Tuesday, June 18, 2019

කොන්ඩම් බාල්දි



මීට කලකට ඉහතදී ජයවර්ධනපුර සරසවියේ උප කුලපතියෙක් සිසුවියන්ගේ කන්‍යා භාවය සොයන්නට දඟලමින් මහත් විපිරියාසයක් කොලේය. ඒ තුමා දැන් කොහේ ඉන්නවාදැයි අපි නොදනිමු.

නමුත් දැන් ඒ ජාතියේම තවත් ඩයලයක් ෆීල්ඩ් එකට බැස තිබේ. ඒ රුහුණු සරසවියේ උප කුලපති  උන්නාන්න්සේය. ඒ තුමා ශිෂ්‍ය සංගම් කාර්යාලයකින් කොන්ඩම් බාල්දියක්  හොයාගත් බව කියමින් ජපුර කරුනාරත්න වර්ගයේ ඝෝෂාවක් , එනම් උඩු බීරිමක් ,කරමින් සිටී.

දැන් එතුමා අපට කියන්නට හදන්නේ කුමක්ද?

සරසවි සිසුන් ලිංගික ක්‍රියා කිරීමේදී කොන්ඩම් නොපැලඳිය යුතු බවද.?

 එවිට කෙල්ලන්ට ලැබෙන බබාලා නඩත්තු කරන්නේ අමරසේන උන්නැහෙද?

සමහර විට එතුමා මේ දිනවල නැගලා යන මාතෘකාවක් වන සිංහල ජාතිය බෝ කිරීම සඳහා සරස්වි සිසු සිසුවියන් යොදා ගැනීමේ ව්‍යාපෘතියක් බාරගෙන තිබෙනවා වෙන්නට පුලුවන. එහෙම ව්‍යාපෘතියක් ඇත්නම් ඒ බව කෙලින්ම කිව්වා නම් වඩා හොඳය. එවිට ඔය වැඩේට ස්වේච්ඡාවෙන්ම ඉද්‍රිපත් වී ආධාර කිරීමට ඕනෑ තරම් පිරිස් ඉදිරිපත් වනු ඇතිය.

සටහන- කොන්ඩම් බාල්දි තිබුනාද නොතිබුනාද අපි දන්නේ නැත. අපිට එකක් සහතිකය. සරසවි කොල්ලන් කෙල්ලන් කොන්ඩම්  පාවිච්චි කරනවා නම් එය, පසුව ගබ්සා කරනවාට වඩා දහස් ගුණයක් හොඳය.

https://pittnews.com/article/65843/news/student-health-to-distribute-free-condoms/

Tuesday, January 8, 2019

කැෆේ සහ නෙස්කැෆේ




අපි හිතන් හිටියේ කැෆේ සංවිධානය කියන්නේ මැතිවරණ නිරීක්ෂණ  සංවිධානයක්ය කියලා. ඒ උනත් දැන් තමා දන්නේ ඒක උත්සව අවස්ථාවන්ට නෙස්කැෆේ මැෂින් කුලියට දෙන්න අටව ගත්ත උත්සව භාණ්ඩ කුලියට දෙන තැනක් කියලා.

ධම්ම ගැන නම් කථා කරලා වැඩක් නෑ.  මෙතැන එකම ප්‍රශ්නේ රාඝවන් උන්නැහේ. එක අතකට ඒකෙත් ප්‍රශ්නයක්   නෑ. රාඝවන් කරලා තියෙන්නේත් ඉතා හොඳින් තහවුරු වෙච්ච මතයක් නැවතත් ඔප්පු කරලා පෙන්නන එක. ඒ කියන්නේ "යමක් වේනම් සුදුස්සාටම ලැබිය යුතු "  කියලා නෙවේ. බලයට මුදලට යට නොවන්නෝ විරලය කියන එක.

ඔහොම යන්

Thursday, January 3, 2019

මහ සොහොනේ රීරි යකා




ශ්‍රී ලංකාවේ බිහි වූ අපකීර්තිමත් , තිරිසන් වදකයෙක් හා උම්මත්තක ඝාතකයෙක් වූ ප්‍රේමදාස උඩුගම්පොල නම් වූ මිනී මරුවා මියගොසිනි.1987-89 ජවිපෙ කැරළි සමයේ  ජවිපෙ කැරලි කරුවන් යැයි සැක පිට අත් අඩංගුවට ගත් තරුණයින්ගේ කණට බෝල් පොයින්ට් පෑන් ඇතුල් කර හා ඔවුන්ගේ ගුද මාර්ගයට ක‍ටුකම්බි දමා වද දී මරා දැමූ මේ වදකයාගේ මරණය ගැන කණාමැදිරියා සිය සාතිශය සතුට මෙසේ පල කර සිටියි.

කණගා‍ටුව නම් මේ වදකයාට ස්වභාවික මරණයක් අත් වීමයි. මේ වදකයා උතුරු මැද, දකුණ හා මධ්‍යම පලාත් වල තරුණයින් දහස් ගණනක් මොහුගේ වද බන්දනයන්ට ගොදුරු වී මිය ගියද , මෙම අසත්පුරුෂයා නීතිය හමුවට ගෙන ඒමට කිසිවෙක් කටයුතු නොකිරීම කණගා‍ටුවට කරුණකි.

උඩුගම්පොල  මුල සිටම දුෂ්ඨ පොලිස් කාරයා විය. 1980 ,81  කාලයේදී ජවිපෙ සාමකාමි මැතිවරණ දේශපානයේ යෙදෙන විටත් මොහු ජවිපෙ සාමාජිකයන් අත් අඩංගුවට ගනිමින් වධ හිංසා කලේය. 1982 දි  මොහුට විරුද්ධව දරමිටිපොල රතනසාර හිමි මානව හිමි කම් නඩුවක් පවරා ජය ගත් අතර , තම පෞද්ගලික මුදලින් ගෙවන ලෙස උසාවිය විසින් මොහුට නියම කළ රු.10000 වන්දි මුදල ජේ ආර් රජයේ මුදලින් ගෙවා මොහු පොලි අධිකාරෛ තනතුරට ද උසස් කලේය.තමන් යා යුතු ගමන් මග තේරුම් කර ගත් උඩුගම්පොල ඉන්පසු යූ ඇන් පියේ විරුද්ධ කාරයින්ට එරෙහිව දුෂ්ඨ ව්‍යාපාරයක නියලුණේය . ඉතින් මෙම තිරිසනා මෙසේ මිනි මැරීමට පටන් ගත්තේ ඔහුගේ මව් සහ ඥාතීන් ජවිපෙ විසින් මරා දැමීමෙන් පසු යැයි කියන මාතලන්  වැනි කුක්කු බබාලාට කිව යුත්තේ ඔවැනි කතා හොඳ කොන්ඩේ බැඳපු යූ ඇන් පී කාරයින්ට බවය.

Monday, August 27, 2018

සරසවියට ගසනු






මේ දවස්වල ආණ්ඩුවේ පත්තරත්, මැති ඇමති ගොල්ලත්, අනික් සියලුම පයිණ්ඩකාරයිනුත් එක  හඬින් ,එක් රොක් වී ආණ්ඩුවේ විශ්ව විද්‍යාලවලට පහර දෙන බවක් පෙනේ. මොවුන් තමන්ගේ ඉලක්ක විදියට අන්තරේ, එහි කැඳවුම්කරු ළහිරු, පෙර‍ටුගාමින් පමණක් නොව පොදුවේ සියලුම විශ්ව විද්‍යාල සිසුන්ව පවා ‍තෝරාගෙන තිබේ . අගෝස්තු 26 සිළුමිණ පත්තරේ ඊට හොඳම උදාහරණයයි. හදිසියේම පස්සා පැත්තේ කිනිතුල්ලන්  වැහුවා සේ මොවුන් දඟලන්නේ මන්දැයි කල්පනා කරනන් විට අපට එකක් නොව හේතු ගණනාවක්ම පෙනේ.

1. විජයදාස රුහුණේ දී සරසවි ශිෂ්‍ය හූ මුරයකට ලක් වීම (ආසන්නම සිදු වීම)

2. ආණ්ඩුවේ පම්පෝරිකාරයින්ගේ සියලු කටමැත තිබියදී සයිටමය වැසීමට සිදු වීම

3. ආණ්ඩුවේ සියලු හොර මගුල්, යටිකූ‍ටු වැඩ , ජනතා ද්‍රෝහි ක්‍රියා වලට සෘජුවම එරෙහිවන්නේ සරසවි ශිෂ්‍යයන් පමණක් වීම හා සමාජයේ අනික් කාණ්ඩ මෙන් වරදාන වලට නමා ගත නොහැකි වීම

4. ආණ්ඩුවට නිදහස් අධ්‍යාපනය හා නිදහස් සෞඛ්‍ය කප්පාදු කිරීමට උවමනා වී තිබීම හා ශිෂ්‍ය ව්‍යාපාරයෙන් එයට බාධා එල්ල වෙන බව දන්නා හෙයින් ඔවුන්ගේ සමාජ සුජාත බාවය නැති කර දැමීම.

සටහන- විජේදාසලා නොදන්නා හෝ ඔවුන්ට අමතක වූ දෙය නම් ඔවුන්ගේ මේ උපක්‍රමය මෙරට පාලකයින් විසින් අත්හදා බලා අසමත් වූ ක්‍රමයක් බවයි.

Thursday, August 23, 2018

අපි දසසිල් උපාසක නොහොත් ඈපාගේ පාපොච්චාරණය නොහොත් ජයතුංගගේ කුහකවත













1989 ඇඹිලිපිටිය සිසු ඝාතනයට සම්බන්ධව හිර දඬුවම් ලැබ පැමිණ සිටින ජාලිය ඈපා නැමත්තෙකුගේ සාකච්ඡාවක් රුවන් ජයතුන්ගේ බ්ලොග් පි‍ටුවේ පල කර ඇත. මේ වනාහි ජයතුංගට සුපූරුදු මඩ ශෛලියයෙන් ලියාඇති තවත් එක් කුණු හරුපයක් පමණි. ජයතුංගට අනුව ඈපා මාරම මාර පොරකි. උපාධි, විදේශ පුහුණු , ලෝකල් පුහුණු , තව උතුරුකරේ සටන් , ආදියෙන් සමන්විත කිසිදා පව් නොකරන ඒ මදිවාට හතරපෝයටම සිල් ගන්න පොරකි.ඉතින් එහෙව් ඈපා කියන දේ සහ එසේ කිව්වා යැයි ජයතුංග ලියන දේ බලමු.

මේ දෙබාන උත්සාහ කරන්නේ 1989 දී ඈපා ප්‍රමුඛ මිනීමරුවන් විසින් කළ  ඒ පාසල් සිසු ඝාතන සාධරණීකරණය කිරීමටය.මොවුන්ට අනුවතමන්  විසින් ඝාතනය කළ පාසල් සිසුන් දරුණු මිනීමරුවන්ය. ඇඹිලිපිටිය ප්‍රදේශය හොල්ලාගෙන සිට ඇත්තේ ඔවුන්ය. ( ඉතින් එහෙව් උන් මරා දැම්මාම මක් වෙනවාද?)

මෙම සිසු ඝාතන සියල්ල මෙම ම්ලේච්ඡ ඈපා ප්‍රමුඛ නඩයක් විසින් කළ බවට ඔහුගේම මුවින් පිට වී ඇත.

1. මල්වත්ත සිසුවා නොමරන ලෙස තමන් කී බව- එසේනම් අනික් සිසුන් මරා දමද්දී උඩ බලාගෙන සිටියාද?
2. එම සිසු ඝාතන සාධාරණ බව පැවසීමට ඔහු කියන්නේ එම සිසුන් මිනී මැරුම් පවා කළ බවයි.  ඔහුට ඒ බව ඔප්පු කළ හැකිද? නැත. ඔහු මේ උත්සාහ කරන්නේ දෙවන වතාවටත් එම සිසුන් මරා දැමීමටයි.

මෙම ජයතුංග ලිපියේඇති හාස්‍යජනකම කරුණ වන්නේ ජයතුංග පන්දුව ඔසවා දී ඩෑෂ් පහර එල්ල කිරීමට ඈපාට අවස්ථාව ලබා දීමයි. මෙන්න බලන්න.

1. අතුරුදහන් වූ සිසුන් ජවිපෙ ශිෂ්‍ය සන්නද්ධ අංශයේ සිටියාද ? ඔබට එසේ සිටි සිසුන් නම් වශයෙන් කිව හැකිද(මොකද බැරි)

2.ඇඹිලිපිටිය සිසු ඛේදවාචකය යට සිටි බුද්ධික කුලතුංග නම් ජවිපෙ ක්‍රියාධරයා ගැන කවුරුත් දන්නේ නෑ ඔහු පිලිබඳව සඳහනකුත් නෑ. ඔහුගේ භූමිකාව මොකක්ද ? (ඔය මොකක් හරි කියපන් ඈපා මචං)

3.ජවිපෙ ශිෂ්‍ය සන්නද්ධ අංශයේ  සිටි සිසුන් විසින්  සිදු කල කඩාකප්පල්කාරී ක්‍රියා මොනවාද ? (උඹට ඕනෑ දෙයක් ලියාපං ජයේ මචං)


ජයතුංග ප්‍රශ්න අසන විට ඈපා ෆෝර්ම් වී උඩ පැන පැන රිසි සේ නෙලයි. තමන් එසේ නොවේ යැයි පැවසීමට එම සිසුන් අප අතර නැති නිසා ඈපාට හෝ ජයතුංගට කිසි විචිකිච්චාවක්,ලැජ්ජාවක්  නැතුවා සේය. 

මාරයි ජයතුංග ඔයානම් ඈ. ඔයත් මාරයි ඈ ඈපා

Sunday, December 10, 2017

උඩරට මැණිකෙට පටකුඩ දෙක දෙක




දුම්රියසේවය ඊයේ සිට අත්‍යවශ්‍ය සේවාවක් බවට පත් කොරන්ට  ආණ්ඩුව තීරණය කර තිබේල. මෙය ඉතා හොඳ තීරණයකි. ඇත්තෙන්ම කිව්වොත් යහපාලන ආණ්ඩුව මෙතෙක් ගත් හොඳම තීරණය මෙය බවට කෙනෙක් තර්ක කරන්නටද ඉඩ තිබේ. එසේ කියන්නේ නම් කෙළෙහි ගුණ නොදන්නා අමනයන්ය. මක් නිසාද යත් මේ යහපාලන ආන්ඩුව  2015 ජනවාරි 8 විප්ලවේ කරපු දා සිට ගත්තේ ඉතාම හොඳ තීරණ නිසාය.

උදාහරණයක් විදියට , රාජපක්ෂ පාලන කාලයේ දුෂණ නිසා කුණු වූ තිබුණු මහ බැංකුව යහපාලනේ ආපු ගමන් සම්පූර්ණයෙන්ම ශුද්ධ කර දැම්මේය. දැන් එය ඉතා පිරිසිදුය. ලංකාව හා චීනය ගොඩබිමින් හා කිරීම තවත් යහපාලන දස්කමකි. දැන් අපිට ලංකාවේ සිට එක අඩියක් උස්සා අනිත් පැත්තට තිබීමෙන් චීනයට යන්නට ඇහැකිය. ඒ කෙසේද කිව්වොත් හම්බන්තොට වරාය චීනයට ලියා දීමෙනි. මේ වගේ යහපාලන යහ ක්‍රියා එමටය.

දැන් අපි අපේ මාතෘකාවට ආවොත් මෙතුවක් කාලෙකට දුම්රිය සේවාව ගැන මේ රටේ අණ්ඩු හිතුවේ ඒක අනවශ්‍ය දෙයක් කියාය. ඒක අවශය් කියා හිතුවේ උදේ හවස දුම්රිය දොරේ, ජනේලේ එල්ලී මාරක සර්කස් කරමින් වැඩට යන ජනතාව විතරය. දැන් ආණ්ඩුවත් ඒක අත්‍යවශ්‍ය සේවාවක් බවට තීරණය කර තිබේ. ඒ නිසා දුම්රිය දෙපාර්තමේන්තුව චීනයට විකිනීමේ හෝ වසා දැමීමේ බයක් නැත. තමන්ට අනවශ්‍ය දේ මිස අතවශ්‍ය දේ කිසිවෙක් විකුණන්නේ නැත.දැන් ආණ්ඩුව කල යුත්තේ අවශ්‍ය හා අනවශ්‍ය දේවල් හඳුනා ගැනීමය. උදාහරණයක් ලෙස පාර්ලිමේන්තුව හොඳ ගානකට විකුණා දමන්නට හැකිනම් අපි කැමතිය. එසේම පොලෝසිය ,උසාවි, ප්‍රාදේශිය සභා ,පලාත් සබා ආදි බොහෝ දේ විකුණා මුදලක් හොයා ගැනීමට කටයුතු කිරීමෙන් මංගල ඇමතිතුමාට හිසරදයක් වී තිබෙන අයවැයපරතරය ද පියවා ගැනීමට පුලුවන


Wednesday, November 22, 2017

සත්හඬ




කුනු හෝදන්න මහතැන්වල අපෙ රටේ
සත්හඬ තමුන්නහැගේ හොඳ වෙල්ලාව
බියර් විකුනලා ආන්ඩුව රකින කොට
විප්ලවවාදියෙක්ලු දීප්ති කුමාර
(fb)

Monday, November 20, 2017

Are We Free to Talk




Ajith: Arjun you free to talk?

Aloysius: I was about to call you. Any news?

 
Ajith: Difficult to tackle these guys. Only UNPers at COPE are with us.


Aloysius: Doesn’t look good. You have to help me out here. PM and HE both promised nothing would happen.

 
Ajith: HE is the problem. Bugger seems to be working against PM and UNP


Aloysius: Machan you have to do something. Didn’t see this coming. Ask PM to intervene. Use Viber next time when you talk. Inform others too.


Ajith: Ok Arjun let’s try that. Talk later.




අජිත්: අර්ජුන්, ඔබට කතා කරන්න පුලුවන් ද?

ඇලෝසියස්: මම ඔබට කතා කරන්න හැදුවේ . ආරංචි මොනවා ද?


අජිත්: මුං එක්ක ලේසි නෑ වැඩේ . කෝප් එකේදී අපි එක්ක ඉන්නේ යූ ඇන් පි කාරයෝ විතරයි.


ඇලෝසියස්:  එන පොට  හොඳ නෑ.  මාව මේකෙන් බේරා ගන්න. PM සහ HE දෙන්නම පොරොන්දු වුණා කිසි දෙයක් වෙන්න දෙන්නේ නෑ කියලා.


අජිත්: HE තමයි ප්‍රශ්නය. මේ  මිනිහා PM ටයි  UNP යටයි විරුද්ධව වැඩ කරන්නේ.


ඇලෝසියස්: මචන් ඔබට යමක් කරන්න වෙනවා. මේ දේවල්  කලින් හිතුවේ නෑ. ඵ්ඹ් ගෙන්මැදිහත් වෙන්න කියල ඉල්ලන්න. ඔබ කතා කරනකොට ,ඊළඟ වතාවේදී වයිබර් පාවිච්චි කරන්න. අනිත් අයටත් කියන්න.


අජිත්: හරි අර්ජුන් අපි උත්සාහ කරමු. පස්සේ  කතා කරන්න.

Wednesday, November 15, 2017

නටත් දනෝ සුරා මතින්



අනේ සුසානෝ මම කොළඹ ගිහින්
බොන්ට හදන කොට මයිලො පැකට් එකක්
අයියෝ එපා බොන්නට ඔය වස මල්ල
කීවා අපේ මහ රජානෝ

මොකද කොරන්නේ කියලා පිපාසෙට
වටපිට බලන කොට  දුන්නා බියර් එකක්
හිත හොඳ මුනියා මංගල ගරු ඇමතිතුමා
වෙරි වී ඉන්ට මරු උන්ගේ යහපාලන පොජ්ජ

Sunday, November 12, 2017

දිනු මේ බිමේ ඔබ ජීවත් වෙයි හෙටද

 
 
ඉපිද මැරෙන මිනිසුන් අතර අපමණ
සබඳ ඔබෙනි නෙත් ලැබුවේ මේ දෙරණ
තවද බොහෝ කල් වෙසෙතැයි සිතූ දින
කිමද සොයුර සමු ගත්තේ උදෑසන

වපුළ වපුළ බිජුවට ගිනිලන අයුරූ
උතුර උතුර ගැලු ගඟ වියලුන අයුරූ
හබල බිඳුන ඔරුවක තනිවුන සොයුරූ
නිසල සිතින් විඳ ගති ඉදිරියේ මරූ

වරා නොයෙක සම්පත් පුද ඇමැතිවර
දරා අනෙක අවමන් මිහිතලේ බර
ඉරා අඳුර හෙළිකළ මගකි පැහැබර
මරා දැමුණ මුත් නුදුටිමු මළ සිරුර

කඳුලෙන් ඉපිද රුහිරෙන් දිවිමග නිබඳ
ගෙවමින් කටුක දුක් ගිනි වැළැඳුව සබඳ
ගින්නෙන් ඔබේ රුව උන් මැකුවා වුවද
දිනු මේ බිමේ ඔබ ජීවත් වෙයි හෙටද
 
විමුක්ති ගී 
 

Monday, November 6, 2017

මාර විසඳුම්




දැන් යහපාලන ආණ්ඩුවේ අධ්‍යාපනය පිළිබඳව තීරණ ගන්නා බලදාරියා ප්‍රවෘත්ති අධ්‍යක්ෂකය. යහපාලනේ හැටි එහෙමය. වගකිව යුත්තන් හැංගී මොකෙක් හෝ වගකීමක් නැති  කුක්කෙක් ඉදිරියට තල්ලු කරයි.හැටි එහෙමය.

දැන් මේ ප්‍රවෘත්ති අද්දි-යක්ෂ තුමා සයිටම් අර්බුධයට දී ඇති විසඳුම මුලින්ම  පිලිගන්නේ බඩජාරිනෙවිල් මුදලාලිය. එපමණක් නොව ඒ විසඳුම පිලිගන්නැයි කියා අනික් අයටත් කියන්නේය. සයිටම් ශිෂ්‍යනුත්  ඒ විසඳුමට කැමතිය. මුල ඉඳලා සයිටමට කඩේ ගිය රාගම නිලන්ති  ඇතුලු පීඨාධිපති තුන් කට්‍ටුවකුත් මනාපය.  ඊ ලඟ සැරේටත්  තනතුරට පැන ගන්න බලං ඉන්න උපකුලපති නඩේත් සැට් වෙලාය.

මේ විසඳුමට මනාප සැට් එක දිහා බැලුවාම දීලා තියෙන්නේ මොන ජාතියේ විසඳුමක් ද කියලා පේනවාය. ප්‍රවෘත්ති අද්දි-යක්ෂගේ නිවේදනය අමුතුවෙන් කියන්වන්ට දෙයක් නැත.


මේ යහපාලන නරි නඩයේ නාඩගම් වලට විරුද්දව නිදහස් අධ්‍යාපනය ‍රැක ගැනීමට වෛද්‍ය පීඨ ශිෂ්‍ය දෙමව්පියන් අද තම ජීවිතය පරදුවට තබා ඉදිරිපත්ව සිටිති. මේ  තීරණාත්මක මොහොතේ මුලු ජාතියේම සහය ඔවුන්ට ලබා දිය යුතුය. ඔවුන් පසු පස පෙල ගැසිය යුතුය.  මේ විරුවන්ගේ රුධිරය උරා බීමට පෙලගැසී සිටින හපා‍ටුවන්, පිස්සු බල්ලන් පලවා හැරිය යුතුය. මේ විරුවන්ගේ රුධිරය උරා බීමට පෙලගැසී සිටින හපා‍ටුවන්, පිස්සු බල්ලන් පලවා හැරිය යුතුය. නිදහස් අධ්‍යාපනය සුරකින සටන ශක්තිමත් කල යුතුය.

                                සයිටම් අහෝසි කරනු

                             නිදහස් අධ්‍යාපනය සුරකිනු

සයිටම් අහෝසි කරනු!!!!


Sunday, November 5, 2017

ලැජ්ජා නැතිකම අජිත් පැරකුම්ටත් වඩා ලොකුය


රජයේ අවධානයට: වෛද්‍ය අධ්‍යාපනය විතරක් මුදලට විකුණනවාට විරුද්ධ ය කියමින් සඳුදා සිට මාරාන්තික උපවාස කරන බව කියා තර්ජනය කරන කුහකයන්ට ඒ සඳහා පොදු ස්ථාන නො දෙනු! පොදු ස්ථාන දෙනවා නම් බට දමා ආහාර ජලය දෙමින් අවුරුදු ගණනක් උපවාසය කරගෙන යාමට සලස්වනු! කඩාකප්පල්කාරීන්ට එරෙහිව නීතිය ක්‍රියාත්මක කරනු!

-අජිත් පැරකුම් ගේ ෆේස් බුකියෙනි