Thursday, March 31, 2016

රෙද්ද පල්ලෙන් පෙරෙන යහපාලනේ

 
මේ රටේ ජනතාවට යහපාලනය දීමට පොරොන්දු වී පැමිණි එජාප/ශ්‍රිලනිප හවුල් ආණ්ඩුවේ යහපාලනය දෝර ගලමින් තිබේ.

වංචාවට දූෂණයට එරෙහිව හඬ නගමින් බලයට  ආ යහපාලකයන් වැඩ ඇල්ලුවේ  භාණ්ඩාගාර බිල්පත්  වලින් රුපියල් බිලියන ගණනාවක මගඩියක් කරමිනි.නාස්තිය පි‍ටු දැක සරල චාම් ලෙස ආණ්ඩු කරන්නට පැමිණි මොවුන් දැන් කතරගම් යන්නේත් හෙලිකොප්ටරයෙනි.
ආමේන්.

පසුගිය රජයේ ව්‍යාපෘති වලට යටිගිරිය පුප්පා  බැන වැදුනවුන් ම පොර්ට් සිටි කරේ තියාගෙන මොණරුන් සේ රඟති. අකාර්යක්ෂමතාව සෑම තැනම ඉහටත් උඩිනි.  විදුලි බලය නැත. පොරොන්දු වූ සහතික මිල නොමැතිව ගොවීන් මහ පාරේය. තේ , රබර්  වගා කරුවන්ගේ තත්වය එලෙසමය.බඩු මිල බදු ගසමින් , අහස උසට යන්නේ යෝෂිතගේ රොකට්‍ටු ද පසු කරමිනි.නිදහස හා අයිතීන් ගැන කතා කරමින්ම උද්ඝෝෂණය කරන සිසුන්ගේ ඔලු පලති.

රාජපක්ෂ රෙජිමයෙන් දිවි ගලවා ගැනීම සඳහා රටින් පලා ගියවුන්ට ආපසු එන්නටැයි කියා , එසේ එන උන් අල්ලා සිර ගත කරති. මඩකලපුවේ මාධ්‍යවේදි සසීකරන් සිරගත කලේ එසේ ආපසු ආ විටය.

අද පෙර‍ටුගාමි සමාජවාදි පක්ෂයේ දේශපාලන මණ්ඩල සභික කුමාර් ගුණරත්නම් ට වසරක සිර දඬුවමක් පනවා තිබේ .

ඒ ඔහු මෙරට ආගමන විගමන නීති කැඩූ නිසාලු. එනම් රාජපක්ෂ  රෙජිමයෙන් පණ   බේරා ගැනීම සඳහා වෙනත් නමක් භාවිතා කරමින් රටෙන් පලා යෑම නිසාය.

එහෙත් එම නඩු හා පරීක්ෂණ  සඳහා ඇති කඩිමුඩිය හෝ  හදිසිය මිනීමරුවන් හා ජාතික ධනය කොල්ල කෑ හොරුන් අල්ලන්නට නැත. හොර පාස්පෝට් හැදූ වීරවංශ යුවල සුවසේ සිටිති. සමහර  අලි හොරු ඇප මත ගෙදරය, තව සමහරුන් තාම නිදැල්ලේය. සමහරුන් නඩු පවා අසමින් සුවසේ සිටිති.භාණ්ඩාගාර බිල්පත් සොරුන් ගැන වචනයක්වත් කතා කරන්නේ නැත.

යහපාලනයක් දෙන්නට ආ වුන් දෙමින් සිටින්නේ යම පාලනයකි.  මේ සියල්ලම අපට පෙන්වා දෙන්නේ නීතිය  හා යුක්තිය එකක් නොවන බවයි. යුක්තිය ලැබෙන්නේ  තවමත් පරණ පුරුදු ලෙසම ගජමිතුරු  ක්‍රමයටය. නීතිය අනෙක් උන්ටය.

රටට එල්ල වී ඇති මානව හිමිකම් උල්ලංඝනය කිරීම ගැන පරීක්ෂණ අපටම කළ හැකිය යැයි කියන්නේ මෙවන් තත්වයක්  තිබියදීය. එම යහපාලන කතා කවුරුන් විශ්වාස කරයිද?
 
 

Wednesday, March 23, 2016

අපි හරි වෙනස්


 

 සබාවේ සියලු දෙනාගෙන් අවසරයි. මම අද මෙතැන්ට ආවේ කතාවක් කරන්ටය.  මාගේ කතාවේ මාතෘකාව ලංකාවේ අපි හරි වෙනස් බවයි.අද මම උත්සාහ කරන්නේ අපි වෙනස් වෙන්නේ කොහොමද කියලා පෙන්වන්නටය.

අපි හරි වෙනස් ජාතියක්ය, අපේ ඒ වෙනසට ගරු කරන්න ඕනෑය කියලා අපිට මුලින්ම කියලා දුන්නේ ගිනි අව්වේ වේලි වේලි ආපු සීයා කෙනෙකුට   පට්ට සීතල වතුර වීදුරුවක්  දුන්නු මාමා කෙනෙක්ය.ඒ මාමගේ ගෙදර දෙන්ට වෙන  මුකුත් කිසිම දෙයක් තිබිලා නැතිය. ඒ නිසා තිබ්බ දේ දුන්නේ අපි හරි වෙනස් නිසාය.

 වෙන රටවල හාමුදුරුවරු බණ භාවනා කරද්දි, සිල් රකිද්දී  අපේ රටේ කට්ටිය අලි බැලීම, උසාවි වලට කඩා පැනීම,  යුද්ද කිරීම, යුද්ද කරන්ට උගැන්නීම , මන්තර සාස්තර වැඩ, හදි හූනියම් ගුරුකම් ආදි වූ නොයෙක් දේ කරනවාය.  නොකරන්නේ ආගමට අදාල වැඩ විතරය. ඒ අතින් ගත්තම  අපි හරිම වෙනස් ජාතියක්ය.

අපේ රටේ අධ්‍යාපනය ද හරිම වෙනස්ය. ඉස්කෝලේ පංති කාමරේ 40 ක් දා ගෙන උගන්නන්න  බැරි  උදවිය, ඉගෙන ගන්න බැරි උදවිය, එක ශාලාවේ 2000ක් ,3000 දාගෙන හිරවෙලා තදවෙලා උගන්නනවාය.ඉගෙන ගන්නවාය. ඒ වෙනසට අපි කවුරුත් ගරු කරනවාය.

හැබැයි ඕක  නෙවේ ලොකුම වෙනස . ඒක තියෙන්නේ අපේ දේශපාලක තුමාලා ලඟය.අපේ  රටේ චන්ද තියන්ඩ ඕනෑ මොන  කාලෙටද  කියලා  තීරණය කරන්නේ  අහගන්නේ  ජ්‍යෝතිෂ කාරයින්ගෙන්ය.   මැතිවරණ කොමසාරිස් වත් පාර්ලිමේන්තුව, අධිකරණය ඒ කවුරුවත් නෙවේය. බලන්න කොච්චර වෙනස් ද කියලා.

අනික අපේ කට්ටිය ආණ්ඩු පෙරලන්නේ චන්ද බලෙන්වත්  උද්ඝෝෂණ  කරලා වත්, එහෙම නෙවේය. එහෙම කිව්වම එහෙනම් ආයුධ බලෙන්ද කියලා අහන්න එපාය. අපේ කට්ටිය හරිම අවිහිංසාවාදි නිසා ආයුද පෙන්නන්ට බැරිය. 

එයාලා ආණ්ඩු පෙරලන්නේ  දෙවියන්ට පොල් ගහලාය.  මේ  ක්‍රමේ හොයා ගැනීම ගැන ලෝක ප්‍රජාතන්ත්‍ර සංගමෙන් අපේ රටේ පොල් කට්ටියට සම්මානයක් දෙන්න කල්පනා  කරමින් ඉන්න බව ආරංචි වී තිබේය.

 මේ ඔක්කොටම වඩා හොඳම හා  මම ආසම  දේ තමා අපේ රටේ පොලිටික් කට්ටිය  සතුරාට පහර දෙන විදිය. එයාලා වෙන මුකුත් කරන්නේ නැත , සීනිගම දේවාලෙට ගිහින්  සතුරා හැඳි ගෑවිලා යන්න මිරිස් අඹරනවාය.

දැන් ඔයාලම කියන්න අපි හරි වෙනස්ද, නැද්ද , ඒ වෙනසට අපි ගරු කරන්න ඕනෑද  නැද්ද  කියලා.

Saturday, March 12, 2016

තිත්ත බේත්

තිත්ත බේත්, තිත්ත බේත්,

ටැක්ස් පිට ටැක්ස් තිත්ත බේත්

මෙන්න ගෙනාවා, මෙන්න ගෙනාවා,

තිත්ත බේත්, තිත්ත බේත්,

ජනතාවට තිත්ත බේත්

මෙන්න ගෙනාවා
 
ඉන් කැබිනට්, නොන් කැබිනට්

මිනිස්ටර්ලා , මන්තිරි වරු

එකතුවෙලා

චන්දේ දීපු මෝඩයින්ට

තිත්ත බේත් ,තිත්ත බේත්
 
යහපාලන තිත්ත බේත්

මෙන්න ගෙනාවා, මෙන්න ගෙනාවා

India is taking away our jobs

 
Donald Trump, the controversial Republican presidential frontrunner, on Sunday again blamed India for taking away jobs from Americans, pledging to bring them back if elected president even as the ‘Trump mania’ appeared to have picked up in the US ahead of “Super Tuesday” showdown.

The 69-year-old real estate tycoon who became a politician only last summer has been drawing thousands of crowd across the country, hoped to “seal the deal”, coming Tuesday by winning Republican primary in all the 11 states.
Super Tuesday refers to one or more Tuesdays early in a presidential primary season when the highest number of states hold primary elections.

Addressing a crowd of roughly 5,000 people, a big by US primary election standard — inside the hanger of a local airport in Tennessee, Trump sold the dream of “making America great again” by promising to bring back jobs from countries like India, China, Japan and Mexico, building the wall on US-Mexico border, “knocking the hell out ISIS”, and repealing and replacing Obama care.
http://indianexpress.com/article/world/world-news/us-presidential-election-donald-trump-again-blames-india-for-taking-away-american-jobs/

-

Sunday, March 6, 2016

කලාමැදිරියාගේ විශේෂ ප්‍රකාෂයයි.

 
සොරි බොෂ්., මේ පෝස්ට් එක කොටන්න කයින් දෙකක් දා ගත්තා , ඒකයි මේ මහප්ප්‍රාණ වචන එන්නේ අරිද? නැතුව හොඳ ෂීයෙන් කෝමද මේ වා කොටන්නේ.

කුලියාපිටියේ මෝඩ මිනිස්සු ‍රැලක් පොඩි එකෙක් අල්ලගෙන ඌට ඉස්කෝලෙකට එන්ඩ දෙන්නේ නැතුව දුන්න දහවද දැකලා කලාමැධිරි මේ දවෂ් ටිකේම ඉටියේ පුල් අප්සැට් එකේ.

කුලියාපිටියේ මෝඩ මිනිෂ්ෂු ඒ කොලුවාට ඉස්කෝලයක් දෙන්නේ නැත්නම් ඌට ඉස්කෝලයක් දෙන එක අජ්ජාපන ඇමතිගේ ඩියුටිය, හොඳයි නැත්ද?

එකයි මම පහුගිය දවස් ටීකේම අකිල මාමි  හෙව්වේ, මම ඉතුවා මෑන්ස් ඇවිල්ලා දෙයි නියම යහපාලන ටෝක් එකක් කුලියාපිටියේ සැට් එකේ බ්‍රේන්ස් එක දිග ඇරෙන්ඩ කියලා. අම්මපා මෑන්සුත් කුලියාපිටියෙනේ.

අකිලා  මෑන්ස් ඇවිල්ලා දුන්නා තමා ටෝක් එකක්.

ඔන්න මම කිව්වා,ආයේ නොකිව්වා කියන්න එපා අරිද?
මෑන්ස් ලංකාවේ අජ්ජාපන ඇමටි නම් මේ කලා මැදිරියා ලංකාවේ පොරක් නෙවේ අරිද?
අයිස්ලන්තේ  වුනත් කමක් නෑ, ලංකාවේ නෙවේ අරි?

ඇයි යකෝ රටේ අජ්ජාපනයා ඔහොම කතා කියන කොට විලිසංගයක් ඇති එකෙකුට කියන්ඩ පුලුවන්ද අපි ලංකාවේ කියලා.කුලියාපිටියේ නූගත් අම්මලා තාත්තලා එච්,අයි, වී හුලඟින් බෝ වෙනවා කිව්වාම මක් වෙනව ද බන් රටේ අජ්ජාපන ඇමට්ටා මෙහෙම කියන කොට?

ඕනෑ නම් ගිහිල්ලා බලන එකයි ඇත්තේ , මෙන්න ලිංකුව, හැබයි බඩ කපාගන්න තහනම් අරිද?
 

'ජනතාව ගැන සිතන නිසා'


 
එච්අයිවී ආසාදිත බවට පැතිර ගිය අසත්‍ය ප්‍රචාරයක් හේතුවෙන් අධ්‍යාපනය අහිමිව සිටින කුලියාපිටියේ දරුවා මවගෙන් වෙන් කොට පරිවාස භාරයට ගැනීම සඳහා අධිකරණ නියෝගයක් ලබා ගැනීමට බලාපොරොත්තු වන බව අධ්‍යාපන අමාත්‍ය අකිල විරාජ් කාරියවසම් පවසයි.
දරුවාගේ මවට එච්අයිවී ආසාදනය වී ඇති බව කුලියාපිටිය කලාප අධ්‍යාපන අධ්‍යක්ෂකවරයා තමාට කියා සිටි බව පවසන අධ්‍යාපන අමාත්‍යවරයා ඒ හේතුවෙන් දරුවා මවගෙන් වෙන් කොට තැබිය යුතු බවයි සඳහන් කළේ.
''මවට එච්අයිවී වෛරසය ශරීර ගත වෙලා නම් පැහැදිලිවම දරුවටත්, මොකද දරුවා නිදා ගන්නේ ඇයගේ ඇකයේ. අපි ඒ ප්‍රදේශයේ නිසා දන්නවා ඒ මව සහ ඒ කටයුතු වෙන ආකාරය. ඒ නිසා තමයි අපි බැලුවේ දරුවාව පරිවාසය භාරයට ගන්න. නමුත් මව ඉඩ දීලා නැහැ.''
දරුවාගේ මව පවසන්නේ තමාට එච්අයිවී ආසාදනය වී නොමැති බවයි.
මවට එච්අයිවී ආසාදනය වී අත්දැයි යන්න සම්බන්ධයෙන් ජාතික ලිංගාශ්‍රිත රෝග සහ ඒඩ්ස් මර්දන වැඩසටහන කිසිත් ප්‍රකාශ කොට නොමැත.
දරුවා සහ මව සම්බන්ධ කර ගනිමින් මාධ්‍ය සංදර්ශන පැවැත්වීමට තමාට උවමනාවක් නොමැති බවත් අධ්‍යාපන අමාත්‍යවරයා කියා සිටියේය.
''මොකද අපේ ප්‍රදේශයේ, විශේෂයෙන්ම මට වගකීමක් තිබෙනවා. ලක්ෂ තුනකට වැඩිය මනාප අරගෙන මාව පාර්ලිමේන්තු ඇරියේ ඒ ප්‍රදේශයේ ජනතාව ගැන සිතන නිසා''
අවට වාතය හරහා හෝ ස්පර්ශය හරහා එච්අයිවී වයිරසය ආසාදනය නොවන බව වෛද්‍ය මතයයි.
අනාරක්ෂිත ලිංගික හැසිරීම්, රුධිර පාරවිලයනය, ජීවාණුහරණය නොකළ එන්නත් කටු භාවිතය හා ආසාදිත මවක ගේ මව්කිරි බීම හරහා වෛරසය ශරීර ගත වන බවයි පුත්තලම දිස්ත්‍රික් ලිංගාශ්‍රිත රෝග ඒකකයේ ප්‍රධානී වෛද්‍ය එන්ආර් අමරජීව පවසන්නේ.
මේ අතර සෙනසුරාදා දරුවා වෙසෙන නිවසට පැමිණි නියෝජ්‍ය අමාත්‍ය රන්ජන් රාමනායකගේ ජංගම දුරකථනය ඔස්සේ සම්බන්ධ වූ ජනාධිපති මෛත්‍රිපාල සිරිසේන දරුවාගේ මවට කියා සිටියේ ආණ්ඩුව මැදිහත් වී දරුවාගේ පාසල් අධ්‍යාපනය සුරක්ෂිත කරන බවයි.
'අපි ඉස්කෝල ප්‍රශ්නේ විසඳලා දෙන්නම්. ඒ ගැන බය වෙන්න එපා. දැනුමක් නැති අයනේ ඕකට විරුද්ධව කෑ ගහන්නේ' ජනාධිපතිවරයා දුරකථනය ඔස්සේ සඳහන් කළේය.

Saturday, March 5, 2016

කෝ යකෝ අකිල


 
HIV ප්‍රශ්නයක් කරගනිමින්  අධ්‍යාපනය අහිමි කර සිටින කුලියාපිටිය දරුවා ගේ පාසැල් ප්‍රශ්නය ගැන ප්‍රකාශයක් ලබා ගැනීම සඳහා   රටේම අධ්‍යාපන ඇමති හා කුලියාපිටියේ දේශපාලකයෙක් වන අකිල විරාජ් කාරියවසම් මහතා අවශ්‍ය කර තිබේ.

ඔහු සිටින තැනක් ගැන හරි තොරතුරක් දෙන්නෙකුට සුළඟින් පැතිරෙන ඒඩ්ස් වෛරසයෙන් බේරීම සඳහා මුඛ ආවරණයක් තෑගි දෙනු ලැබේ.

Friday, March 4, 2016

ලෝක කුසලාන දිනන මග

 


2016.03.04

සභාපති
ලෝක ක්‍රිකට් සම්මේලනය



 හිතවත් මහත්මයාණනි

2016 ලෝක T 20 ක්‍රිකට් තරඟාවලිය

මේ ලිපිය ‍රැගෙන එන ටී. සුමටි මහතා ශ්‍රී ලංකා කවුන්සිලයේ සභාපති වන අතර  මාගේ ඉතා හොඳ හිතවතෙකි.  ඒ මහතා ශ්‍රී ලංකාවට 2016 20 ක්‍රිකට් කුසලානය දිනා ගැනීම පිලිබඳව උනන්දුවක් දක්වයි.

  ඔහුගේ කණ්ඩායමේ පරණ වාර්තා  හා සුදුසු කම් පරික්ෂා කර බලා 2016  T20 ලෝක ක්‍රිකට් කුසලානය ශ්‍රී ලංකාවට ලබා දෙන්නේ නම් මම ඉමහත් සේ කෘතඥ වෙමි.

සැ.යු. - කුසලානය දීමට තීරණය කිරීමේදී පසුගියදා බංග්ලාදේශය හා ඉන්දියාව වෙතින් අප  ලැබූ පරාජයන් නොසලකා හැරීමට කටයුතු කරන මෙන් ද ඉල්ලා සිටිමි

මීට
කිරිඩා ඇමටි