පසන් කොඩිකාර නම් වූ අපූරු මිනිසා , ලේඛකයා, පරිවර්තකයා අප අතරින් නික්ම ගොස් තිබේ.
මින් පසු ඔහු අතින් රුසියානු සාහිත්‍ය සිංහලට නොනැගෙනු ඇත. ස්ටාලින්ගේ ආධිපත්‍යයට එරෙහි වූ මාස්ටර් හා මාගරිටාලා ගැන නොලියවෙනු ඇත.
අර්බාත් වීදියේ විසූ සාෂාලා , ලේනා බුද්යාගින්ලා , නීනා ලා ගැන සුන්දර ( හා අසුන්දර) මතක ඔහු තරම් හොඳින් අප ඉදිරියේ මැව්වේ ද ? අර්බාත් දරුවෝ ඇනටෝලි රිබකොව්ගේ ඒ අපූරු නිර්මාණය පසන් කොඩිකාර කොතරම් අපූරු ලෙස පරිවර්තනය කර තිබුනේ දැයි කිවහොත් මේ පරිවර්තනයක් දැයි විටෙක සිතුනි.
සෝවියට් දේශයේ රුසියන් භාෂාවෙන් උගෙන රුසියානු හා සෝවියට් සාහිත්‍ය රුසියන් භාෂාවෙන්ම සිංහලට පෙරලූ දැදිගම වී, රුද්‍රිගෝ, පියසේන මානිල්ගම පරම්පරාවේ අන්තිමයා ඔහු වෙන්නට ඉඩ තිබේ.
ඉතින් ඔහුත් නික්ම ගොසිනි.ඔහු මෙතරම් ඉක්මණින් මෙලොවින් සමුගත්තේ ඔහුත් සාෂා පන්ක්‍රාතොව් මෙන් මෙලොවට නොගැලපෙන කෙනෙකුන් වූ නිසාදැයි නොදනිමි.
ඉන් පසුව අභයාරාමයේදී ගම්පහ දිස්‌ත්‍රික්‌ ප්‍රාදේශීය නායකයන්ගේ රැස්‌වීම පැවැත්විණි. එහිදී දොම්පේ ප්‍රාදේශීය සභාවේ සභාපති තිලාන් පෙරේරා හරි අපූරු කතාවක්‌ කීවේය.
"ජනාධිපතිතුමනි, මම අද තාත්තා කෙනෙක්‌ වුණා"
"ඇත්තද......... හරිම සන්තෝෂයි. ඔබත් එහෙනම් රනිල්ව පැරැද්දුවා......" යෑයි හිටපු ජනාධිපති මහින්ද විහිළුවක්‌ කළේය.
"ඒක නෙමෙයි හරි වැඩේ. මගේ බිරිඳ තවම ඉස්‌පිරිතාලේ. එයා කිව්වා මට අද එයා ළඟින් හෙල්ලෙන්න එපා කියලා. මම කිව්වා මම අද ජනාධිපති මෛත්‍රීපාල සිරිසේන හමුවන්න තියෙනවා කියලා. බිරිඳ කිව්වා එයාව දාලා කොහේවත් යන්න එපා කියලා.
ඇත්තද? එයාට අමාරුද. ඉතින් ඔයා ඇයි ආවේ. මහින්ද ඇසීය.
කතාව කියල ඉවර නෑනේ. සර්.... ඊට පස්‌සේ මම කිව්වා දවල් 11. 00 ට හිටපු ජනාධිපති මහින්ද රාජපක්‍ෂ හම්බවෙන්නත් තියෙනවා කියලා. මෙන්න අපේ නෝනා කියනවා මම මෙතන වැඩ බලා ගන්නම්. ඔයා ඒක නම් වරද්දන්නේ නැතුව යන්න කියලා. ඔන්න ඕකයි සර් වෙනස
සටහන- මාර වෙනස නේද මෙයාලා , මේ වගේ වෙනස් කම් පේන්නේ ඉතින් වෙල්ගම මුදලාලිටම තමා. පව් නේද තිලාන්ට
( උපුටා ගැනීම දිවයින බෝතල් පත්තරේ) .
පහතින් දැක්වෙන්නේ එකම පුවත් පතක ( දිවයින ) වෙනස් අපරාධයන් දෙකක් කළ කාන්තාවන් දෙදෙනෙක් ගැන පල වූ මාධ්‍ය වාර්තා දෙකකි. එයින් එකක් වෛද්‍යවරියක් විසින් පහර දී බරපතල තුවාල සිදු කිරීමකි. අනික නූගත් දමිල තරුණියක් විසින් කල මෝඩ වැඩකි.
තරුණියගේ නම හෙලිකරන පුවත්පත අදාල වෛද්‍යවරියගේ නම මහේෂි විජේරත්න බව කියන්නට මැලි වෙයි. ඇය නිකම්ම දොස්තර නෝනාය.වාර්තා දෙකම ලියා ඇත්තේද එකම වාර්තා කරුවෙකි.
දොස්තර නෝනාගේ වීදුරු කටු ප්‍රහාරයෙන් කාන්තාවගේ අතට බරපතළ තුවාල
(චමින්ද සිල්වා)
කොළඹ තරු පහේ හෝටලයකදී වෛද්‍යවරියක විසින් කාන්තාවකට බෝතලයකින් පහර දී පසුව වීදුරුවක්‌ද කඩා එයින් තුවාල සිදුකළ බව කියන සිද්ධියක්‌ සම්බන්ධයෙන් කොටුව පොලිසිය පරීක්‍ෂණ ආරම්භ කර ඇත.
කාන්තාවට පහරදුන් වෛද්‍යවරිය භාරත ලක්‍ෂ්මන් ප්‍රේමචන්ද්‍ර ඝාතන සිද්ධියෙන් තුවාල ලබා රෝහල් ගත කර සිටි පාර්ලිමේන්තු මන්ත්‍රී දුමින්ද සිල්වා මහතාගේ වෛද්‍ය වාර්තා නිකුත් කළ වෛද්‍යවරිය බව ද පොලිස්‌ මාධ්‍ය ප්‍රකාශක අජිත් රෝහණ මහතා ඊයේ (02 වැනිදා) පැවැසීය.
හෝටලය තුළදී පහර කෑමට ලක්‌ වූ කාන්තාව සමඟ වෛද්‍යවරිය බහින්බස්‌වී පසුව වෛද්‍යවරිය විසින් වීදුරුවක්‌ කඩා කාන්තාවගේ අතට පහර දී ඇත.
එම පහරදීමේදී කාන්තාවගේ අතට බරපතළ තුවාල සිදු වී ඇති අතර ඇය කොළඹ පෞද්ගලික රෝහලකට ඇතුළත් කිරීමෙන් පසු අතට මැහුම් 16 ක්‌ දමා ඇත. පසුගිය 28 වැනිදා රාත්‍රි 10 ට පමණ සිදුවූ මෙම සිද්ධියට අදාළ වෛද්‍යවරිය කොටුව පොලිසිය මගින් අත්අඩංගුවට ගෙන පොලිස්‌ ඇප මත ඊයේ (02 වැනිදා) මුදා හැර ඇත
සීගිරි කැටපත් පවුරේ ඉංග්‍රීසි අකුරු ලියූ තරුණිය දෙවසරක්‌ හිරේ
(චමින්ද සිල්වා)
සීගිරි කැටපත් පවුරේ කුරුටු ගී වල ඉංග්‍රීසි අක්‍ෂර ලියූ තරුණියකට දඹුල්ල මහෙස්‌ත්‍රාත් සංජීව රම්‍යකුමාර මහතා විසින් පෙරේදා (02 වැනිදා) වසර දෙකක සිර දඬුවම් නියම කර ඇත.
මෙසේ බන්ධනාගාරගත කර ඇත්තේ මඩකලපුව ප්‍රදේශයේ පදිංචි සින්නතම්බි උදේනි නමැති ඇඟලුම් කම්හල් සේවිකාවකි. මඩකලපුව ප්‍රදේශයේ සිට පිරිසක්‌ සමඟ සීගිරිය නැරඹීමට පැමිණි සැකකාර තරුණිය සීගිරි කුරුටු ගී මත ඉංග්‍රීසි අක්‍ෂර ලියමින් සිටියදී පොලිසිය මගින් අත්අඩංගුවට ගෙන පුරාවිද්‍යා පනත යටතේ අධිකරණයට ඉදිරිපත් කිරීමෙන් අනතුරුව මෙම දඬුවම නියම කරනු ලැබීය.
ෆුල් ෆේස් හෙල්මට් පැලඳ අවුත් මංකොල්ල කෑම් කරන නිසා ෆුල් ෆේස් හෙල්මට් දැමීම තහනම් කිරීමට යහපාලන ආණ්ඩුවේ පොලෝසිය තීරණය කර තිබේ. මේ පොලොස් කොට්ටෝරුවන්ට මහත්තුරුන්ට ඒ ආකාරයෙන් තහනම් කළ යුතු තවත් උපකරණ කීපයක් මතක් කර දීම යහපාලනයේ අභිවෘද්ධිය පතන කලා මැදිරියා තම වගකීමක් ලෙස සලකයි.
එම නිසා අපි පහත යෝජනා ගරු ගාම්භීර ලෙස ඉදිරිපත් කරමු
1. පාන් කපන පිහියෙන් බඩ කපා මැරිය හැකි නිසා පාන් කැපීම තහනම් කල යුතුය.
2. මාලු කපන පිහියෙන් මිනිසුන් මැරිය හැක. තහනම් කරන්න.
3. අපේ ගමේ මිනිහෙක් උදැල්ලෙන් ගසා ඔහුගේ සතුරෙක් මැරුවේය. වහාම උදලු තහනම් කරන්න.
4. මේ ආකරයෙන්ම පොරව, දෑකැත්ත, මිටිය, නියන , ආදි සියලු උල් ආයුධ තහනම් කල යුතුය.
5. ස්ත්‍රීන් දූෂණය කිරීමට ඉඩ ඇති නිසා සියලු පිරිමින්ගේ ජුන්ඩා කපා ඉවත් කල යුතුය.
