලින් කීවෙමු.

එය එසේම වී තිබේ නව අග විනිසුරු ලෙස මොහාන් පීරිස් පත් කර තිබේ .

අපිට සතු‍ටුය. අපි ඒ  ගැන , එනම් නයෙක් ඔඩොක්කුවේ දමා ගැනීම ගැන ජනාධිපති වරයාට සුභ පතමු.

බටහිර රටවලට හා ඇමෙරිකානුන්ට මෙරටට  අත පෙවීමට සලසන්නේ අමරසේකරලා, වීරවංශලා එන් ජීඕ කාක්කන් , ඩොලර් කුක්කන් දෙමල බෙදුම්වාදින්,පෙඩරල් වාදින් හෝ දෙමල ඩයස්පෝරාව නොව රාජපක්ෂ ආණ්ඩුව හා ඔවුන්ගේ කඩුව ගත් රිලා ආරක්ෂකයින් වන වීරවංශලාම බව නොතේරෙන්නේ වීරවංශලා බඳු මඤ්ඤං කාරයින්ටම පමණි.

එහෙත් අද කණාමැදිරියා ලියන්නේ ඒ ගැන නොවේ. රාජපක්ෂලා වීරවංශලා කඩේ යවපු හැටි ගැනය.

ශිරාණි බණ්ඩාරනායකව ගෙදර යැවීමට ආණ්ඩුව කැපූ මඩවලේ බැස ගෙන නැටූ වීරවංශ, නලින් සිල්වා, ගුණදාස අමරසේකර, ගෝමින් දයාසිරි, හා සරත් නන්ද සිල්වා වැනි අයවලුන් දිගින් දිගටම කියා සිටියේ ශිරාණි ඉවත් කර ඒ තැනට ශ්‍රේෂ්ඨාධිකරණයේ සිටින ජ්‍යෝෂ්ඨතම  විනිසුරුවරයා පත් කල යුතු බවයි. ජනාධිපතිවරයා තම අවවාදය පිලි ගෙන එසේ කරනු ඇතැයි ඔවුන් සිතු බවක්ද පෙනෙන්නට තිබුනි.

එහෙත් සිද්ධ වුනේ මල කෙලියකි.

රජයේ ආයතන කිහිපයකම නිල තල ඉසිලු උග්‍ර රාජපක්ෂවාදියෙක් වූ හා තමන් නීතිපති කාල යේ ආණ්ඩුවේ හිතවතුන්  හිතුමනාපයේ  නඩු වලින් නිදහස් කල මෝහන් පීරිස් අහසින් අවුත් එම තනතුරට පත් විය.

ශිරාණි ඉවත් කිරීමට කඩේ ගිය වීරවංශලා, ගුණදාස අමරසේකරලා,ගෝමින් දයාසිරිලා දැන් සිටින්නේ ගලේ පැහැරූ බලලුන් ලෙසය.

ඇත්තටම ඊටත් වඩා හොඳ උපමාවක් අපගේ හිතට නැගේ.

එනම් කැරි කෑ රිලවුන් ලෙසය.

මේ කාලකණ්නි හැත්ත එවන් තත්වයකට පත් කිරීම ගැන මෙන්න අපෙන් මල් මිටක්, ජනාධිපතිවරයාට.

සටහන- හැබැයි අනිත් අයට කෙසේ වූවත් වීරවංශට නම් ලජ්ජාවක් කියා දෙයක් නැති බවද අප දනිමු.

Wednesday, January 16, 2013

වාසුදේව කෝලම




වාසු සබයට පිවිසෙයි

රුංද ගතින් ගත රුංද ගතින් ගත රුංදා රුංද ගතින් ගත රුංද ගතින් ගත රුංදා

බෙරපද තාලයට නටමින් සබය වටා රවුමක් යයි

වාසු-         මම වෙමි වාසු ,නිරිඳුගේ ගැත්තා
                 යුක්තිය සෙව්වේ ඉස්සර කාලේ
                 විප්පල කෙරුවේ ට්‍රොට්ස්කිගෙ කාලේ
                 මම වෙමි වාසු නිරිඳුගේ ගැත්තා

                             
                 අග විනිසුරු එලවමි රජුගේ අණ ලෙස
                 කුණුහරුපෙන් බැන එලවමි එලවමි
                 මෙහි එනු ඉතිරිය සටනට මා හා
                 ගලවමි තිගෙ රෙදි රජුගේ අණ ලෙස


                 විමලෙට හැකිනම් මා හට නොහැකිද
                 නිරිඳුන්ගේ හොඳ දාසයා වන්නට
                 ඇමතිකමේ මා දිගටම ඉන්නම්
                 ඔබගේ පා යුග ලෙව කා ඉන්නම්
               
               
                මම වෙමි වාසු ,නිරිඳුගේ ගැත්තා///////
  
රුඳ ගත රුඳ ගත රුංද ගතින්දා රුඳ ගත රුඳ ගත

වාසු නටමින් සබයෙන් පිටවී යයි. සබයට පි‍ටුපා යන විට ඇඳ සිටින කලිසමේ පි‍ටුපස  පලුවක් නැත. හෙලුව සබයට පෙනේ.

Monday, January 14, 2013

අග විනිසුරු කම කාටද? අපෙනුත් යෝජනාවක්.




දැන් ශිරාණි බණ්ඩාරනායකට එරෙහිව දෝෂාභියෝගය ආණ්ඩුව ජය ගෙන ඇති නිසා ඇයව ඉවත් කිරීමෙන් පසු අග විනිසුරු කමට අලුතින් කෙනෙක් පත් කිරීම ගැන කතා හතර  වටෙන් ඇසෙන්නට පටන්  ගෙන තිබේ.

මේ ගැන වැඩිපුරම කියවෙන නම වී තිබෙන්නේ  හිටපු නීතිපති වරයෙක් වන මොහාන් පීරිස්ගේ නමය.

අවංක දේශප්‍රේමියෙක් වශයෙන් සෑම අවස්ථාවකම රජයට උදව් කිරීම යුතුකමක් වශයෙන් සලකන අපද ඒ ගැන දීර්ඝ වශයෙන් කල්පනා කලෙමු. අප මෙම තනතුර සඳහා නම් කිහිපයක් ම කල්පනා කලෙමු.

ඔවුන්ද මේ තනතුර සඳහා ගැලපෙන බවට කිසිම සැකයක් නැත.

වාසු දේව නානායක්කාර

විමල් වීරවංශ

රාජිත සේනාරත්න

මහින්ද අබේසුන්දර

හඩ්සන් සමරසිංහ

කෙසේ වෙතත් මෙම අයගේ දක්ෂකම් , උගත් කම හා පක්ෂපාතිත්වය සලකා බලා ලකුණු දීමේදී පස් දෙනාටම ලැබුනේ එකම ලකුණු ප්‍රමාණයකි. එම නිසා අනවශ්‍ය ගැ‍ටුමක් ඇති වේ යැයි යන බිය නිසා විකල්ප නමක් සෙවීමට අප කල්පනා කෙරුවෙමු.

එක්වරම අප සිහියට ආවේ මර්වින් සිල්වා ආචාර්ය තුමාය.

මේ දිනවල කැළණියේ සංවිධායක කමත්  නැති වී මස්තබාල්දු වී සිටින එතුමාගේ ප්‍රශ්නයට මෙන්ම , කැළණියේ ප්‍රශ්නයට හා අධීකරණයේ ප්‍රශ්නයටද ස්ථීර විසඳුමක් දීමට ඇති එකම ක්‍රමය එය බව අපට පෙනී ගියේය.

අනික් අතට ව්‍යවස්ථාදායකය හා අධිකරණය අතර ඇති වී තිබෙන ගැ‍ටුම විසඳීම සඳහා හොඳම ක්‍රමය ව්‍යවස්ථාදායකයෙන් එතුමා වැනි  කෙනෙක් අධිකරණයට පත් කිරීම බවද අපට අවබෝධ විය.

සුදුසු කම් හා කල් ක්‍රියාව අතින්  බැලූ විට මෝහන පීරිස් මැතිතුමා හා  සිල්වා ආචාර්යතුමා අතර වැඩි වෙනසක් ද නැති නිසා මෙම යෝජනාව ගැන සලකා බලනු ඇතැයි අප උදක්ම බලාපොරොත්තු වෙමු.

Sunday, January 13, 2013

නොරීගා සහ මල්ලි


ඔබ මැනුවෙල් නොරීගා ගැන අසා තිබේද?

ඔහු 1983 සිට 1989 දක්වා පැනමාව පාලනය කළ කුප්‍රකට ඒකාධිපතියාය.ඔහුට බලයට ඒමට අත හිත දුන්නේ ඇමෙරිකාවේ සී අයි ඒ ආයතනයයි.

නොරීගා  බලයේ සිටියදී මහජන මුදලින් අසීමිත ලෙස සැප වින්දේය. රටේ සියලු සම්පත් ඔහුගෙ පවුලේ හා සමීප හිතවතුන්ගේ ග්‍රහණයට නතු කලේය. එපමණක් නොවේ. ඔහු  මත් ද්‍රව්‍ය ජාවාරමද සරුවටම කර ගෙන ගියේය.

නොරීගා  රට පාලනය කලේ භීෂණය යොදා ගනිමිනි. ඔහුට විරුද්ධ වූවන් එක්කෝ අතුරුදහන් කෙරිණි. නැත්නම් එලිපිටම පහර දී මරා දැමුනි. ඒ සඳහා ඔහු  රජයේ  නීත්‍යානුකූල හමුදාවට පිටින් ඩිග් බැට්ස් , ඩොබර්මන් තග්ස් ආදි වශයෙන් හැඳින්වුනු ඝාතක කල්ලිද භාවිතා කලේය. 

පහත ඡායාරූපයෙන් දැක්වෙන්නේ 1989 ජනාධිපතිවරණයේදී ඔහුට විරුද්ධව තරඟ කල ගිලර්මෝ එන්ඩාරා ගේ උප ජනාධිපති අපේක්ෂක  ගිලර්මෝ ෆොර්ඩ්ට නොරීගාගේ නොනිල මැර හමුදා විසින් පහර දුන් අවස්ථාවයි.




සටහන-1 . පිං පිරිහුණු මැනුවෙල් නොරීගා  වසර විස්සක  පමණ කාලයක් ඇමෙරිකානු හිරගෙයක තැප දැන් පැනමාවට බාර දෙනු ලැබ එහි හිර ගෙයක වෙසෙයි.

පහත ඡායාරූපයෙන් දැක්වෙන්නේ ශ්‍රී ලංකා ප්‍රජාතාන්ත්‍රික සමාජවාදි ජනරජයේ අග විනිසුරුවරියට එරෙහිව ගෙන ආ දෝෂාභියෝගයට විරෝධය පල කීරීම සඳහා සංවිධානය කර තිබූ උද්ඝෝෂණයට පහර දීමට පැමිණ් සිටි ජනරංජන මනරංජන ප්‍රජාතාන්ත්‍රික සමාජවාදි, අවිහිංසක, දේශප්‍රේමි කුලී හමුදාව සහ ඔවුන් එම උද්ඝෝෂණයට පැමිණි අයෙකුට පහර දෙන අන්දමයි.


සටහන.2-මේ ගල් බනිසට මිනී මරන, කසිප්පු පොවා සටන එවූ කුලී හමුදාව, ස්වර්ණවාහිනියේ ප්‍රවෘත්ති විකාශයේදී හැඳින්වූයේ දෝෂාභියෝගයට සහය පල කිරීම සඳහා දිවයිනේ නන් දෙසින් පැමිනි රටට ආදරය කරන පිරිස් වශයෙනි.

Saturday, January 12, 2013

නූතන පංචමහා බලවේගය ජයගත් වගයි

අධිකරණය හා ව්‍යවස්ථාදායකය  අතර තිබූ කඹ ඇදිල්ලෙන් නූතන පංචමහා බලවේගයේද සහය ඇතිව  ජයගත් වගයි.

ඒ නූතන පංචමහා බලවේගයේ  සටනේ අවස්ථා කීපයක් පහත දැක්වේ.















Thursday, January 10, 2013

ශිරාණි ඉවත් කරනු.-මගේ පරම පැතුම එයයි.



අගවිනිසුරු ශිරාණි බණ්ඩාරනායකට එරෙහි දෝෂාභියෝගය අවසන් අදියරට පැමිණ තිබේ. නිසැක ලෙසම ඇයව තනතුරින් පහ කරන්නට රජය , මිලට ගත් හිස් ගෙඩිත්  සමග පාර්ලිමේන්තුව තුල ඇති තම අති මහත් බහුතරයේ බලය යොදා ගනු ඇත.

තමන් බලාපොරොත්තු නොවූ ලෙස ශිරානි බණ්ඩාරනායක ඉල්ලා අස් නොවූ නිසා ආණ්ඩුවේ ලොක්කන් හා ක‍ටු කන කුක්කන් හැසිරෙන්නේ මාරාවේෂ වූවන් ලෙසය.රාජ්‍ය මාධ්‍ය පමණක් නොව ආණ්ඩුවට කඩේ යන බහුතරයක් වූ පෞද්ගලික මාධ්‍ය ද ශීලාචාර බවේ සියලු සීමා බිඳ දමමින් සිටිති. වීරවංශලා හා හඩ්සන් ලා එක පෙලට සිට උරෙන් උර ගැටී තම අසහනකාරි වෛරී මානසිකත්වය ප්‍රදර්ශනය කරමින් සිටිති. ඔවුන් තමන්ගේ පහත් ගති ලක්ෂණ මහත් උජාරුවෙන් පෙන්වමින් සිටිති.

ඔවුන් පසුපස ,ගුණදාස මරසේකර, ගෝමින් ,නලින් සිල්වා, චම්පික බඳු ජාතිවාදින් තම සුපුරුදු බටහිර කුමණ්ත්‍රණ මන්තරය ජප කරමින් පෙරහැරේ එන්නේ ස්වාමියා අසුරු ගැසූ විට කීක් කීක් ගාමින් එන බලු කුක්කන් විලසය. ඒ මාලු බනිසකට හා රුපියල් කිහිපයකට ගෙන්වන ලුම්පන් පංතියේ උද්ඝෝෂකයින්ට අමතරවය.

සඳුදා වන විට ඇයව ඉවත් කර රූකඩයක් අග විනිසුරු පු‍ටුවේ හිඳුවනු ඇත. ඒ සමග මෙතෙක් නාමිකව පමණක් තිබූ ශ්‍රී ලංකාවේ ස්වාධීන අධිකරණය අංගසම්පූර්ණ ලෙසම පාලකයින්ගේ අභිමතාර්ථයට අනුව ක්‍රියා කරන රූකඩ කෝලමක් වනු ඇත. එයින් අනතුරුව , මානව හිමිකම්, යුක්තිය, මූලික අයිතිවාසිකම් හා ප්‍රජාතන්ත්‍රික අයිතිවාසිකම් වැනි දේ සඳහා අධිකරණයට යාමට සිතනු ඇත්තේ උම්මත්තකයින් පමණි.

ඒ අනුව බලන විට මේ දෝෂාභියෝගයෙන් ඇත්තටම සිදුවනු  ඇත්තේ යහපතකි. එනම් ස්වාධීන අධිකරණ මිථ්‍යාව බිඳ දැමීමයි. රටේ අනිකුත් ආයතන සියල්ලටම වීඇති පරිදි අධිකරණයත් පවුල් පාලනයේ විය ගසට සම්පූර්ණයෙන්ම බැඳ දැමූ පසු ජනතාව යුක්තිය උදෙසා විකල්ප මං සෙවීමට කල්පනා  කරනු ඇත. එයම ප්‍රමාණවත්ය.එය හෙට සිදුනොවුනත් සිදු වනු ඇත. මාලු බනිසට හා කසිප්පු වීදුරුවට සෑම දාම ජනයා යට නොවී සිටිනු ඇත. මර්වින් සිල්වාට සිල්වාට සිදු වූ දෙය මෙනි.

එහෙත් එහි ඇති යහපත ඉන් නිමා නොවෙන්නේ මේ ප්‍රශ්නය ගැන ජාත්‍යන්තරයද දැනටම සීරුවෙන් සිටින නිසාය. තම ක්‍රියා කලාපය නිසා දැනටමත් ජාත්‍යන්තර ප්‍රජාව තුල කොන් ව සිටින  පත් ව සිටින රෙජිමය මේ සමග තව  තවත් අපකීර්තියට පත් වනු ඇත. අධිකරණය තම අතට ගැනීමත් සමග රටේ මානව හිමිකම් ප්‍රශ්න උග්‍ර වනු නො අනුමානය.

මේ කරුණු වලින් පෙනී  දෝෂාභියෝගය රාජපක්ෂලාට අහක යන නයි ඔඩොක්කුවේ දමා ගත්තාක් මෙන් විය  හැකි බවයි.

එසේ වේවායි අපිත් පතමු.

මගේ නම් පරම පැතුම එයයි.



Tuesday, January 8, 2013

අපෙනුත් දේශප්‍රේමයට සම්මාදමක්



අපේ දේශප්‍රේමි කට්ටියගේ දේශප්‍රේමි වැඩ වලට සල්ලි ටිකක් ඕනෑ කර තිබෙන බව දැන ගන්නට ලැබුනෙමි.

නාමල් කුමාරයාට නයිට් රේස් තියන්නටත් ,රෝහිත කුමාරයාට රොකට් පදින්නටත් සෑහෙන්න සල්ලි ඕනෑ බව නිසැකය. ලම්බෝගිනියක් ම කීයක් වෙනවාද?

කුමාර ගොල්ල ගැන විතරක් නොවේ . ඇමති ගොල්ල ගැන බලන්නත් එපාය. එංගලන්තේ ගොහින් අධිරාජ්‍ය විරෝධය ඉගෙන ගන්න විභූති පුතාටම  කොච්චරක් නම් වියදම්ද කියලා අපේ වි.වංශ ඇමති තුමා ගෙන් අහලා බලන්ට.

ඉතින් මේ වියදම් වලට සොච්චමක් හොයා ගන්ට කසාද බද්ද රුපියල් 5000 කලාම, මල බද්ධය , අදාහන බද්ද රුපියල් 2000 ක් කලාම, පෙට්‍රල් මිල රුපියල් 10 කින් වැඩි කලාම , ගෑස් රුපියල් 150 කින් වැඩි කොලාම අපි කෑ ගහන්ට හොඳ නැත. ලඟදීම විදුලි බිල වැඩි කලාමත් කෑ ගහන්ට එපාය.  ඒවා දේශප්‍රේමය වෙනුවෙන් , මේ රට ගිල ගන්ට බලන් ඉන්න එන් ජී ඕ කාක්කන්ට විරුද්ධව, අධිරාජ්‍යවාදි බටහිරයන්ට විරුද්ධව, ඩයස්පෝරා කාරයින්ට විරුද්ධව , කරන වැඩය. විරුද්ධ වෙන්නේ අධිරාජ්‍යවාදින්ගේ ඔඩොක්කුවේ ඉන්න ,ඩොලර් කාක්කන්ය. දේශද්‍රෝහින්ය.

දේශප්‍රේමින් කල යුත්තේ මේවාට විරුද්ධ වීම නොව තව තවත් ඒ වගේ දේශප්‍රේමි යෝජනා ගෙන ඇවිත් අපේ දේශප්‍රේමින්ට උදව් කිරීමය.

සැබෑ දේශප්‍රේමියෙක් වශයෙන් අපි අපේ යුතුමක ඉ‍ටු කිරීමට සූදානම්ය. එනම් ඉහතින් කී දේශප්‍රේමී කටයුතු සඳහා අවශ්‍ය වියදම් සොයා ගැනීම සඳහා යෝජනා කීපයක් කිරීමට ය.

මෙම යෝජනා සාමන්‍ය යෝජනා හා විශේෂ යෝජනා වශයෙන් කොටස් දෙකකි. සාමාන්‍ය යෝජනා වලිනුත් හොඳ ආදායමක් බලාපොරොත්තු වුනත් විදේශ ගැති එන් ජී ඕ කාක්කන් ඒවා කඩාකප්පල් කිරීමටද ඉඩක් තිබේ.



1. සාමාන්‍ය යෝජනා

අ. බලු බද්ද- ඇති කරන සෑම බල්ලෙක්ගෙන්ම රුපියල් 1000 ක් බද්දක්- බල්ලන් ඇති කරන්නේ කහන සල්ලි කාරයින් නිසා ප්‍රශ්නයක් නැත.

ආ. හරක් බද්ද- කකුල් හතරේ හරකුන්ගෙන් පමණි.

ඇ. කුකුල් බද්ද.- කුකුලෙකුගෙන් රුපියල් 500. කුකුල් මස් කිලෝව රුපියල් 1000 විතර වුනත් කම් නැත. බොදු බල සේනාවේ සපෝර්ට් එකද ගත හැක.

ඈ. බිත්තර බද්ද- බිත්තරයකින් රු.25 බද්දක්.

ඉ. පාන් බද්ද- රු.100. දේශ හිතෛෂී ජාතික ව්‍යාපාරයේ යෝජනාවකි.

සියලු දෙනා පාන් නොකා ඉන්නට හිතීම,මස් බිත්තර නොකා අම්බානක් බෞද්ධයින් වෙන්නට සිතීම   යනාදි වශයෙන්  දේශද්‍රෝහි ක්‍රියාවන්ට යට වුනොත් මේ සාමාන්‍ය බදු වලින් එන ආදායම අඩු වේ.එයට පිලියමක් විදියට පහත විශේෂ බදු යෝජනා කරනු ලැබේ.

පහත දැක්වෙන විශේෂ යෝජනා වලින් එන ආදායම ස්ථීරය. 

අ. තන බද්ද- සෑම ස්ත්‍රියාවක්ම තම පියවුරු දෙක වෙනුවෙන් එකකට රු. 1000 ක් ගෙවිය යුතුය. ලංකාවේ ස්ත්‍රීන් කෝටියක් වත් ඉන්න නිසා රුපියල් මිලියන් 20,000 වාර්ෂික ආදායම් ෂුවර්ය.

ආ. ඇට බද්ද- සෑම පිරිමියෙක්ම තම වෘෂණ දෙක වෙනුවෙන් එකකට රු.1000 බැගින් බදු ගෙවිය යුතුය. (මින් ලැබෙන ආදායම ගැන දැන්ම යමක් කීමට අපහසුය. මක් නිසාද යත් වැඩි දෙනෙකුන් හැසිරෙන්නේ මේවා නැති උන් විදියට නිසාය.)

ඇ.බොග බද්ද- වැසිකිලි යන වාරයකට රු.1.00 ක බද්දක්. මෙය මව්බිම( ටිරාන්ගේ මව්බිම නොවේ) වෙනුවෙන් අය කෙරෙන සෘජු බද්දකි.

-මේ ආකාරයේ දේශප්‍රේමි යෝජනා ඔබ ලඟත් ඇත්නම් වහාම අපට දන්වන්න.


Monday, January 7, 2013

සිරිපා ගමන-ජීවිතය සුන්දරද කෙතරම්



මේ අතරතුර පාර්ලිමේන්තුවේ ආණ්‌ඩු පක්‍ෂය නියෝජනය කරන තරුණ මන්ත්‍රීවරු පිරිසක්‌ පසුගිය සති අන්තයේ අපූරු වන්දනා ගමනක්‌ ගොස්‌ සිටියහ. මෙහි මූලිකත්වය ගෙන තිබුණේ නාමල් රාජපක්‍ෂය.

නාමල් තරුණ මන්ත්‍රීවරු පිරිස සමග සිරිපා වඳින්නට යන ගමන සංවිධානය කිරීමේ වගකීම බාර දුන්නේ උදිත ලොකු බණ්‌ඩාරටය. ඒ අනුව සතියක්‌ පුරා මස්‌ මාංශ ආහාරවලින් තොරව පේවී සිටි මන්ත්‍රීවරු පසුගිය 29 වැනි සෙනසුරාදා රාත්‍රියේ හැටන් මාර්ගයේ නල්ලතන්නිය අසල වයිට්‌ එලිපන්ට්‌ හෝටලයට පැමිණ සිටියහ. ඒ අතර නාමල්, උදිත, තාරානාත්, රොෂාන්, කනක, මනුෂ, එරික්‌ යන මන්ත්‍රිවරු පිරිසක්‌ සිටියහ. ඊට අමතරව නාමල්ගේ ළඟ හිතවතෙකු වන ජාතික තරුණ සේවා සභාවේ සභාපති ලලිත් පියුම් පෙරේරා ද රොෂාන් මන්ත්‍රීවරයාගේ බිරිඳ ද පැමිණ සිටියහ.

මෙම නඩය, නඩේ ගුරු උදිතගේ උපදෙස්‌ අනුව රාත්‍රි 11.30 ට ගමන ආරම්භ කිරීමට යොදා ගෙන සිටියත් රාත්‍රි 1.30 වනතුරු එතැනම රැඳී ඉන්නට හේතුවක්‌ යෙදිනි. හේතුව යෝෂිත රාජපක්‍ෂ ද ගමනට සහභාගි වන බැවින් රැඳී ඉන්නැයි කරන ලද ඉල්ලීමකි.

ඒ අනුව සිටින ආරක්‍ෂක නිලධාරීන් කිහිපදෙනකුගේ ආරක්‍ෂාව මධ්‍යයේ මේ තරුණ පිරිස ගමන් අරඹන විට අලුයම 1.30 පමණ වී තිබිණ.

පිරිස මකර තොරණ අබියසට ළඟා වන විට කණ්‌ඩායම දෙකට තුනට බෙදී සිටියහ. නාමල්, යෝෂිත, ඇතුළු තරුණ ගැටවර පිරිස ඉතා වේගයෙන් සිරිපා කරුණා කරන්නට පටන් ගෙන සිටියහ. යන එන බැතිමතුන්ට කතා කරමින් විහිළු තහළු කරමින් තුන් සරණ කවි කියමින් මේ තරුණයෝ පිරිසගේ සිරිපා ගමන මගතොට කාට කාටත් අරුමයක්‌ ම වී තිබුණා යෑයි කිවහොත් අතිශයෝක්‌තියක්‌ නොවේ.




මන්ත්‍රීවරු අතර කෝඩුකාරයන් ද කිහිපදෙනෙක්‌ම සිටියහ. කනක, තාරානාත් ඒ අතර කැපී පෙනිණි. ඉඳිකටුපාන, සීත ගඟුල, මහගිරිදඹ, අහස්‌ගව්ව පසු කරමින් මන්ත්‍රීවරු ඉතා වේගයෙන් උඩමළුවටම ගොස්‌ සිටියහ.

උඩමලුවේ සිරිපා පියුම සිත් සේ වැඳ පුදාගත් තරුණ පිරිසට ආශිර්වාද කරන්නට සිරිපා මළුවේ නායක හිමියෝද පැමිණ සිටියහ. උන්වහන්සේ උණුසුම් තේ කෝප්පයකින් මන්ත්‍රීවරුන්ට සංග්‍රහ කර සිරිපා වන්දනාවේ ඉතිහාසය හා ආදීනව ගැන හොඳ පාඩමක්‌ ද කියා දුන්හ.

වන්දනාකරුවන්ට පුදුමයක්‌ වෙමින් යළිත් මේ සහෝදර පිරිස ඉරිදා පාන්දර වනවිට සිරිපා කරුණාව නිමා කර වයිට්‌ එලිµන්ට්‌ හෝටලයටම පැමිණ සිටියහ....

අපි හිතාගෙන හිටියේ මෙයා එනව කියන කොට අපිට මෙයාව උස්‌සගෙන ගන්න වෙයි කියලයි......... හැබැයි උනේ ඒකේ අනිත් පැත්ත. මෙයාලට පුළුවන් රොෂාන්වත් උස්‌ස ගෙන ආයෙත් කන්ද නැගල බහින්න..... තරුණ මන්ත්‍රීවරු රොෂාන්ගේ බිරිඳට විහිළු කළේ රොෂාන් මහත් අපහසුවෙන් දෙපාවලට සත්කාර කරමින් වෙහෙස නිවන ආකාරය දෙස පෙන්වමිනි. 


(උපුටා ගැනීම දිවයින ජාතික පුවත් පතෙන් -http://www.divaina.com/2013/01/06/politics01.html)

Sunday, January 6, 2013

බීඩි කොට ඕනෑ කර තිබේ.




කවුරුන් මොනවා කිව්වත් ශ්‍රී ලංකා පොලීසිය ඉතා කාර්යක්ෂමය. සූක්ෂම ලෙස පරීක්ෂණ කර ඕනෑම අපරාධයක් හෙලි කර ගැනීමට ඔවුන් සමත්ය. ෂර්ලොක් හෝම්ස්ගේ බාප්පලා වගේය.

ක‍ටු ගේ කැඩූ කන් ගැට්ටා අල්ලා ගැනීමට ඔවුනට අවශ්‍ය වූයේ බීඩි කොට කිහිපයක් පමණි. ( වරදවා වටහා නොගන්න. බීඩි අවශ්‍ය වූයේ ඔවුන්ට බීමට නොවේ. මේ බීඩි කොට කීවේ අපරාධකාරයා බී දමා ගිය බීඩි කොටය).

ඔවුන් එතරම් කාර්යක්ෂම නම් මංජුල තිලකරත්නට පහර දුන් අය තවම අල්ලා නොගත්තේ මන්දැයි යම් කුහකයෙක්  අසන්නට පුලුවන. අල්ලා ගන්නට කෙනෙක් සිටිය යුතුය. අල්ලා නොගන්නේ කෙනෙක් නැති නිසාය. ඇත්ත නම් මංජුල තිලකරත්නට කවුරුත් පහර දී නැත. ( සැක නම් වීරවංශ ඇමති තුමාගෙන් අසා බලන්න)

දෝෂාභියෝග කමි‍ටුවේ සභාපති ඇමති අනුර යාපාට තර්ජනය කරමින් පෙරේදා  ආ දුරකථන ඇමතුම ගෙන ඇත්තේ අලුත් කඩේ අධිකරණ සංකීර්ණයට නුදුරින් පිහිටි දුරකථන කුටියකින් බවා අපේ ඒ අති ශූර  පොලීසිය සොයා ගෙන තිබේ. 

එහෙත්  තවමත් මේ ඇමතුම දුන්නේ කවුදැයි  සොයා ගැනීමට නොහැකි වී ඇත. ඒ අදක්ෂ කමක් නිසා  නොව අපරාධකරු  අල්ලා ගැනීමට  අවශ්‍ය බීඩි කොට ලැබී නැති නිසාය.. එම බීඩි කොට ලැබුණු විගස මෙම සහාසික දුරකථන ඇමතුම දුන් පුද්ගලයා කවුදැයි සොයා ගත හැක.

එසේම එම බීඩි  කොට නිෂ්පාදිත රට අනුව  මෙම ක්‍රියා දාමය පි‍ටුපස සිටින්නේ කවුදැයි සොයා ගත හැකි වන අතර එයින් බලවත් ජාත්‍යන්තර කුමන්ත්‍රණයක් හෙලිකිරීමටද හැකි වනු ඇත.අලුත්කඩේ ප්‍රදේශයේ දේශීය බීඩි කොට තිබිය නොහැකි බව දේශහිතෛෂී ජනතා ව්‍යාපාරයේ සභාපති ගුනදාස මරසේකර මහතා හා එහි ලේකම වසන්ත බන්ඩාර මහතා එක හඬින් කියා සිටී.

එම නිසා අලුත්කඩේ ප්‍රදේශයේ බීඩි කොට දු‍ටුවහොත් වහාම දැනුම් දෙන ලෙස සියලු දේශප්‍රේමි ජනතාවගෙන මෙයින් ඉල්ලාසිටිනු ලැබේ.




Saturday, January 5, 2013

දුක හිතෙන කථාවක්



එය පුවත  අසා මගේ මුලු ගතම හිරි වැටී ගියේයේ අත පය අප්‍රාණික විය.  හද සොවින් බර විය. දෑස කඳුලින් පිරුණි.

මම හැඬීමි. ඉකි ගසමින් හැඬීමි. ඊරියක සේ වැලපීමි.

 මගේ හද තවමත් දැවෙන සෙයක් දැනේ.අහෝ!

 එය කොතරම් නම් නපුරු පුවතක්ද? අහෝ!

වනේ වන සතුරකුටවත් මෙවන් විපතක් සිදු නොවිය යුතුය.

ඒතරම් යහපත් මිනිසෙකුට මෙවන් වූ නපුරක් කිරීමට යමෙකු සිතුවා යැයි යන පුවත  මා මහත් කම්පනයකට ලක් කලේය.

අහිංසක මිනිසෙකුට තමන්ගේ පාඩුවේ ඉන්නට නොදී මෙවන් දේ කරන නිරිසතුන්ට මිනිසුන් යැයි කිව හැකිද?

සත්තකින්ම නොහැක.ඔවුන් නිසැකින්ම තිරිසනුන් විය යුතුය.

එවන් අහිංසක, ළදරුවෙකු සේ පාරිශුද්ධ මිනිසෙකුට හානියක් කිරීමට සිතන්නා තිරිසනෙක් නොවී වෙන කවුරුන්ද?

මා මේ කතා කරන්නේ කුමක් ගැනදැයි ඔබ සිතුවාද?

ඔව් ඔබ නිවැරදියි.

මා මේ කියන්නේ ඇමති අනුර යාපාට කවුරුන්දෝ දුරකතනයකින් කල තර්ජනය ගැනයි.

එපුවත රූපවාහිනියෙන් කියද්දි ඔහුගේ මුහුණේ ඇඳී තිබූ අසරණ අහිංසක විලාශය...

මා හද වැඩියෙන්ම කම්පා කලේ එවෙලේ ඔහුගේ මුහුණේ තිබු අසරණ කමයි.

අහෝ දෙවියනි, මේ අහිංසකයාගේ  ආරක්ෂාව ගැන ඔබ වග විය යුතුය.

මම ඔබට රන් බරට භාරයක් වන්නෙමි.

දෙවියනි. ඔහු බලා ගත මැනවි.

අහෝ අනුර සේනානායක තුමනි.

ඔබ ක‍ටුගේ සොරා ඇල්ලු පරිද්දෙන්ම මේ දුෂ්ඨයා ද අල්ලා දඟ ගේ ලනු මැනවි.

ඔබ සැම දෙවියෝ රකිත්වා



Thursday, January 3, 2013

යූ ඇන්පිය හෙලුවෙන්ම කඩේ යයි.


එක්සත් ජාතික පක්ෂයේ  තිස්ස අත්තනායකලා, ජෝන් අමරතුංගලා, ලක්ෂ්මන් කිරිඇල්ලලා පමණක් නොව සජිත් ප්‍රේමදාසලාත් පසු ගිය කාලය පුරාවට නීතියේ ආධිපත්‍ය, ප්‍රජාතන්ත්‍රවාදය, සමානාත්මතාව, ඒකාධිපති වියරුවට එරෙහි වීම ,ජනතා පරමාධිපත්‍ය,උණ්ඩුක පුච්චය, අන්නශ්‍රෝතය, මල බද්ධය යනුවෙන් කෑ ගසමින් රාජපක්ෂ රෙජිමයේ වියරුවෙන් රට ගලවා ගෙන අධිකරණය ස්වාධීන කර , මහජන මතය ඔසවා තබා ,රට යහමගට ගත හැක්කේ එජාපයට පමණක් බවට පාරම් බාමිනි.

රෙජිමයේ හෙංචයියන් ශිරාණි බණ්ඩාරනායකට එරෙහිව දෝෂාභියෝගය ගෙනා දා සිට විජේදාස රාජපක්ෂත් පෙරමුණේ තබාගෙන මොවුන් හැසිරුනේ ප්‍රජාතන්ත්‍රවාදයේ මුර දේවාතාවුන් නම් තමන් පමණක් බව පෙන්වමිනි.

නමුත් මෙය කතාවට පමණ්ක් සීමා වූ අමු බොරුවක් බව හෙලි වූයේ දෝෂාභියෝගයේ තීරණාත්මක අවස්ථාවක් වූ අභියාචනාධිකරණය විසින් තේරීම් කමි‍ටු සාමාජිකයන්ට නොතීසී නිකුත් කල විටය.

රනිල් හා යූ ඇන්පිය තමන්ගේ  නියම හෙලුව එලියට දමමින් , පාර්ලිමේන්තුව උත්තරීතර යැයි කියන බයිලය වමාරා කමින් උසාවි නියෝගය පිලි නොගැනීමට තීන්දු කලේ මෙම දෝෂාභියෝග ක්‍රියාවලිය දැඩි අසීරු තත්වයකට පත් කිරීමට තිබූ අනගිම අවස්ථාවක් අත හැර දමමිනි.

කොහේවත් නැති පාර්ලිමේන්තු උත්තරීතර භාවයක් ගැන රනිල්ලා මෙසේ නන් දොඩවමින් ආණ්ඩුවේ ස්ථාවරය ආරක්ෂා කරන පිලිවෙතකට යන්නේ නීතිය බලු මයිලක් තරම්වත් මායිම් නොකරමිනි.

තමන් ප්‍රජාතන්ත්‍රවාදයේ මුර දේවතාවුන් බව පෙන්වීමට උත්සාහ කරන එජාපයේ හෙලුව මෙසේ හෙලි වීම මේ දෝෂාභියෝගයෙන් සිදු වූ හොඳම දෙය බව නම් නොකියා බැරිය. ජවිපෙ හා ද්‍රවිඩ ජාතික සංවිධානය උසාවිය හමුවේ පෙනී සිටීමට ගත් තීරණය නිසා එජාපයේ හෙලුව වඩා හොඳින් හෙලිදරව් විය.

කෙසේවෙතත් යූඇන්පියේ මේ ක්‍රියාව ආණ්ඩුවේ නම් මහත් සේ ප්‍රීතියට හේතුවට කරුණක් වී ඇති බව පෙනේ. වීරවංශ ඇමති වරයාගේ ලංකා සී නිව්ස් වෙබ් අඩවිය මේ පුවත වාර්තා කලේ රනිල් මහත්මයෙකු වෙයි යනුවෙනි. ඩලස් ඇමත්වරයාද එජාපයේ මේ ක්‍රියාව මහත් සේ පසසා තිබුනි.

සටහන-  නිමල් සිරිපාල ඇතුලු ආණ්ඩුවේ සාමාජිකයනුත් , එජාපයේ සාමාජිකයනුත් අභියාචනාධිකරණ නොතීසී අනුව උසාවි නොයා සිටීමට ඉදිරිපත් කරන එක් තර්කයක් නම් තේරීම් කමි‍ටුවේ කාර් භාරය දැන් අවසන් නිසාත් , තේරීම් කමි‍ටුව දැන් නොපවතින නිසාත්ලු. මේක නම් මාරම මාර නීති තර්කයකි. ඒ අනුව පොලිස් නිලධාරියෙකුට යම් පුද්ගලයෙක්  තමන්ගේ පොලිස් ස්ථානයට ගෙනවුත් ඔහුට පහර දී මරා දමා නීතියෙන් බේරී යා ගත හැක. කල යුතු වන්නේ පොලිස් සේවයෙන් ඉවත් වීම පමණි. ඕනෑම රජයේ හෝ පෞද්ගලික අංශයේ සේවකයකුට තම ආයතනයෙන් හොරකම් කර සේවයෙන් ඉවත් වූ පසු නඩු පැවරිය නොහැක. මක් නිසාද යත් ඔහු තව දුරටත් එම ස්ථානයේ සේවකයෙක් නොවන බැවිනි.


Wednesday, January 2, 2013

කණු ඉබ්බා



කිරි ඉබ්බන් , ගල් ඉබ්බන් හෝ තාරකා ඉබ්බන් ගැන  නම් ඔබ දන්නවා විය හැකි නමුත්  ඔබ කණු ඉබ්බන්  ගැන දන්නේද ? අඩුම තරමෙන් උන් ගැන අසා ඇති ද?

මා අද ඔබට කියන්නට යන්නේ කණු ඉබ්බන් ගැනයි.

ඔබ යම් ගමනක් යන විට පාර අයිනේ සි‍ටුවා ඇති උස කණුවක්  මුදුනේ ඉබ්බෙක් සිටියේ යැයි සිතන්න .

අන්න ඌ කණු ඉබ්බෙකි.

මේ කණු ඉබ්බා ගැන ඇති වැදගත් කාරණයක් නම් ඌට ඒ කණුව මුදුනට තනිවම නැග ගැනීමට නොහැකි බවයි.

කවුරුන් හෝ පිරිසක් ඌව එතැනට ඔසවා තැබිය යුතුය.

කණු ඉබ්බා එසේ පිටස්තරයන් විසින්  කණුව උඩින් තැබුවත් ඌට එතැන සිට කිසිවක් කිරීමට නොහැකිය.ඌට කළ හැකි එකම දේ කවුරුන් හෝ දෙන දෙයක් කා කණුව මතම මළ පහ කර එය ජරා කරමින් ඒ මතම සිටීමයි.

කණු  ඉබ්බාගේ ඇති විශේෂම ලක්ෂණය නම් ඌ කිසිම දිනෙක තනිවම මේ කණුවෙන් බිමට නොබැසීමයි.

ඌ ඔසවා කණුවෙන් තැබූ පිරිස හෝ වෙන කවුරුන් විසින් හෝ ඌව කණුවෙන් බිමට බැස්විය යුතුය.


Tuesday, January 1, 2013

සියයට දහයේ නව අවුරුදු පැතුම



ලැබුවා වූ 2013 නව වසර ඔබේ සියලු පැතුම් ඉ‍ටු වන ,කිරි පැණියෙන් උතුරන......

හෝව්, හෝව්...

සියලු පැතුම් ඉ‍ටුවන..?

අපේ සිත් තුල කොපමණ නම් ප්‍රාර්ථනා ඇත්ද?

ඔබත් මමත් ඉතා හොඳින් දන්නා පරිදි ඒවා සියල්ල ඉ‍ටු වෙන්නැයි පැතීම විහිලුවක් පමණි.උදාහරණයක් ලෙස ජීවත් වීමට තරම් ප්‍රමාණවත් වැ‍ටුපක් ඔ බ ප්‍රාර්ථනා කලත් , මා ඔබේ එම පැතුම ඉ‍ටු වේවා යැයි කීවත් එය එසේ නොවන අප දනිමු. එසේ නම් එවැනි පැතුම් කුමකටද?

ඒ වෙනුවට මා ඔබ වෙනුවෙන් මෙසේ පතන්නම්.

ඔබේ පැතුම් වලින් සියයට දහයක් වත් ඉ‍ටු වන නව වසරක් වේවා!

අල්ලසක් නො දී හෝ දරුවා පාසලකට  දමා ගැනීමට, කීයක් හෝ අතට එන ‍රැකියාවක් ලැබීම , නිවස අසලට ස්ථාන මාරුවක් ලබා ගැනීම , සමහර විටක මේ සියයට දහයට අයිති වීමට ඉඩ තිබේ. එය සිදු වන්නේ ඔබ කොතරම් වාසනාවන්තද යන්න මත පමණි.

කිරි පැණි ගැන කියන්නේ නම් ඒවා හා වෙනත් එබඳු දෑ පොදු මහජනයා කෙරෙන් ශීඝ්‍රයෙන් ඈත් වෙමින් තිබේ .කිරි පැණි කෙසේ වෙතත් , අඩුම තරමින් ලුණු කැඳවත් දිනකට දෙවේලක් ගැනීමට ලැබෙන වසරක්...


නව වසර ගැන අපේ ප්‍රාර්ථනා එබඳුය.

සටහන- අප සිත් තුලද තව බොහෝ ප්‍රාර්ථනා තිබේ. එහෙත් ඒවා අයත් වන්නේ සියයට අනූව කොටසටය. ඒවා ගැන කතා කිරීම සුරංගනා කතා කීමක් බඳු  නිසා නොකියා සිටීම වඩා හොඳය.