Showing posts with label SAITM. Show all posts
Showing posts with label SAITM. Show all posts

Monday, November 6, 2017

මාර විසඳුම්




දැන් යහපාලන ආණ්ඩුවේ අධ්‍යාපනය පිළිබඳව තීරණ ගන්නා බලදාරියා ප්‍රවෘත්ති අධ්‍යක්ෂකය. යහපාලනේ හැටි එහෙමය. වගකිව යුත්තන් හැංගී මොකෙක් හෝ වගකීමක් නැති  කුක්කෙක් ඉදිරියට තල්ලු කරයි.හැටි එහෙමය.

දැන් මේ ප්‍රවෘත්ති අද්දි-යක්ෂ තුමා සයිටම් අර්බුධයට දී ඇති විසඳුම මුලින්ම  පිලිගන්නේ බඩජාරිනෙවිල් මුදලාලිය. එපමණක් නොව ඒ විසඳුම පිලිගන්නැයි කියා අනික් අයටත් කියන්නේය. සයිටම් ශිෂ්‍යනුත්  ඒ විසඳුමට කැමතිය. මුල ඉඳලා සයිටමට කඩේ ගිය රාගම නිලන්ති  ඇතුලු පීඨාධිපති තුන් කට්‍ටුවකුත් මනාපය.  ඊ ලඟ සැරේටත්  තනතුරට පැන ගන්න බලං ඉන්න උපකුලපති නඩේත් සැට් වෙලාය.

මේ විසඳුමට මනාප සැට් එක දිහා බැලුවාම දීලා තියෙන්නේ මොන ජාතියේ විසඳුමක් ද කියලා පේනවාය. ප්‍රවෘත්ති අද්දි-යක්ෂගේ නිවේදනය අමුතුවෙන් කියන්වන්ට දෙයක් නැත.


මේ යහපාලන නරි නඩයේ නාඩගම් වලට විරුද්දව නිදහස් අධ්‍යාපනය ‍රැක ගැනීමට වෛද්‍ය පීඨ ශිෂ්‍ය දෙමව්පියන් අද තම ජීවිතය පරදුවට තබා ඉදිරිපත්ව සිටිති. මේ  තීරණාත්මක මොහොතේ මුලු ජාතියේම සහය ඔවුන්ට ලබා දිය යුතුය. ඔවුන් පසු පස පෙල ගැසිය යුතුය.  මේ විරුවන්ගේ රුධිරය උරා බීමට පෙලගැසී සිටින හපා‍ටුවන්, පිස්සු බල්ලන් පලවා හැරිය යුතුය. මේ විරුවන්ගේ රුධිරය උරා බීමට පෙලගැසී සිටින හපා‍ටුවන්, පිස්සු බල්ලන් පලවා හැරිය යුතුය. නිදහස් අධ්‍යාපනය සුරකින සටන ශක්තිමත් කල යුතුය.

                                සයිටම් අහෝසි කරනු

                             නිදහස් අධ්‍යාපනය සුරකිනු

Saturday, July 8, 2017

පෞද්ගලික වෛද්‍ය අධ්‍යාපනය පිළිබඳ මිථ්‍යාව හා සත්‍යය



පෞද්ගලික වෛද්‍ය අධ්‍යාපනය යනු එක් අයෙක් හෝ පිරිසක් විසින් තම මුදල යොදවා පවත්වාගෙන යනු ලබන ආයතනයි. මේවා වර්ග දෙකකි.

1.ලාභ ලැබීමේ අරමුණින් පවත්වාගෙන යන ආයතන- ඉන්දියාව, බංග්ලා දේශය, නේපාලය, පකිස්ථානය වැනි රටවල බහුලව ඇත.

2.ලාභ ලැබීම අරමුණු කර නොගත් ආයතන ඇති රටවල්- ඇ.එ.ජ, එංගලන්තය, ඕස්ට්‍රේලියාව


සෞඛ්‍ය සේවය හා  පෞද්ගලික වෛද්‍ය  අධ්‍යාපනය හා   පිළිබඳ පවතින පොදු දුර්මත

  1.   ශ්‍රී ලංකාව තුළ වෛද්‍ය අධ්‍යාපනයට ඇති අවස්ථාවන් අසාධාරණ ලෙස සීමාකර ඇත
   2.  අ.පො.ස. උසස් පෙළ විභාගය යනු උසස් අධ්‍යාපනය සඳහා සුදුස්සන් තේරීමට දුර්වල ක්‍රමවේදයකි.
   3.  ශ්‍රී ලංකාව තුළ වෛද්‍යවරුන්ගේ දැඩි හිඟයක් පවතී.
  4.   වැඩිපුර වෛද්‍යවරුන් සිටීම වාසිදායක වේ.
   5. අනෙකුත් ක්ෂේත්‍ර ද පෞද්ගලිකකරණය වී තිබෙන නිසා වෛද්‍ය අධ්‍යාපනය ද එසේ විය යුතුය.
   6.  පෞද්ගලික වෛද්‍ය විද්‍යාල රටක ආර්ථිකයට වාසිදායක වේ.

 මෙම කරුණු එකින් එක විමසා බලමු.

ශ්‍රී ලංකාව තුළ වෛද්‍ය අධ්‍යාපනය සඳහා ඇති අවස්ථාවන් අසාධාරණ ලෙස සීමාකර ඇත. 

- සාමාන්‍යයෙන්, එක් වසරකදී උසස් පෙළ විභාගයට කළා අංශයෙන් පෙනී සිටින ශිෂ්‍ය ශිෂ්‍යාවන්ගෙන් 70,000 ක් පමණ විභාගය සමත් වේ.
 -ඉන් සිසුන් 7000 ක් පමණ ,එනම්, කළා අංශයෙන් උසස් පෙළ සමත්වන්නන් අතරින් 10% ක් පමණක් විශ්ව විද්‍යාල වලට ඇතුළත් කර ගනී. 
-සාමාන්‍යයෙන්, වසරකදී උසස් පෙළ ජීව විද්‍යා අංශයෙන් විභාගය සමත්වන්නන් ගණන 21,000 ක් පමණ වේ.
-ඉන් ආසන්න වශයෙන් 7000 ක් පමණ, එනම් 33%  විශ්ව විද්‍යාලයට ඇතුළු කරගැනීම සිදුවේ.
-වසරකදී වෛද්‍ය විද්‍යාල වලට බඳවාගන්නා සිසුන් ගණන ආසන්න වශයෙන් 1325 ක් පමණ වේ.
-එනම් ජීව විද්‍යා අංශයෙන් උසස් පෙළ සමතුන්ගෙන් 6.3% කට පමණ වෛද්‍ය විද්‍යාලයකට ඇතුළු වීමට හැකියාව ලැබේ.
-එසේ  නම් සැබැවින්ම, විශ්ව විද්‍යාලයකට ඇතුළත් වීමට පවතින අවස්ථා සීමා වී ඇත්තේ, ජීව විද්‍යා අංශයට වඩා කළා අංශය තුළය.
-මෙතරම් විශාල සිසුන් සංඛ්‍යාවක් කළා අංශය තෝරාගන්නේ, ශ්‍රී ලංකාව තුළ උසස් පෙළ ජීව විද්‍යා අංශයෙන් අධ්‍යාපනය ලබාගත හැකි පාසල් ගණන සහ පහසුකම් අඩුවීම හේතුවෙනි.කළ යුත්තේ එම පහසු කම් දියුණු කිරීමයි.

-එසේම  වසරකදී ජීව විද්‍යා අංශයෙන් B සාමාර්ථ 3 ක් හෝ එයට වැඩි ප්‍රතිඵල ලබාගන්නා සිසුන් සංඛ්‍යාව 2388 ක් පමණ වන අතර එයින් ආසන්න වශයෙන් 55% ක් පමණ වෛද්‍ය විද්‍යාලයකට ඇතුළු වීමට වරම් ලබයි.
-නමුත් ශ්‍රී ලංකාවේ රාජ්‍ය විශ්ව විද්‍යාල වල අනෙක් සෞඛ්‍යය ආශ්‍රිත උපාධි පාඨමාළා වලට ඇතුළු වන්නේ ආසන්න වශයෙන් 700 ක් පමණි.  ඇතැම්  උපාධි පාඨමාලා වලට සිසුන් ඇතුළත් වන්නේ නැති තරම්ය.


- ලෝකයේ දියුණු රටවල ශ්‍රී ලංකාවටත් වඩා වෛද්‍ය අධ්‍යාපනයට පිවිසීමට ඇති අවස්ථා සීමිත වේ.
-එක්සත් රාජධානිය තුළ වෛද්‍ය විද්‍යාලයකට ඇතුළු වීම සඳහා අවම සුදුසුකම වන්නේ උසස් පෙළ A  3 ක් ලබාගැනීමය. A  3 ක් ලබාගත් අයගෙන් ද වෛද්‍ය විද්‍යාලයකට ඇතුළු වීමට වරම් ලැබෙන්නේ 5 දෙනෙකුගෙන් එක් අයෙකුට පමණි.
- එක්සත් රාජධානියේ ඇති හොඳම විශ්ව විද්‍යාලයක් වන ඔක්ස්ෆර්ඩ් සරසවියෙන් වෛද්‍ය විද්‍යාව හැදෑරීමට ඇතුළු විය හැක්කේ උසස් පෙළ A  3 ක් ලබාගත් අය 17 දෙනෙකුගෙන් එක් අයෙකුට පමණි.
- ඇමරිකා එක්සත් ජනපදයේ හාවඩ් විශ්ව විද්‍යාලයේ වෛද්‍ය විද්‍යාව හැදෑරීම සඳහා අයදුම්පත් ඉදිරිපත් කරන අවම සුදුසුකම් ලැබූවන්ගෙන් පාඨමාළාව සඳහා තෝරාගන්නේ ආසන්න වශයෙන් 2% ක් (7000 කින් 165 ක්) පමණි.


  අ.පො.ස. උසස් පෙළ විභාගය යනු උසස් අධ්‍යාපනය සඳහා සුදුස්සන් තේරීමට දුර්වල ක්‍රමවේදයකි.
 
 වෛද්‍ය අධ්‍යාපනය ට ‍තෝරාගැනීම සඳහා  උසස් පෙළ විභාගය ඉතාමත් සුදුසු නිර්ණායකයක් බව පෙන්වන කරුණු තුනක් පහත දැක්වේ.
සංජානන හැකියාව - මෙය මැන බලන්නේ අසීරුතා දර්ශකයෙනි. 2015 උසස් පෙළ විභාගයේ ජීව විද්‍යා බහුවරණ ප්‍රශ්න පත්‍රයේ ප්‍රශ්න වලින් 90% කට වඩා වැඩි ප්‍රමාණයක් නියමිත පරාසය තුල පිහිටා තිබුණි.

උසස්  අන්තර්ගතය-උසස් පෙළ විෂය නිර්දේශය  සිසුන්ට අනාගත වෛද්‍ය අධ්‍යාපනයට අවශ්‍ය විෂය  කරුණු, අදහස් සහ න්‍යායන්  රාශියක් සිසුන්ට ලබා දෙයි.

අභිප්‍රේරණය හා පෞරුෂය- උසස් පෙළ විභාගයෙන් ඉහළ සාමාර්ථ ලබා ගැනීමට ඉහළ  කැපවීම, පෞරුෂත්වය හා ආකල්ප, අවශ්‍ය අතර ඒවා වෛද්‍ය විදුහලේ අධ්‍යාපනය සඳහාද ඉතා වැදගත්ය.

තේරීම් පරීක්ෂණයක  වලංගුබාවය එහි පුරෝකථනාත්මක අගය මගින් මනිනු ලබයි.

සම්මුඛ පරීක්ෂණ, කුසලතා පරීක්ෂණය සහ නිර්දේශ ලිපි වැනි ක්‍රමවලට  සාපේක්ෂව වෛද්‍ය විද්‍යාලය තුල සිසුන්ගේ ක්‍රියාකරිත්වයේ  හොඳම පුරෝකථකයා ලෙස තේරීම්  විභාග වලදී  ලබා ගත්  ශාස්ත්‍රීය  කුසලතා පෙන්නුම් කරන බව ලොව පුරා සාක්ෂි පෙන්නුම් කරයි

 එක්සත් රාජධානිය තුළ සිදුකරන ලද පර්යේෂණ වලින් හෙලිවී ඇත්තේ උසස් පෙළ ජීව විද්‍යා විභාගයේ ප්‍රතිඵල සමග වෛද්‍ය පීඨයකදී සිසුවෙකු දක්වන කුසලතාවය සමානුපාතික වන බවයි. එනම්, ඉහළ කුසලතා ඇති ගුණාත්මක වෛද්‍යවරයෙකු බිහිකිරීම සඳහා තෝරාගත යුත්තේ උසස් පෙළ ජීව විද්‍යා අංශයෙන් ඉහළ ප්‍රතිඵල ඇති සිසුන් බවයි.

 විශ්වවිද්‍යාල ප්‍රවේශ සඳහා වූ සාධාරණ තේරීම් ක්‍රමයක් අපට තිබේද?

 උසස් අධ්‍යාපන සඳහා වන ප්‍රවේශ ක්‍රම  පදනම් විය යුත්තේ කුසලතාව හා සාධාරණත්වය මතයි "
මානව හිමිකම් පිළිබඳ විශ්ව ප්‍රකාශනයේ 26.1 වගන්තිය ~

ශ්‍රී ලංකාවේ දිස්ත්‍රික් කෝටා ක්‍රමය එවන් සාධාරණ ප්‍රවේශක්‍රමයක් සඳහා වූ අනගි උත්සාහයකි.බොහෝ බරපතළ සීමාවන් තිබියදීත්, දිස්ත්‍රික් කෝටා ක්‍රමය සරසවි ප්‍රවේශය සඳහා වන සෑහෙන තරම් සාධාරණ ක්‍රමයක් බව පෙනේ.



මන්නාරම, මුලතිව් සහ මොණරාගල වැනි අධ්‍යාපනික සම්පත් හීන ප්දිස්ත්‍රික්කවලිනුත් කුසලතා මට්ටම පමණක් සලකා සරසවි ප්‍රවේශය සිදු කළහොත් වෛද්‍ය අධ්‍යාපන සඳහා එක සිසුවෙකුවත් නොතේරෙණු ඇති අතර එය  එම ප්‍රදේශවල අඩු සම්පත් හා පහසුකම් යටතේ ඉගෙන ගන්නා සිසුන්ට කරනු ලබන අසාධාරණයකි.
තවද, දිස්ත්‍රික් කෝටා ක්‍රමයට ඇතුළු වන වෛද්‍ය සිසුන්ගේ උසස් පෙළ ප්‍රතිඵල දිස්ත්‍රික්කයෙන් දිස්ත්‍රික්කයට වෙනස් වුවද, වෛද්‍ය විද්‍යාලයේදී සමාන පහසුකම් ඇතිව ඉගෙනගන්නා විට ඔවුන්ගේ කුසලතාවයන් බොහෝදුරට සමාන බව ද පෙනී යන කාරණයකි.

 පෞද්ගලික වෛද්‍ය අධ්‍යාපනය ශ්‍රී ලංකාවට නුසුදුසු වන්නේ ඇයි?

  ශ්‍රී ලංකාව ලෝකයේ පවතින වෙනත් රටවල් අතරින් සුවිශේෂී තැනක් අයත්කර ගැනීමට හේතුවී ඇත්තේ, රටට මහඟු දායාදයන් දෙකක් වූ නිදහස් අධ්‍යාපනය සහ නිදහස් සෞඛ්‍ය සේවයයි.
 ලෝක සෞඛ්‍ය සංවිධානයේ දර්ශක අනුව දකුණු ආසියාවේ පළමු ස්ථානය සහ ලෝකයේම රටවල් 190 ක් අතරින් 76 වන ස්ථානය අයත්කරගෙන සිටින්නේ ශ්‍රී ලංකාවයි.
 නමුත්, ශ්‍රී ලංකාවේ ඇත්තේ  රාජ්‍ය වෛද්‍ය විද්‍යාල 8 ක් මගින් පමණි.
 ඉන්දියාවේ රාජ්‍ය වෛද්‍ය විද්‍යාල 217 ක් සහ පෞද්ගලික වෛද්‍ය විද්‍යාල 249 ක් පවතී. නමුත්, සෞඛ්‍ය  දර්ශක වලට අනුව ඉන්දියාවට අයත්ව ඇත්තේ දකුණු ආසියාවේ තුන්වන ස්ථානය සහ ලෝකයෙන් 112 වන ස්ථානයයි.
එසේ නම්, අප කලයුත්තේ පෞද්ගලික අධ්‍යාපනය වැලඳ ගැනීමද, අප සතු ගුණාත්මක නිදහස් අධ්‍යාපනය ‍රැක ගැනීමද?
තීරණය ඔබ සතුය.
 
ශ්‍රී ලංකාව තුළ වෛද්‍යවරුන්ගේ දැඩි හිඟයක් පවතිනවාද?

දැනට ශ්‍රී ලංකා වෛද්‍ය සභාවේ ලියාපදිංචි වූ වෛද්‍යවරුන් 25,600 ක් පමණ
එයින් 70% ක් පමණ සෞඛ්‍ය අමාත්‍යාංශය යටතේ සේවය කරයි.
එමනිසා, ශ්‍රී ලංකාවේ ජනගහණයෙන් පුද්ගලයන් 1000 කට එක් වෛද්‍යවරයෙක් බැගින් ඇත.

ලෝක සෞඛ්‍ය සංවිධානය මගින් ද රටක පැවතිය යුතු වෛද්‍ය-ජනගහණ අනුපාතයක් පිළිබඳව ප්‍රකාශයට පත්කර නැත. නමුත්, යම් රටක පැවතිය යුතු සහ පවතින වෛද්‍ය-ජනගහණ අනුපාතය සාධක කිහිපයක් මත රඳා පවතී. ඒවා නම්:

  • රටේ පවතින සෞඛ්‍ය සේවා පද්ධතියේ ස්වභාවය සහ එහි කාර්‍ය මණ්ඩලය වැඩිකිරීමට ඇති හැකියාව
  • රටේ පවතින ආර්ථිකය සහ ආර්ථික වර්ධන වේගය
  • රටේ පවතින රෝග වල ස්වභාවය
කෙසේ නමුත්, ලෝකයේ අනෙක් රටවල් සමග සසඳා බැලීමේදී ශ්‍රී ලංකාව, වෛද්‍යවරු හිඟයක් පවතින රටක් ලෙස ලෝක සෞඛ්‍ය සංවිධානය විසින් නම්කර නැත.


වෛද්‍යවරුන් වැඩිපුර සිටීමෙන් සෞඛ්‍ය සේවයේ ගුණාත්මකභාවය වැඩිවෙනවාද?
  වෛද්‍යවරුන්, හෙදියන්, භෞත චිකිත්සකයන් වැනි සේවා ගණ අතර අනුපාතය නිසි ප්‍රමාණයට වඩා වෙනස් ව පවතී. දැනටත් එක් වෛද්‍යවරයෙකුට සිටින්නේ හෙදියන් දෙදෙනෙකු බැගින්ය. එය ලෝක සෞඛ්‍ය සංවිධානයේ අනුමත අගයට වඩා බෙහෙවින් අඩු අගයකි.

 වෛද්‍යවරුන්ට සාපේක්ෂව හෙද  සහ අනෙකුත් සම සෞඛ්‍ය සේවා ගණ වල විශාල හිඟයක් පවතී. එමනිසා, දැනට සිටින වෛද්‍යවරුන් සංඛ්‍යාවට සාපේක්ෂව අනෙකුත් සෞඛ්‍ය කාර්‍ය මණ්ඩලය වැඩිකර ගතයුතු ය. සෞඛ්‍ය සේවය වැඩිදියුණු කලයුත්තේ සමස්ථයක් වශයෙන් ගෙන මිස, වෛද්‍යවරුන් සංඛ්‍යාව පමණක් ඉහළ දැමීමෙන් නොවේ.


අනෙකුත් ක්ෂේත්‍ර පෞද්ගලිකකරණයට ලක්වන පමණින්, වෛද්‍ය අධ්‍යාපනය පෞද්ගලිකකරණය විය යුතුද?

  අධ්‍යාපනය පෞද්ගලිකකරණය වීමේදී ඇතිවන තරඟකාරීත්වයත් සමග එහි ගුණාත්මකභාවය රඳවාගැනීම සිදු නොවන අතර, ඉන්දියාව වෛද්‍ය අධ්‍යාපනය පෞද්ගලිකකරණය කිරීම නිසා සිදුකරගෙන ඇති අනර්ථය එයට හොඳම නිදසුනකි.
සැබැවින්ම, වෛද්‍ය අධ්‍යාපනය යන්න අනෙක් පාඨමාළා වලින් හාත්පසින්ම වෙනස් දෙයකි. එය ගණුදෙනු කරන්නේ මිනිස් ජීවිත  සමගය.  එමනිසා, එහි ගුණාත්මකභාවය රඳාපැවතීම සඳහා උසස් සායනික පුහුණුවක්, න්‍යාය දැනුමක්, සහ ඉහළ කුසලතාවයක් අවශ්‍ය වේ.

එබැවින්, වෛද්‍ය අධ්‍යාපනය යනු සංකීර්ණ ක්‍රියාදාමයක් වන අතර, එහි සායනික පුහුණුවෙන් 95% ක් පමණ සිදුවන්නේ රජයේ රෝහල් වල වාට්ටු තුළදීය. එමෙන්ම, ශ්‍රී ලංකා සෞඛ්‍ය සේවාවේ ඉතාම වැදගත් අංගයක් වන රෝග වැළැක්වීමේ සත්කාර (Preventive healthcare) මුළුමනින්ම පාහේ සිදුවන්නේ රාජ්‍ය සෞඛ්‍ය ආයතන හරහා පමණි.
පෞද්ගලික ව්‍යාපාරයකට, පුද්ගලයෙකුට, හෝ පෞද්ගලික ආයතනයකට එසේ ඉහළ මට්ටමක ගුණාත්මකභාවයක් පවත්වා ගැනීම ඉතාම අපහසුය.

පෞද්ගලික වෛද්‍ය අධ්‍යාපනය සැලකීමේදී, ඉහළ ලාභයක් සහ ඉහළ ගුණාත්මකභාවය යන දෙකම එකවර පවත්වා ගත නොහැක. මක්නිසාද, ඉන් එකක තත්ත්වය ඉහළට යනවිට අනෙක පහත් තත්ත්වයකට ඇදවැටීම නිතැතින්ම සිදුවන දෙයකි.

ලෝකයේ මානව සංවර්ධන දර්ශකය (Human development index) ඉහළ අගයක් ගන්නා ජර්මනිය, නෝර්වේ, ස්වීඩනය, ඩෙන්මාර්කය, ඕස්ට්‍රියාව, ෆින්ලන්තය, ප්‍රංශය, ස්පාඤ්ඤය වැනි රටවල පවතින එක් ගුණාංගයක් වන්නේ නිදහස් අධ්‍යාපනයයි. පහත සඳහන් රටවල් සෞඛ්‍ය සේවයේ ගුණාත්මකභාවය අනුව ලෝකයේ අයත්කරගෙන සිටින ස්ථානයන් සහ එහි පවතින පෞද්ගලික වෛද්‍ය විද්‍යාල සංඛ්‍යාවන් මදක් සසඳා බලන්න.



ඉහත රටවල් වල පවතින අතලොස්සක් වන රාජ්‍ය නොවන වෛද්‍ය විද්‍යාල සියල්ල පෞද්ගලික ඒවා නොවන අතර, භාරකාර මණ්ඩලයක් මගින් පාලනය වන, ලාභ නොලබන පුණ්‍ය ආයතන ලෙස ක්‍රියාත්මක වේ.

පහත සඳහන් දකුණු ආසියානු රටවල් හතර තුළ පෞද්ගලික වෛද්‍ය විද්‍යාල විශාල ප්‍රමාණයක් පවතින අතර, ලෝක සෞඛ්‍ය සංවිධානයේ ශ්‍රේණිගත කිරීම අනුව ඔවුන්ගේ සෞඛ්‍ය සේවාවන් ලෝකයේ අයත් කරගෙන සිටින ස්ථාන මදක් සසඳා බලන්න. වෛද්‍ය අධ්‍යාපනය පෞද්ගලිකකරණය කිරීමෙන් ඔවුන්ගේ සෞඛ්‍ය සේවාවන්ට අයත්ව ඇති ඉරණම ඔබට මනාව වැටහෙනු ඇත.



සැබැවින්ම, ශ්‍රී ලංකාවේ පවතින පෞද්ගලික උසස් අධ්‍යාපනයේ ප්‍රමිතිය සහ නිර්දේශිත අවම ගුණාංග පිළිබඳ විශ්වාසනීය තොරතුරු නොමැතිය. එමෙන්ම, පෞද්ගලික උසස් අධ්‍යාපනයේ ප්‍රමිතිය ආරක්ෂා කිරීම සහ නිර්ණය කිරීම සඳහා සාර්ථක යාන්ත්‍රණයක් ශ්‍රී ලංකාව තුළ නොමැතිය.
 ඇතැම් අය පවසන ආකාරයට, ලෝකයේ ඉහළ පෙලේ වෛද්‍ය විද්‍යාල වල ශාඛාවන් ශ්‍රී ලංකාවේ විවෘත කල පමණින් පෞද්ගලික වෛද්‍ය අධ්‍යාපනය දියුණු වේද? ඔවුන්ගේ මව් විශ්ව විද්‍යාලයේ පවතින ප්‍රමිතිය, එයට අනුබද්ධ මෙරට පවතින ශාඛාවේද එලෙසම පවතින බවට කිසිඳු සහතිකයක් කිසිවෙකුට දිය නොහැක.

ශ්‍රී ලංකාවේ පවතින දේශපාලනික සහ පරිපාලනමය පසුබිමේ පවතින දූෂණ, අතපෙවීම්, සහ බලපෑම් කිරීම් හමුවේ පෞද්ගලික වෛද්‍ය අධ්‍යාපනයක ප්‍රමිතියට සිදුවන බලපෑම කෙසේ වේදැයි ඔබට වැටහෙනු ඇත. අධ්‍යාපනය පෞද්ගලිකකරණය කිරීමට අසල්වැසි ඉන්දියාව ගත් අදූරදර්ශී තීරණය හේතුවෙන් එරටට අත්වී ඇති ඉරණම මදක් විමසා බැලීමෙන් එය මනාව වටහාගත හැක.

පෞද්ගලික වෛද්‍ය විද්‍යාල ශ්‍රී ලංකාවේ ආර්ථිකයට ශක්තියක් වේද?

ඇතැම් අය පවසන ආකාරයට, පෞද්ගලික වෛද්‍ය විද්‍යාල ශ්‍රී ලංකාවේ ආර්ථිකයට ශක්තියක් විය හැක.  සමහර දේශපාලකයන් සහ විද්වතුන්, වෛද්‍යවරුන් වැඩිපුර නිෂ්පාදනය කර පිටරට යැවීමෙන් විශාල විදේශ විනිමයක් ඉපැයීමට හැකියාව ඇතැයි මතයක් ප්‍රචාරය කරමින් සිටියි.

සැබැවින්ම, ගුණාත්මක වෛද්‍යවරයෙක් බිහිකිරීම යනු විශාල පිරිවැයක් දැරීමට සිදුවන ක්‍රියාවලියකි. එමනිසා, වෛද්‍යවරුන් හුදෙක් පිටරට යැවීමෙන් පමණක් විදේශ විනිමය ඉපැයීමට බලාපොරොත්තු වීම සාර්ථක  ක්‍රියාවලියක් නොවේ.

එවැනි ක්‍රියාවලියකින් සිදුවිය හැකි තවත් අනර්ථයක් වන්නේ බුද්ධි ගලනය (Brain drain) හෙවත්, රටේ බුද්ධිමතුන් විදේශයන්ට ඇදීයාම බැවින්, වෛද්‍යවරුන් පිටරට යැවීම ආර්ථික වශයෙන් ලාභදායී ක්‍රමවේදයක් ලෙස සැලකිය නොහැක.

ශ්‍රී ලංකාව තුළ පෞද්ගලික වෛද්‍ය විද්‍යාල ආරම්භ කිරීම, රටේ මුදල් විදේශයන්ට ඇදීයාම වැළැක්වීමට හොඳ පිළියමක් බව  ඇතැම් දේශපාලකයන්ගේ මතයයි.

රටක පෞද්ගලික වෛද්‍ය විද්‍යාල පිහිටුවීමෙන් වෛද්‍ය අධ්‍යාපනය සඳහා විදේශගත වීම අඩුකරගත හැකිබවට උපකල්පනය කිරීම නිවැරදි නොවන බවට හොඳම උදාහරණය ඉන්දියාවයි. ඉන්දියාව යනු ලෝකයේ වැඩිම පෞද්ගලික සහ රාජ්‍ය වෛද්‍ය විද්‍යාල පවතින රටයි. නමුත්, ලෝකයේ වෛද්‍ය අධ්‍යාපනය සඳහා වැඩිම සිසුන් සංඛ්‍යාවක් විදේශගත වන රට වන්නේ ද ඉන්දියාවයි. එය ලෝකයේ හොඳම වෛද්‍ය විද්‍යාල වල සිටින ඉන්දියානු ශිෂ්‍යයන්ගේ ප්‍රතිශතය සලකා බැලීමෙන් වටහාගත හැක.



පෞද්ගලික වෛද්‍ය විද්‍යාල බිහිකිරීමෙන් විදේශ සිසුන් ආකර්ශණය කරගෙන විදේශ විනිමය ඉපැයීමට හැකි බව තවත් මතයකි. විදෙස් සිසුන් යම් රටකට ආකර්ශණය වීම සඳහා සාධක ගණනාවක් බලපාන බව පෙනේ. එනම්:
  • රටක පවතින තත්ත්වය සහ පහසුකම්
  • අදාළ උපාධියට ලෝකයේ පවතින පිළිගැනීම
  • වෛද්‍ය විද්‍යාලයේ ස්ථාවරත්වය
  • උපාධිය ලබාගැනීමට අවශ්‍ය පිරිවැය
ඉහත කරුණු සලකා බැලීමේදී, දේශීය ආයෝජකයන්ට ඉහත සාධක ප්‍රශස්ථ මට්ටමක පවත්වා ගැනීමට නොහැකි බව පෙනේ.

විදේශීය ආයෝජකයන් වැඩි කැමැත්තක් දක්වන්නේ ඔවුන්ගේ වෛද්‍ය විද්‍යාල වලට දේශීය සිසුන් ආකර්ශණය කරගැනීමය. මක්නිසාද, ඔවුන්ට අවශ්‍ය වන්නේ විදෙස් සිසුන් ආකර්ශණය කරගැනීමට නම්, ශ්‍රී ලංකාව තුළ පෞද්ගලික වෛද්‍ය විද්‍යාල බිහිකිරීමට ඔවුන්ට සැබෑ අවශ්‍යතාවයක් ඇති නොවේ. මක්නිසාද, ඔවුන්ගේ පවතින වෛද්‍ය විද්‍යාල වලට දැනටමත් ඒ හැකියාව පවතී.

සැබැවින්ම, ශ්‍රී ලංකාවට පෞද්ගලික වෛද්‍ය විද්‍යාල අවශ්‍යද? බුද්ධිමත්ව මදක් සිතන්න.



Wednesday, June 28, 2017

මැක්කෙක් ගිය උඩ



සයිටම්වලට එරෙහි වර්ජන නතර
කිරීමට විකල්ප ක්‍රියාමාර්ග ගන්න

සයිටම් සභාපති ජනපතිට දැනුම් දෙයි

 සයිටම් පෞද්ගලික වෛද්‍ය ආයතනය සම්බන්ධ කරගෙන සිදු කරන වැඩවර්ජනය නතර කිරීම සඳහා කිසියම් විකල්ප ක්‍රියාමාර්ගයක්‌ ගන්නා ලෙස ජනාධිපති මෛත්‍රිපාල සිරිසේන මහතාට ඔහුගේ පෞද්ගලික ලේකම්වරයාගේ මාර්ගයෙන් ඊයේ දැනුම්දීමක්‌ කළ බව සයිටම් සභාපති දොස්‌-තර නෙවිල් ප්‍රනාන්දු මහතා පැවසීය.
මෙවැනි වැඩවර්ජන නතර කිරීමට ඕනෑම ක්‍රියාමාර්ගයක්‌ ගැනීමට හැකි බවද සයිටම් වෙනුවෙන් වැඩ වර්ජනයන් දියත් කර මහජනතාව අසීරු තත්ත්වයකට පත් කිරීමට රජය කිසිසේත් ඉඩ නොදෙන බව තමාගේ විශ්වාසයෑයිද දොස්‌--තර නෙවිල් ප්‍රනාන්දු මහතා ජනාධිපති ලේකම්වරයා සමඟ කළ සාකච්ඡාවේදී අනාවරණය කර ඇත.

ජනාධිපති මෛත්‍රිපාල සිරිසේන මහතා ඊයේ දොස්‌තර නෙවිල් ප්‍රනාන්දු මහතා සමඟ සයිටම් පිළිබඳව කතාබහ කිරීමට සුදානම් වී සිටි නමුත් ඊයේ අධික කාර්යබහුල දිනයක්‌ වූ නිසා ඒ වෙනුවට එතුමාගේ පෞද්ගලික ලේකම්වරයා සමඟ මේ පිළිබඳව කරුණු සාකච්ඡා කළ බව දොස්‌-තර නෙවිල් ප්‍රනාන්දු මහතා කීය.

උපුටනය- දිවයින

Friday, June 23, 2017

සයිටම් අහෝසි කරනු- අවසන් සටන ඇරඹේ....









       නෙවිල් ප්‍රනාන්දු තක්කඩියාගේ කාසි මල්ලට යට වූ ජඩ යහපාලන ආණ්ඩුව විසින් සිය පොලිස් කුලී බැලයින් ලවා සයිටම් විරෝධී උද්ඝෝෂණයේ යෙදී සිටි සිසුන්ට එල්ල කල අමානුෂික ප්‍රහාරයත්  සමග සයිටම් විරෝධී අරගලය තීව්‍ර වී ඉදිරියට ඇදෙමින්  තිබේ. මෙම අධම ප්‍රහාරයට එරෙහිව හා සයිටම් ප්‍රශ්නය විසඳීමට බල කරමින් රජයේ වෛද්‍ය නිලධාරි සංගමය අද ආරම්භ කළ සංකේත වර්ජනය , විසඳුමක් ලැබෙන තෙක් ඉදිරියටම ගෙන යාම ට තීරණය කර තිබේ. මෙය මාරාන්තික සටනකි. එක්කෝ ජයෙන් නිමා විය යුතුය. නැත්නම් නිදහස් අධ්‍යාපනය ඇතුලු මෙරට ජනතාවගේ සියලු අයිතිවාසිකම් මෛත්‍රී-රනිල්- රාජිත -කිරිඇල්ල නඩයේ පාමුල තබා පරාජය බාර ගත යුතුය.

එකක් පැහැදිලිය.  GMOA එකට හෝ ශිෂ්‍යයින්ට පමණක් මෙම සටන ජය ගැනීම අසීරු වෙනු ඇත. එම නිසා සියලු ප්‍රගතිශීලි බලවේග මේ අවස්ථාවේ ඔවුන් වටා එක් වී රාජිත නඩයේ අමන කම් වලට මුහුණ දීමට ඔවුන්ට ශක්තිය ලබා දිය යුතුය. එසේම  පීඩනය නිසා හෝ වෙනත් හේතුන් නිසා මෙම සටනින් පසු බසින්නට තැත් කලොත් එයට ඉඩ නොදී ඔවුන් සටනේ රඳවා තබා ගත යුතුය. 

මේ සඳහා සියලු වෘත්තිය සමිති එක්ව මහා වැඩ වර්ජනයක් වහාම කැඳවා සයිටම් අහෝසි කරන ලෙසත් , නිදහස් අධ්‍යාපනය හා නිදහස් සෞඛ්‍ය සුරකින ලෙසත් ඊනියා යහපාලක රජයට බල කල යුතුය. තම තමන්ගේ පෞද්ගලික හා දේශපාලනික වෙනස් කම් පසෙක තබා සියලු ප්‍රගති ශීලි බලවේග මෙම තක්කඩි රජයට එරෙහිව පෙල ගැසිය යුතුය.

දැනටමත් ආණ්ඩුවේ මැර හා කුලී බලවේග අරගලයට එරෙහිව සටනට බැස ඇත. දැනටමත්  රජයේ කුලී ලියන්නන් වන ගාමිණි වියන්ගොඩ ,අජිත් පැරකුම්, මාතලන් ඇතුලු කුලී ලියන්නන් /බ්ලොග් /ෆේස් බුක් කල්ලිය සිසුන්ට හා වර්ජකයින්ට  එරෙහිව මඩ ප්‍රහාර එල්ල කරමින් ජනතාව උසි ගැන්වීමට උත්සාහ කරමින් සිටී. හෙට මෙය වඩාත් උත්සන්න වනු ඇත. එය අවසානයේ ශාරීරික ප්‍රහාරයන් දක්වා , අත් අඩංගුවට ගැනීම් දක්වා හා අවසානයේ අතුරුදහන් කිරීම් දක්වා ගෙන යනු ඇත. විශේෂයෙන් වර්ජක වෛද්‍යවරුන්ට රාජිතගේ මැරයින්  දරුණු ලෙස පහර දෙනු ඇත. එයට අවශ්‍ය පසුබිම අද දිනම රාජිත සූදානම් කලේ කුපිත වූ  ජනතාව විසින් වෛද්‍යවරුන්ට පහර දෙනු ඇතැයි කියාය. එයට එරෙහිව ජනතාව දැනුවත් කිරීම වහ වහා කල යුතුය. මෙම සටන පොදු මහ ජනතාව වෙනුවෙන්, ඔවුන්ගේ දුවා දරුවන් වෙනුවෙන් කරන සටනක් බව තේරුම් කර දිය යුතුය. ඔවුනුත් මෙම සටනට එක් කර ගත යුතුය. නො එසේව හුදකලාව මෙම සටන ජය ගැනීම අසීරු හෝ සමහර විට නොහැකි කටයුත්තකි.'

එම නිසා

1. අරගලය පිලිබඳව පොදු ජනතාව දැනුවත් කල යුතුය.

2. සියලු ප්‍රගතිශීලි බලවේග එක් විය යුතුය.

3. අනෙකුත් සියලු වාමංශික ,ප්‍රගතිශීලි වෲත්තිය සමිතී මහා වැඩ වර්ජනයක් කැඳ විය යුතුය.

සටහන- යහපාලන  නඩයේ රුපියල් බිලියන ගණනක බැඳුම්කර වංචාව ගැන මුක පූට්‍ටු වී සිටි අජිත් පැරකුම්, මාතලන්, වියන්ගොඩ නඩය සෞඛ්‍ය අමාත්‍යාංශයේ කැඩුණු වීදුරු ගැන කුඹුල් කඳුලු හෙලීම විස්තර කළ හැක්කේ කෙසේද?                                     ..



Tuesday, June 6, 2017

ගාමිණි වියන්ගොඩගේ සයිටම් ජපමාලයට පිළිතුරක්

 
 
ගාමිණි වියන්ගොඩ ශූරීන් තම සයිටම් ජපමාලය සතිපතා දිගින් දිගටම ජපකරයි. ඔහු සයිටම් විරෝධීන් යැයි සිතන සියල්ලන්ට එරෙහිව ද්වේෂය සහ වෛරය සමාජය තුළ පතුරන ව්‍යාපෘතියක නිරත වී සිටියි. ඔහුගේ මෙම වෛරී සහගත අවලාදත්මක ලියැවිලි ඔහු හැඟීම්වලට යටත්ව ලියන්නක් යැයි කිසිවෙකු විසින් වරදවා වටහාගත යුතු නැත. ඔහුගේ සයිටම් ජපමාලයේ ඔහු විසින් අමුණන ලද සියළු ඇටබෝල වනාහි දැනුවත් දේශපාලන ගණනය කිරීමකින් යුතුව නිශ්චිත ප්‍රතිඵල අපේක්ෂා කරමින් අමුණන ලද ඒවාය.

පෞද්ගලික වෛද්‍ය ප්‍රතිකාර ක්‍රමයේ සිදුවන අක්‍රමිකතා සහ සමස්තයක් ලෙස එහි ලා සිදුවන සූරා කෑම සම්බන්ධයෙන් සමාජයේ ඇති විරෝධය ඔහු රජයේ වෛද්‍ය නිලධාරි සංගමයට පහර දීමට යොදා ගනී. ඔහු රජයේ වෛද්‍ය නිලධාරි සංගමයට මේ අයුරින් පහර දෙන්නේ ඔවුන් සයිටම් ආයතනයට එරෙහි අරගලයේ කොටස් කරුවන් වී ඇති බැවිනි. පෞද්ගලික වෛද්‍ය විද්‍යාල බිහිකිරීම සාධාරණීකරණය සඳහා පෞද්ගලික වෛද්‍ය ප්‍රතිකාර ක්‍රමයේ සූරාකෑමට එරෙහි සමාජ මතවාදය ගසා කෑමට තරම් වියන්ගොඩ ඇතුළු සයිටම් ප්‍රේමීන් සූක්ෂමය. වියන්ගොඩගේ සයිටම් ජපමාලයේ අඛණ්ඩ ප්‍රහාරයට ලක්වන තවත් කොටසක් නම් අන්තර් විශ්ව විද්‍යාල ශිෂ්‍ය බල මණ්ඩලය ඇතුළු සරසවි සිසු පරපුරයි. එහි අරමුණ සමස්තයක් ලෙස සිසුනට එරෙහිව සමාජයේ පවතින සියළු අගතිගාමී මතවාද උළුප්පා දක්වමින් එමගින් සයිටම් ආයතනයට සහ අධ්‍යාපනය පුද්ගලිකරණයට එරෙහිව ඔවුන් ගෙන යන අරගලය සමාජය හමුවේ පිරිහෙළීමය. 
 
සයිටම් වලට එරෙහිව සිටින අතළොස්සක් හෝ වාමාංශිකයන් වෙත් නම් ඔවුහුද වියන්ගොඩගේ සයිටම් ජපමාලය තුළ නිරතුරුව "මොන්ටිසෝරි සමාජවාදීන්" ඈ වශයෙන් නින්දාවට ලක්වෙති. ඔහු මේ "මොන්ටිසෝරී සමාජවාදීන්" යැයි ගරහන්නේ රාජිත සේනාරත්න ගේ හෝ සයිටම් නෙවිල්ගේ සාක්කුවේ සිට සයිටම් වර්ණනයේ යෙදෙන වාමාංශික තක්කඩියන් රැළට නොවේ. තමන් "මොන්ටිසෝරි සමාජවාදීන්" නොව නූතන ලෝකයේ නව ආර්ථික දේශපාලන සහ සමාජීය විපර්යාසයන් පිළිබඳ මනා අවබෝධයක් සහිත "හයිස්කූල් සමාජවාදීන්" යැයි සමාජයේ හමුවේ පෙනීසිටීමට කැමැති සමාජවාදී වෙස්මුහුණු ලාගත් අවස්ථාවාදීහු වියන්ගොඩලාගේ මේ මාංශ පේශි සංදර්ශනයට බියව සයිටම්වාදය හා සන්ධානගතවෙමින් අධ්‍යාපනය පුද්ගලිකරණයේ වාසි ගැන තමන්ට ද නොතේරෙන බහුබුත දොඩවති. ඔවුහු සමාජවාදීන් හෝ වාමාංශිකයන් ලෙස මෙතෙක් පැළැඳ සිටි වෙස්මුහුණු ඉවත ලා සිය සැබෑ මුහුණ පෙන්වීම ගැන අප ඔවුන්ට ස්තූතිවන්ත වියයුතුය. ආර්ථික වශයෙන් සමාජයේ පත්ළේම සිටින සමාජ ස්ථරයක දරුවන්ගේ අධ්‍යාපන අයිතීන් වෙනුවෙන් පෙනී සිටීම "මොන්ටිසෝරි සමාජවාදීන්" යන නම්බු නාමය ලැබීමට සුදුසු කමක් නම් අපට කීමට ඇත්තේ "ඔව් අපි මොන්ටිසෝරි සමාජවාදීන් තමයි. ඉන් තොපට කිමැ"යි යනුවෙනි. (දේශපාලන තර්ක විතර්ක පසෙක තිබේවා. මේ හැම දේකින්ම පසුවත් මොන්ටිසෝරිය තරම් සුන්දර තැනක් අපට ජිවිතයේ යළිත් කෙදිනක හෝ හමුවනු ඇත්ද? අප මේ හංවඩුවට බිය විය යුතුද?) 
 
එමෙන් ම සරසවි පිවිසුම් පෙළ සමත් සමස්ත සිසුන්ට අවස්ථාවක් උදාකළ හැකි වැඩ පිළිවෙළකට නොයා ඒවෙනුවට තෝරාගත් වරප්‍රසාදලාභි අතළොස්සක් වෙනුවෙන් පැළැස්තර විසඳුම් සැපයීමට එරෙහිවීම නිසා හෝ වසරක් පාසා විශ්ව විද්‍යාල අධ්‍යාපනයට සුදුසු කම් ලැබ කිසිදු සමාජ සුරක්ෂිතභාවයක් නොමැතිව මහපාරට ඇදවැටෙන ලක්ෂ සංඛ්‍යාත දරුවන්ගේ උසස් අධ්‍යාපන අයිතිය වෙනුවෙන් පෙනී සිටීම නිසා හෝ 'වාමාංශික කුහකයන්' ලෙස කෙරෙන නම් අඬගැසීම්වලට ද කිසිවෙකු බියවිය යුතුද? සමාජයේ විවිධ පන්ති ස්ථරයන් ස්වකීය සාමූහික ආර්ථික සහ දේශපාලන ඉල්ලීම් ඉදිරිපත් කරන විට එම ඉල්ලීම් වල පන්තිමය අභිලාෂයන් විශ්ලේෂණය හෝ අධ්‍යයනය කිරීම මගහැර හුදෙක් ඒවා විස්තර කරනු වස් සාමාන්‍ය ව්‍යවහාරයේදී පුද්ගල මනෝභාවයන් විස්තර කිරීමට යොදාගනු ලබන 'කුහකබව' වැනි අදේශපාලනික සංකල්ප යොදාගැනීමට ඇතැමුන් ඉදිරිපත් වීමෙන් පෙනී යන්නේ සමාජය හමුවේ මහා දාර්ශනිකයන් ලෙස පෙනී සිටින්නවුන්ගේ දාර්ශනික සහ බුද්ධිමය දිළිඳු කමයි. ලක්ෂ සංඛ්‍යාත ජනකායකගේ ජීවිතවලට බලපාන ආර්ථික හෝ දේශපාලන ඉල්ලීම් ඔවුන් සංවිධිතව ඉදිරිපත් කරන විට ඒවා 'කුහක' යැයි පැවසිය හැක්කේ දේශපාලනයේ අයන්න ආයන්නවත් නොදත් දාර්ශනික කෙළතොල්ලන්ට පමණි.
 
ඔහු රාජ්‍ය අධ්‍යාපන ක්‍රමයේ අක්‍රමිකතා, විෂමතා, සම්පත් හිඟය අඩු ඵලදායිතාව සහ අසාධාරණකම් හුවා දක්වන්නේ එමගින් සයිටම් ආයතන වැනි පුද්ගලික අධ්‍යාපන කඩ බිහි කිරීම සාධාරණීකරණය සඳහාය. ඔහු මෙම තත්ත්වයට වගකිව යුතු පැවැති ශ්‍රිලනිප එජාප හෝ හවුල් ආණ්ඩුවල අධ්‍යාපන ප්‍රතිපත්ති මෙන් ම සමස්ත සංවර්ධන සැලසුම් පිළිබඳව සිය ලියවිල්ල තුළ දක්වා ඇත්තේ සානුකම්පිත සහ ක්ෂමාලාපී ආකල්පයකි. නමුත් මේ සානුකම්පිත ආකල්පය එම අධ්‍යාපන හෝ සංවර්ධන සැලසුම්වල ගොදුරක් බවට පත් දුප්පත් සිසු පරපුර කෙරෙහි නොදැක්වේ. ඒ වෙනුවට ඔවුන්ට එරෙහි කාලකණ්නි සහගත අවමන් ඔහුගේ සයිටම් ජපමාලය පුරාම අමුණා තිබේ. එයට හේතුවක් තිබේ. ඒ සයිටම් විරෝධී අරගලයේ පෙරමුණ ගෙන සිටින්නේ ශිෂ්‍ය පරපුර වීමයි. මේ සිසු පරපුර මුග්ධ, සිය මොළ පහසුවෙන් සේදීමට ඕනෑම අයෙකුට ඉඩ දෙන, අමනයන් රැසක් සේ සමාජය හමුවේ චිත්‍රණය කිරීමයි. එමගින් ඔවුන්ගේ සයිටම් විරෝධී අරගලය බහු ජනතාව වෙත ගෙනයාමට දුෂ්කර තත්ත්වයක් නිර්මාණය කිරීම එය හුදෙකලා කොට විනාශ කිරීමට පහසු තත්තවයක් රජය වෙනුවෙන් නිර්මාණය කිරීමයි.
 
වියන්ගොඩ මේ වන විට සයිටම් විරෝධීන්ට එරෙහිව සිටින්නේ මතවාදී අරගලයක පමණක් නොවේ. ඔහු සයිටම් විරෝධීන් මර්දනය සඳහා රාජ්‍යයට පහසුකාරකම් සපයන්නෙකු බවටත් පත් ව තිබේ. ඒ සයිටම් විරෝධී අරගලයේ නිරතව සිටින වෛද්‍ය නිලධාරින්ගේ සංගමයේ වෛද්‍ය පාදෙණියට එරෙහිව උසාවියට අපහාස කරන ලදැයි නඩු පැවරීම මගිනි. මෙවැනි නඩු පැවරීමක අරමුණ කුමක් ද? හුදෙක් උසාවියේ "කීර්ති නාමය" ආරක්ෂා කිරීමේ "පුරවැසි වගකීම" ඉටු කිරීම ද? පුරවැසි බලය නම් සංවිධානයක් ඔවුන් විසින් අටවාගෙන ඇත්තේ රාජ්‍ය මර්දන ආයතනවලින් සිදුවන පුරවැසි අයිතීන් උල්ලංඝණය කිරීම්වලට එරෙහිව කටයුතු කිරීමට ද? නැතහොත් පුරවැසියන් විසින් කරන ලබන ප්‍රකාශවලින් ඉහත ආයතනවලට "අපහාස සිදුවේ"යි පවසමින් එකී ප්‍රකාශකයන් හිරේ විලංගුවේ දමනු වස් නඩු පැවරීමට ද? 
 
කෙසේ වුව ද ලංකාවේ අධිකරණයේ "කීර්ති නාමය" ගැන, වියන්ගොඩට දැන් අමතකව ඇති අපමණ උදාහරණ සැපයිය හැකි මුත් මේ ඊට අවස්ථාව නොවේ. වියන්ගොඩ ඔහුගේ පුරවැසි බලයේ තවත් සයිටම්කාමීයෙකු වන සරත් විජේසූරිය සමග එක්ව පසුගිය මැයි 04 වෙනිදා පවරන ලද නඩුව වූකලී වෛද්‍ය නිලධාරින්ගේ සංගමය බිය ගන්වා, පීඩනයට පත්කර ඔවුන් සයිටම් විරෝධී අරගලයෙන් ඉවත් කිරීමේ අරමුණ ඉටු කරගැනීම සඳහා සයිටම් කාමීන් විසින් සැලසුම් කර ඇති බොහෝ ක්‍රියාමාර්ග අතරින් තවත් එකක් පමණි. තවත් එක් හාස්‍ය ජනක උදාහරණයක් නම් රන්ජන් රාමනායක නැමැති "ලෝකල් රම්බෝ" නළුවා යොදාගෙන පාදෙණියගෙන් ප්‍රතිකාර ලබාගැනීමට ලියාපදිංචි කරමින් රඟ දක්වන ලද අමන රංගනයයි.
 
මෙම අරගලය මර්දනය කිරීමට සැලසුම් කරන්නන්ගේ ප්‍රධාන ඉලක්කයක් බවට වෛද්‍ය නිලධාරීන්ගේ සංගමය පත්ව ඇත්තේ එය එම සටනේ නිරත අන්තර් විශ්ව විද්‍යාල ශිෂ්‍ය බලමණ්ඩලය ඇතුළු යෞවන ශිෂ්‍ය ව්‍යාපාරයට දෙන ශක්තිමත් සහයෝගය සහ රැකවරණය හේතුවෙනි. වෛද්‍ය නිලධාරීන්ගේ සංගමය මෙවැනි නඩු පටැලවීම්, අවලාද ව්‍යාපාර, බ්ලැක්මේල් ආදිය මගින් බියපත් කර හෝ එහි වැනෙන සුළු කොටස් වෙත වරදාන පුදා හෝ මෙම අරගලයෙන් ඉවත්කීරීමට ගෙන යන උත්සාහය සාර්ථක වුවහොත් එමගින් අන්තර් විශ්ව විද්‍යාල ශිෂ්‍ය බල මණ්ඩලය සහ ශිෂ්‍ය බලවේගය මුළුමණින්ම හුදෙකලා කොට මුල්ලකට කොටු කර මර්දනය කර නිහඬ කිරීමේ සැලසුම් ඉටු කරගැනීමට රජය සමත්වනු ඇත. 
 
අවසානයේදී ගාමිණි වියන්ගොඩලා නතර වී ඇත්තේ රාජ්‍ය මර්දන යන්ත්‍රයේ විවෘත ඇණ මුරිච්චි බවට පත්වීමෙන් බව දැන් පැහැදිලිය. පසුගිය මැයි 17 වැනි දින අන්තර් විශ්ව විද්‍යාල ශිෂ්‍ය බලමණ්ඩලය විසින් සංවිධානය කරන ලද සාමකාමී පා ගමනට එල්ල කළ කෲර පොලිස් ප්‍රහාරය සයිටම් විරෝධය මර්දනයෙහි ලා වියන්ගොඩලාගේ ඊනියා යහපාලන රජය ඔවුන්ගේ ද තල්ලුව ඇතිව කොතෙක් දුර යාමට සුදානම්දැයි පෙන්වන දර්ශකයකි. සරසවි සිසුන්ගේ සාමකාමී පා ගමන තහනම් කිරීමට වියන්ගොඩලාගේ "කිර්තීමත්" අධිකරණය තීන්දු කළේ කිසිදු යුක්ති සහගත පදනමකින් තොරවයි. එම තීන්දුව රජයේ සයිටම් මාෆියාව විසින් කල් තබා සැලසුම් කර තිබූ අමානුෂික පොලිස් ප්‍රහාරයට අධිකරණයේ මුද්‍රාව ලබාගැනීමක් පමණක් විය. 
 
සරසවි සිසුවනි! නුඹලාගේ සාමකාමී පා ගමනට පන්නා පන්නා පහරදීමට පොලිසියට ලැයිසොන් දුන් ශ්‍රී ලංකාවේ මෙම 'කීර්තිමත්' අධිකරණයට එරෙහිව දැන් ඉතින් නුඹලා වචනයකුදු නොපැවසිය යුතුය. නුඹලා එසේ කළහොත් ටින් ටින් කතාවේ එන තොම්සන් සහ තොම්සන් රහස් පරීක්ෂකවරුන්ගේ චරිතයට බැරෑරුම්ව ඇඳ ඇති ගාමිණි වියන්ගොඩ සහ සරත් විජේසූරිය කොහේ හෝ සිට මතුව නුඹලා ගෙලින් ගෙන ඇදගෙන ගොස් නීතිය හමුවට පමුණුවනු ඇත. 
 
සයිටම් විරෝධීන්ට එරෙහිව වියන්ගොඩලාගේ ත්‍රාඩ නෛතික ත්‍රස්තවාදය සහ තවත් එවැනි සයිටම් කොමාන්ඩෝ වරයෙකු වූ බස්ගැමුණු විසින් සබරගමු සරසවි සිසුන්ට මැරයින් සමග එක්ව පහරදෙමින් ප්‍රදර්ශනය කළ ත්‍රස්තවාදය අතර කිසිදු වෙනසක් නැත. 
 
මේ අතර ශිෂ්‍ය පෙළපාළිය සහ ඊට එරෙහිව එල්ල වූ පොලිස් ප්‍රහාරය ගැන සඳහන් කරමින් 18 වැනි දා කොළඹ දී පැවැති මාධ්‍ය හමුවකදී අදහස් දැක් වූ රාජ්‍ය ඇමැති මහින්ද අමරවීර ප්‍රකාශ කර සිටියේ මෙවැනි විරෝධතා ආණ්ඩුවට නොව මහජනතාවට හානි සිදුවන බැවින් ඔවුන්ගේ ද ඉල්ලීම පරිදි උද්ඝෝෂණ වලට වෙඩි තබා හෝ මෙවැනි ඒවා නැවැත්විය යුතු බවයි. ශිෂ්‍ය පෙළපාළිවලට වෙඩි තැබිය යුතු යැයි මහජනයා ප්‍රකාශ කර ඇත්තේ කොතැනකදී ද? රතුපස්වලදී තමන් බොන ජලයට වස එක් නොකරන ලෙස ඉල්ලමින් පෙළපාළි ගිය ජනතාවට වෙඩි තබන ලෙස ගෝඨාභය රාජපක්ෂගෙන් ඉල්ලා සිටින්නට ඇත්තේ ද මහින්ද අමරවීර පවසන ඔය කියන "මහජනයා"මද? මේ මහජනයා යනු වියන්ගොඩගේ සයිටම් ජපමාලය වැනි සයිටම්වාදී ප්‍රචාරක ව්‍යාපෘති තුළ අධ්‍යාපනය ලැබූවන් පිරිසක් ද? එසේ නොමැති නම් බස්ගැමුණුගේ සයිටම් කොමාන්ඩෝ තග් බලකායද? සරසවි සිසුන්ට වෙඩිතබන ලෙස ජනතාව විසින් ලෙස ඉල්ලා සිටින බව මහින්ද අමරවීර දැනගත්තේ කෙලෙසද? ඒ ඔහු පෙර අත්බවයන්හි පුරන ලද පාරමී ධර්මයන් හේතුවෙන් පසක් කළ සර්ව‍ඥතා ඥානයකින් ලද දැනුමක් ද? නැතහොත් ඔහු පෙළපාලි යන්නවුන්ට වෙඩි තැබීමට කැමැත්ත අකැමැත්ත විමසා ජනමත විචාරණයක් පවත්වා තිබේද? 
 
ඉතාම හාස්‍යයට කරුණ නම් ජනාධිපතිවරයා සමග සාකච්ඡාවේදී අන්තරේ කැඳවුම්කරු විසින් දෙන ලදැයි කියන උත්තරයක් ඔසවාගෙන මේ දිනවල සරම ඔළුවේ පටලගෙන ඒ මේ අත දුවමින් කාලකණ්නි සතුටක් ලබන වියන්ගොඩලා රජයේ වගකිවයුතු ඇමැතිවරයෙකු සාමකාමී නිරායුධ මහජන පෙළපාළිවලට වෙඩිතැබීමට තර්ජනය කරමින් කරන මෙවැනි බරපතල ප්‍රකාශ ගැන පෙන්වන සවිඥානක නිහඬතාවයයි. 
 
ගාමිණි වියන්ගොඩ සිය සයිටම් ජපමාලයේ අමුණා ඇති සහ තවදුටරත් අමුණමින් ඇති ප්‍රචාරක ඇටබෝලවලට පිළිතුරු සැපයීමේ දී ඒ සියළු ඇටබෝල මුල සිට එකිනෙක පරීක්ෂා කරන්නට සිදුවීම අප්‍රසන්න අත්දැකීමකි. එසේ වුව ද එය දැන් තවදුරටත් මගහැරිය නොහැකි දෙයක් ලෙස සිතන්නට කරුණු සිදුවෙමින් පවතී. ඒ දැන් මේ සයිටම්වාදීන් සිසු ජීවිත මතින් හෝ සිය ව්‍යාපෘතිය පෙරට ගෙනයාමට සැරසෙන බැවිනි.
 
ඔහු සිය සයිටම් ප්‍රචාරක ව්‍යාපෘතියේ පළමු ලියැවිල්ල පටන් ගනුයේ මෙසේය.
 
"සයිටම් උපාධි ආයතනය යනු, එක පැත්තකින් යම් සමාජ අවශ්‍යතාවක් ද, තවත් පැත්තකින් අක්‍රමිකතා ගණනාවක ද සංයෝගයකි. එය ලියාපදිංචි කරන අවස්ථාවේ සයිටම් (SAITM) යන සංක්ෂිප්ත නාමයේ අවසාන අක්ෂරය වන M යන්නෙන් කළමණාකරණය (Management) යන අරුත අදහස් කෙරී ඇති අතර පසුව එය 'වෛද්‍ය විද්‍යා' (Medical) යන්නට මාරු වී ඇත. ඉංග්‍රීසි භාෂාවේ මේ වචන දෙකම පටන් ගැනෙන්නේ M අක්ෂරයෙනි. මෙම අකුර මුලින් පෙනී සිටි වචනය මාරු කිරීම සයිටම් බලධාරීන් දැනුවත්ව කළ කූඨ ක්‍රියාවක් වීමට හොඳටම ඉඩ තිබේ" 
-අධ්‍යාපනයේ නිදහස සහ සයිටම් පටලැවිල්ල (අංක-1)
 
SAITM සයිටම් ආයතනය පිහිටුවන අවස්ථාවේ එහි තිබූ නමේ M අකුරෙන් නියෝජනය වූ Management වෙනුවට පසුව එය Medical යනුවෙන් වෙනස් කිරීම කිසිවෙකුට ප්‍රතික්ෂේප කළ නොහැකි තරම් සාධක සහිතව ඔප්පු වී ඇති වංචාවකි. එහෙත් වියන්ගොඩ මේ අවසන් මොහොතේත් එම වංචාවේ බරපතල කම හෑල්ලු කිරීමට අනුකම්පා සහගත ප්‍රයත්නයක යෙදේ. ඒ සඳහා ඔහු සිය පරිණත ලේඛන කුසලතාවන් මනා ලෙස උපයෝගී කරගනිමින් මෙසේ පවසයි. ".....දැනුවත්ව කළ කූඨ ක්‍රියාවක් වීමට හොඳටම ඉඩ තිබේ." ඔහුට අනුව එය කූඨ ක්‍රියාවක් බවට නිගමනය කිරීමට තවමත් ඉක්මන් වැඩිය. එය කූඨ ක්‍රියාවක් බවට සෘජු ව නොපවසන යමෙකු, ඒ වෙනුවට එය කුඨ ක්‍රියාවක් වීමට ද "ඉඩ ඇති" බව පවසන්නේ නම් ඔහු විසින් ඉඟි කරන්නේ එය කූඨ ක්‍රියාවක් "නොවීමටද ඉඩ ඇති" බවයි. 
 
එතැනින් නොවතින වියන්ගොඩයෝ එය කූඨ ක්‍රියාවක් වන්නේ නම් එහි වරද පැටවීමට කිසියම් චුදිතයෙකු සොයාගැනීමේ හාස්‍යජනක ප්‍රයත්නයක නිරතවෙති.
 
"...මේ ආයතනය පිහිටුවන අවස්ථාවේ, පෞද්ගලික වෛද්‍ය අධ්‍යාපනය කෙරෙහි කිසි විරෝධයක්, වෛද්‍ය පීඨවලින්වත්, රජයේ වෛද්‍ය නිලධාරීන්ගේ සංගමයෙන්වත්, ශිෂ්‍ය ප්‍රජාව අතරින්වත් මතු නොවීම හේතු කොටගෙන, සයිටම් බලධාරීන්ට හිතුමතේ වැඩ කිරීමේ අවසරයක් සැපයෙන්ටත් ඇති. ඊට වගකිව යුත්තේ, සයිටම් බලධාරීන් නොව, එදා මහින්ද රාජපක්ෂ සහ ගෝඨාභය රාජපක්ෂගේ යකඩ පාලනය යටතේ හීලෑ වී සිටි සහ එම පාලනයට ස්වේච්ඡාවෙන් අනුගතව සිටි වර්තමාන 'වීරයන්'ය. රජයේ වෛද්‍ය නිලධාරීන්ගේ සංගමය එහි දී කැපී පෙනේ. මහාචාර්ය කාලෝ ෆොන්සේකාව, හිටපු ජනාධිපතිවරයා වරක් අරලියගහ මැදුරට කැඳවා ඔහුව වෛද්‍ය සංගමයේ සභාපති වශයෙන් පත්කරන අවස්ථාවේ, සයිටම් ආයතනය බලා කියා ගැනීම සඳහා ඔහුව එම තනතුරට පත්කරන බව පැහැදිළිව කියා සිටි බවට සාක්ෂි තිබේ. පෞද්ගලික වෛද්‍ය අධ්‍යාපනය හෝ සයිටම් ආයතනය, ක්‍රම-විරෝධී අසාධාරණ සැකැස්මක් නම් මහාචාර්ය කාලෝ ෆොන්සේකා හිටපු ජනාධිපති මහින්ද රාජපක්ෂට එදා එම මොහොතේම එය නොබියව කිව යුතුව තිබුණි. එහෙත් ඔහු කටක් ඇර ඒ ගැන කිසිවක් කියූ බවට සාක්ෂි නැත."
-අධ්‍යාපනයේ නිදහස සහ සයිටම් පටලැවිල්ල (අංක-1)
 
සිදු කර ඇති වංචාවේ දුගඳ තවදුරටත් සැඟවිය නොහැකි ලෙස දසත පැතිරෙද්දි එම දුගඳ හමන්නේ සයිටම් නෙවිල්ගේ අමුඩයෙන් බව පැහැදිලිව සියල්ලන් වටහාගෙන තිබියදී වියන්ගොඩයෝද සිය නැහැය හකුලාවමින් හිස දෙපසට වනමින් බැරෑරුම් ස්වරූපයක් ආරූඪ කරගත් මහදැනමුත්තෙකු මෙන් අපට මෙසේ පවසයි. 
 
"හැබෑව, ගඳ එන්නේ සයිටම් නෙවිල්ගේ අමුඩයෙන් තමයි. හැබැයි මිනිහගේ අමුඩය ජරා කර ඇත්තේ මිනිහා නොවෙයි. මං හිතන විදියට ඕකට වගකියන්න ඕනේ වෛද්‍ය සංගමයේ හොර දොස්තරලයි, අන්තරේ මගෝඩි ශිෂ්‍යයෝ ටිකයි."
 
වියන්ගොඩට අනුව වැරදිකරුවන් වන්නේ එය පිහිටුවන අවස්ථාවේ එයට එරෙහි නොවූ ශිෂ්‍ය ප්‍රජාව, වෛද්‍ය පීඨ සහ රජයේ වෛද්‍ය නිලධාරින්ගේ සංගමයයි. ඔවුන් එයට එරෙහි නොවූ නිසා මෙම දඟකාර සයිටම් බබ්බු හිතුමතයේ වැඩකර නම වෙනස් කිරීමේ 'නෝටි' වැඩය කර තිබේ. සයිටම් නෙවිල්ට තම ගැලවුමට මේ තරම් විදග්ධ තර්ක ඉදිරිපත් කිරීමට වියන්ගොඩ තරම් වෙනත් පෙරකදොරුවෙකු කිසිවිටෙක හමු නොවනු ඇත.
 
වියන්ගොඩ මෙහිදී ගොඩ නැගීමට තැත් දරන තවත් තර්කයක් මෙසේය. 
 
කාලෝ ෆොන්සේකා හෝ රජයේ වෛද්‍ය නිලධාරින්ගේ සංගමය මහින්ද රාජපක්ෂගේ පාලන සමයේ දී SAITM ගැන වචනයකින් හෝ විරෝධය පළ කළේ නැත.
ඒ ඔවුන් මහින්ද රාජපක්ෂ සහ ගෝඨාභය රාජපක්ෂගේ යකඩ පාලනයට හිලෑ වී සිටි නිසා නැතහොත් ස්වේච්ඡාවෙන් අනුගත වීම නිසාය.
මහින්ද රාජපක්ෂ, කාලෝ ෆොන්සේකාව වෛද්‍ය සංගමයේ සභාපති බවට පත් කළේ සයිටම් බලා ගැනීම ඔහුට පැවරීමටය.
SAITM ආයතනය ක්‍රම විරෝධී අසාධාරණ සැකැස්මක් නම් ඔවුන් එදා එම මොහොතේ නොබියව කිව යුතුව තිබුණි.
එහෙත් ඔවුන් ඒ බව එදා පවසා නැත.
එහෙයින් සයිටම් යනු ක්‍රම විරෝධී අසාධාරණ සැකැස්මක් නොවේ.
 
මේ වියන්ගොඩ සිය නිගමන කරා එළැඹෙන විද්‍යාත්මක තර්ක ක්‍රමයයි.
 
වියන්ගොඩගේම ප්‍රකාශය තුළ ඇති පරිදි එදා ඔවුන් විරුද්ධ නොවීමට බල පා ඇති කරුණු මෙසේය.
හීලෑවී සිටීම හෝ ස්වේච්ඡාවෙන් අනුගත වීම
ඔවුන්ගේ යකඩ පාලනයට වූ බිය
 
රජයේ වෛද්‍ය නිලධාරින්ගේ සංගමය හෝ කාලෝ ෆොන්සේකා එදා නිහඬව සිටියේ මහින්ද රාජපක්ෂ රජයෙන් ලද තනතුරු හෝ වෙනත් වරප්‍රසාද නිසා ස්වේච්ඡාවෙන් එම පාලනයට අනුගත වීම නිසා නම් (වියන්ගොඩම මෙහි ඉඟි කරන පරිදි) හෝ භීතිය නිසා නම් SAITM ආයතනයේ බිහිකිරීමේ හෝ එහි පැවැත්මේ සාධාරණ අසාධාරණ බව ඔවුන් කළ කී දෑ හෝ නොකළ නොකී දෑ අනුව කිසිවක් නිගමනය කළ හැක්කක් නොවේ. එහෙයින් කාලෝ ෆොන්සේකාගේ හෝ වෛද්‍ය නිලධාරින්ගේ සංගමයේ එදා ස්ථාවරයන් උදාහරණ ලෙස කැඳවමින් SAITM සාධාරණිකරණය කළහැකි නොවේ. අනෙක් අතට පුද්ගලික විශ්ව විද්‍යාල බිහිකිරීමට එරෙහි ස්ථාවරයක් ගැනීමේ ඉතිහාසයක් අන්තර් විශ්ව විද්‍යාල ශිෂ්‍ය බලමණ්ඩලයට මෙන්ම රජයේ වෛද්‍ය නිලධාරින්ගේ සංගමයට ද තිබේ. සමස්තයක් ලෙස එම ඉතිහාසය නොසළකා හැර කිසියම් නිශ්චිත මොහොතක් හුවා දැක්වීම සිය අභිමතය කෙසේ හෝ සාධනය පිණිස කරුණු විකෘති කිරීමකි.
 
...................අජිත් සී හේරත් .................................

Sunday, May 21, 2017

වියන්(කුණු)ගොඩ ගේ සල්ලි මල්ල



පත්තරේක තීරු ලිපියක් කියන්නේ අමුතුම ලිපි වර්ගයක්. අපි දැකලා තියෙනවා එක එක වර්ගයේ තීරු ලිපි. දයාසේන ගුණසිංහ ,සුනිල් මාධව වගේ ලේඛකයෝ තීරු ලිපි කලාවේ විශිෂ්ටයෝ කියලා හඳුන්වන්න පුලුවන්.සාමාන්‍යයෙන් සති අන්ත පත්තරවල පල වන තීරු ලිපි නොයෙක් හැඩයෙන් එනවා. උපහාසය, හාස්‍ය, ශාස්ත්‍රීය ලිපි, කවි  වගේ ඕනෑ ආකාරයකට...  නිශ්චිත හැඩයක් අවශ්‍ය නෑ. නමුත් එක දෙයක් නිශ්චිතයි. තීරු ලිපියක් කියන්නේ තීරු ලිපියක්. ඒක පත්තර වල පලවෙන වැල් කතා වගේ එක දිගට ලියන්නේ නෑ. එක මාතෘකාවක් ගැන ලියන්නේ එක සැරයයි. අවශ්‍ය නම්, වැඩිම් උනොත් දෙකයි.

හැබැයි ඊනියා යහපාලන ආණ්ඩුව බලයට ගේන්න කත් ඇදපු ගාමිණි වියන්ගොඩ රාවයට පත්තරේට ලියනවා තීරු ලිපියක් " අවරදිග ආවර්ජනා" කියලා. ඒකට මිනිහා මේ වන කොට ලියනවා ලිපියක් " අධ්‍යාපනයේ නිදහස හා සයිටම් පටලැවිල්ල " නමින්.  අද පල වෙන්නේ ඒකේ අටවැනි (8)  කොටස. එකම දේ නැවත නැවත ලියමින් මේ මිනිහා පල කරන අදහස ගැන කතා කරන්නවත් දෙයක් නෑ. ඕනෑ නම් ඒ ගැන පස්සේ ලියන්න ඇහැකි.

පසුගිය කාලයේ රටේ ඇති වූ නොයෙක් ප්‍රශ්න ගැන වචනයක්වත් නොලියන වියන්ගොඩ සයිටම් ගැන එක දිගට සති අටක් ලියයි. පුදුම තීරු ලිපිකාරයෙක්. ජීවිත විශාල ගණනාවක් බිලිගත් මීතොටමුල්ල කුණුකන්ද, රටම ගිලගෙන ඇති ඩෙංගු වසංගතය, එච්1එන්1 වසංගතය, යහපාලකයින්ගේ වංචා දූෂණ, මානව හිමිකම් උල්ලංඝණ, මත්ද්‍රව්‍ය වසංගතය සහ කඩා වැටෙමින් ඇති ආර්ථිකය ගැන මේ උන්නැහේට වගේ වගක් වත් නැත. ඔහුට ඇති එකම ප්‍රශ්නය සයිටම් අර්බුදයයි. ඔහුගේ අරමුණ නෙවිල් ප්‍රනාන්දු නම් තුට්‍ටු දෙකේ ලුම්පන් ධනපතියාට අධ්‍යාපනය විකුණා මුදල් හම්බ කරගැනීමට අවශ්‍ය මාර්ගය පාදා දීමයි.

කලක් රටේ මහා සමාජ ක්‍රියාකාරිකයෙකු ලෙස පෙනී සිටි මේ පුද්ගලයා අන් සියලු සමාජ ප්‍රශ්න අත් හැර දමා නෙවිල්ගේ වලිගයේ එල්ලී ඔහුගේ ගොම්පස් ගිල දමන්නේ මන්දැයි සිතා බැලිය යුතුය.  ඉතාමත් පැහැදිලිව පෙනෙන සත්‍ය නම් වියන්ගොඩ උන්නැහේ  නෙවිල් ප්‍රනාන්දු මුදලාලි සමග කුඩු කා ඇති බවයි. එනම් නෙවිල් ප්‍රනාන්දු මුදල් විසි කර වියන්ගොඩ මිලට ගෙන ඇති බවයි. ඔහු විකිණී ඇති මුදලේ ප්‍රමාණය අනුව වියන්ගොඩගේ සයිටම් ලිපිය පලවන සති ගණන තීරණය වනු ඇත.

Monday, May 15, 2017

සයිටමයට සිසුන් බඳවා ගැනීම නවතයි





සියලු ප්‍රශ්න විසඳන තෙක් මතබේදයට තුඩු දී ඇති සයිටම්  ආයතනයට නැවත සිසුන් බඳවා ගැනීම නවතන බව ආණ්ඩුව ගරු ගම්බීරාකාරව ශ්‍රී ලංකාවාසි ජනතාවට දැනුම් දී ඇත.

මාරය. මරේ මරුය. ඔන්න අපේ ආණ්ඩුව ... ආයි දෙකක් නැත. නෙවිල් ප්‍රනාන්දුගේ සල්ලි වලට නැවුනේ නැත. කොන්ද කෙලින් තියාගෙන තීරණයක් ගෙන ඇත. දැන් අන්තරේ මල්ලිලාටත් , අයියලාටත් වෙන්නේ මොනවා ද කෑ රිලවුන් වගේ ඉන්නටය. ෂෝක්ය.

හැබයි නවක සිසුන් බඳවා නොගන්නට ගත් තීරණයට හේතු වුනු ඇත්තම කාරණාවත් කිව්වා නම්  සුපිරිය.

එනම්.... කිරිඇල්ලලා, රාජිතලා, රත්නප්‍රියලා, වියන්ගොඩලා, අජිත් පැරකුම්ලා කොච්චර කයිය ගැහුවත් ...

සයිටමයට අලුතෙන් ඇතුල් වීමට සිසුන්  අයදුම් නොකිරීමය. ඉතින් ඔයි ළමයි ඔය මගුලට ඇතුල් වෙන්න ඉල්ලන්නේ නැත්නම්, බලෙන් දාන්නය? බඳවා ගැනීම නවත්තනවා කියනවා මිස.

Friday, March 17, 2017

සරසවියේ වියදම් පියවා ගැනීමට සිසුවියන් ගණිකා සේවයේ



ශීඝ්‍රයෙන් ඉහල නගින තම  විශ්වවිද්‍යාල අධ්‍යාපනයේ බිල් පියවා ගැනීමට  බ්‍රිතාන්‍ය සරසවි සිසු සිසුවියන් ලිංගික සේවයේ යෙදීමට නැඹුරු වී ඇතැයි වාර්තා වේ. 

නිදහස් අධ්‍යාපනයෙන්ම උගෙන එයට වල කැපීමට පමණක් නොව එහි මිනී පෙට්ටියේ ඇණ ගැසීමටත් ඉදිරිපත් ව සිටින උගත් බුද්ධිමත් මහත්තුරුන් හා එම මහත්තුරු පිටිපස්සේ යන අනික් මහත්තුරු නෝනාලා ටත් මේ ගැන කීමට යමක් ඇත්දැයි අප නොදනිමු.

අප මීට පෙර කිහිප වතාවක් ම කියා ඇති පරිදි ලංකාවේත් අධ්‍යාපන පෞද්ගලීකරණය හරහා මේ  දෙයම සිදු නොවනු ඇතැයි ඒ අයට කිව හැකිද? නො එසේ නම් එසේ වූවත් කම් නැද්ද?

නිදහස් අධ්‍යාපනයේ පිහිටෙන් සමාජ ස්ථරයේ අඩියක් ඉහළට නැග සිටින මේ මහතුන් තමන් දැන් එහි ඉහළම ස්ථරයට අයත් බව සිතන අතර , එම ස්ථරයේ ඕනෑ එපා කම් වෙනුවෙන් ඔවුන් පෙනී සිටින්නේ ඒ නිසාය.

එහෙත් යම් දිනක ඔවුන්ගේ දියණියන්ටත් ඉහත කාළකන්නි ඉරණමට මුහුණ දීමට සිදු වූ දාට ඔවුනට සත්‍ය වැටහෙනු ඇත. එහෙත් එවිට අශ්වයා පැන ගොස් ඇති බැවින් ඉස්තාලයේ  දොර වසා පලක් නැත.

එම නිසා මේ මොහොතේ අප යුතුකම වනුයේ  දැනටමත් කෙමෙන් හීන වෙමින් යන නිදහස් අධ්‍යාපනය මරා දැමීමට න්‍යායන් සකසා දීම නොව , එය වඩ වඩාත් ශක්තිමත් කිරීම සඳහා සටන් වැදීමය. අප එය කරමු. සයිබර් අවකාශයේ පමණක් නොව භූමියේ ද අප සටන් කරමින් සිටින්නෙමු. අප වෙනුවෙන් ඔබගේ  දියණියන් හා පුතුන් වෙනුවෙන් අප එය කරමු.  බල්ලන් කොපමණ බිරුවත් කඳු පාත් නොවන  නිසා බල්ලන්ගේ බිරුම් ගණන් නොගෙන අප එය කරන්නෙමු.

http://uk.reuters.com/article/uk-britain-unemployment-prostitution-idUKTRE7BD0R820111214

Desperate British students, faced with rising costs on the back of government austerity measures, are turning to prostitution, gambling and other dangerous pursuits to fund their studies, support workers and student leaders said on Wednesday.
The English Collective of Prostitutes (ECP), a welfare body for sex workers, said it estimated the number of people approaching it for help had doubled in the last year as students struggled to make ends meet.
"(The government) know the cuts and the austerity programmes and the removing of grants, they know when they remove those resources they know it drives women further into poverty," Sarah Walker from the ECP told Reuters.

https://www.theguardian.com/education/2015/mar/27/university-students-sex-work-living-costs-tuition-fee-debts



Thursday, March 16, 2017

සයිටමාලංකාරය හෙවත් පරණ වාමාංශිකයන්ගේ වලප


 
 
සයිටම් එකට බඩගාගෙන කඩේ .........යනු
 නෙවිල් හාමුගේ පා ලෙවකා පිස.......... දමනු
 රජයේ යුනිවසිටි  විකුණනු හෝ .........වහනූ
 සමාජවාදේ  කුමකටදැයි ..............අසනු
 
 නෙවිල් මුදලාලි හෙට දින ..............බුදුවේවා
 පැරකුම් හෙන්රි සැරියුත් මුගලන්........වේවා
රජයේ  යුනිවර්සිටි හැඳිගෑවී..............යේවා
 නිදහස් අද්දියාපනේ ..............මක බෑ වේවා
 
 අවුරුදු දහතුනක් නොමිලේ ............උගන්නලා
තව සිව් වසක් සරසවියෙත්....................තියලා
 රුපියල් පහ නැතිව බත් පත   .........අඩු ගහලා
සයිටමයට ආවඩයි අයියෝ .................උඹලා 
 
 එස් තුන නැතිව  සරසවි  යන්නට..............බැරිය
 එස් තුන නැතත් ප්‍රයිවට් එක ...............අපිටමය
ශත පහ අතේ නැති උන් ඇත ...............සරසවිය
 මකවා දමනු නිදහස්..................... අද්දියාපනය
 
 සීයට  දෙක තුනයි  ඒ එල් ලකුණු  .........ඇතේ
නෙවිල් මුදලාලි අපි ගොඩ දානු .............ඇතේ
දුප්පත් හිඟන ‍රැල සරසවි පිරිලා .............ඇතේ
 තොපට උරුම කැඹිරීමයි අපි................යටතේ
 
 අවුරුදු දහ හතක්  පිනටම.............ඉගෙන ගෙන
රජයේ ‍රැකියාවකුත් තව කල් ........කොරාගෙන
නෙවිල් හාමුගේ මුදලට ලොල් ......... අමන දන
 පිකට් කරොත් වෙඩි තියනුලු ලෙසින් ......හෙණ

 නිදහස් අද්දියාපනේ  මොකටද අපිට.... අඩෝ
 කන්නංගරයා මොන පිස්සෙක්ද .........අඩෝ
චේලා ‍ෆිඩෙල් ලා තිබ්බොත් පෙලට ......අඩෝ
 අපේ සමීර මහ වීරයා තමයි .................අඩෝ
 
 දැයේ දරුවන්ගේ අධ්‍යාපනෙ..............නසනු
 සමාජවාදේ මොන ලබ්බද ................අසනු
 අන්තරේ කලේ මොන මගුලද ...........අසනු
නෙවිල් මුදලාලි ලඟ බෑවී  වැඳ ........වැටෙනු
 
 කොන්ඩ රැවුල් ඇත්නම් උන් හම.......... ගහමු
 ජෙප්පෝ කුරුට්ටෝ  කියලා වද........... දෙවමු
 නවක වදය  කියමින් තව මඩ.............. ගසමු
 නෙවිල් සර් ලඟ හෙලුවෙන්................ සිටිමු
 
 හොර උපාධි කඩ  වෙත ලයිසන් ............. දීලා
 ඒවයෙ ඉන්න උන් හට උපාධි............විකුණාලා
 ලිප්ටන් වටරවුමේ වද කඳවුරු ............ ...හදලා
 සරසවි සිසුන් මඩවනු එහි හිර.................කරලා

සයිටම අපේ අරමයි  රජ දහන...........  එය
නෙවිල් අපේ අති උත්තම............. සාදුමය
දුන්නොත් අපිට රුපියල්.............. ගෙඩිය
 කන්නන්ගර වුනත් විකුනාගෙන........ කමුය







Monday, March 13, 2017

අධිකරණ තීන්දු සයිටම් ලොක්කන්ට කලින්ම එන හැටි මෙන්න…

   
මාලඹේ සයිටම් පෞද්ගලික වෛද්‍ය විද්‍යාලයේ ආචාර්යවරයෙක් වන නෙවිල් පෙරේරාගේ පුත් ජනිත් පෙරේරා වෛද්‍ය සිසුවෙක් ලෙස එම ආතනයේ අධ්‍යාපනය ලබන්නෙකි. ජනිත් පෙරේරා විසින් තම ෆේස්බුක් පිටුවේ අපූරු පුවතක් පසුගිය දිනක පල කර තිබුණි. එහි සඳහන් වන්නේ සයිටම් ආයතනයට පක්ෂව අභියාචනාධිකරණයෙන් ලබා දෙන ලද තීන්දුවට එරෙහිව වෛද්‍ය සභාව විසින් ශ්‍රේෂ්ඨාධිකරනය වෙත ගියද වෛද්‍ය සභාවට වාසිදායක තීරණයක් ශ්‍රේෂ්ඨාධිකරණයෙන් නොලැබෙන බවයි.

මෙයින් ජනිත් පෙරේරා කීමට උත්සාහ කරන්නේ උසාවියේ තීරණ ලැබීමටත් පෙර සයිටම් ආයතනයේ ඉහළ නිලධාරීන් එම තීරන දන්නා බවයි. බොහෝ විට ගෙදර කෑම මේසයේදී ආචාර්ය නෙවිල් පෙරේරා තම දරුවන් සමග මෙම කරුණු සාකච්ඡා කරන බව මින් ඇඟවේ.

අප රටේ නීතියේ ස්වභාවය හා එය ක්‍රියාත්මක වන ආකාරය සයිටම් ශිෂ්‍ය ජනිත් පෙරේරාගේ මෙම ෆේස්බුක් සටහනෙන් මනාව පැහැදිළි වේ.

මේ පිළිබඳ ජනිත් පෙරේරාගේ ෆේස් බුක් පිටුවේ පල වූ විස්තර පහත දැක් වේ.
https://www.colomboxnews.com/2017/03/11/%e0%b6%85%e0%b6%b0%e0%b7%92%e0%b6%9a%e0%b6%bb%e0%b6%ab-%e0%b6%ad%e0%b7%93%e0%b6%b1%e0%b7%8a%e0%b6%af%e0%b7%94-%e0%b7%83%e0%b6%ba%e0%b7%92%e0%b6%a7%e0%b6%b8%e0%b7%8a-%e0%b6%bd%e0%b7%9c%e0%b6%9a/

Sunday, March 5, 2017

නිදහස් අධ්‍යාපනය , නව ලිබරල්වාදය හා සයිටම්

 
නිදහස් අධ්‍යාපනය තුළින් වරප‍්‍රසාදිත ප‍්‍රභූ පැළැන්තියක් හා ඔවුන්ගේ ආධිපත්‍යයක් බිහිව ඇතැයි ද පෞද්ගලික අධ්‍යාපනය හරහා බිහිවන වෘත්තිකයින්ගේ ප‍්‍රවේශය මගින් එම ආධිපත්‍යය බිඳ වැටෙනු ඇතැයි ද සයිටම් පක්ෂවාදීන් ඉදිරිපත් කරන තවත් තර්කයකි.

රජයේ වෛද්‍යවරුන්ගේ ක්‍රියාකලාපය තුළින් පෙන්නුම් කරන ප‍්‍රභූ අධිපතිවාදය පැහැදිලිවම ප‍්‍රතික්ෂේප කළ යුත්තකි. ඔවුන් එක් අතකින් සිය වෘත්තීය ජීවිතයේ දී නව ලිබරල්වාදය සමග මැනවින් ගැලපෙමින් ද අනෙක් අතට නව ලිබරල්වාදයේම ප‍්‍රකාශනයක් වූ සයිටම්වලට විරුද්ධ වෙමින් ද පෙන්නුම් කරන දෙබිඩි හැසිරීම සයිටම් පක්ෂවාදීන්ට අවියක්ව තිබුණ ද එයින් සයිටම් ඔස්සේ හඹා එන අධ්‍යාපනයේ පෞද්ගලීකරණය යුක්ති යුක්ත කරන්නට බැරි ය.

සයිටම් පන්නයේ වෛද්‍යවරුන් හරහා වත්මන් වෛද්‍යවරුන්ගේ ප‍්‍රභූ ආධිපත්‍යයට අභියෝගයක් එල්ල කළ හැකිවන්නට පුළුවන. නමුදු එවැනි වෛද්‍යවරුන් හරහා ඊටත් වඩා ප‍්‍රභූ හා හිතක් පපුවක් නැති ‘‘රෝබෝටික’’ ආධිපත්‍යයක් බිහි නොවනු ඇතැයි සහතික කළ හැක්කේ කාට ද? නිදහස් අධ්‍යාපනයෙන් උපන් වෛද්‍යවරුන්ගේ ආධිපත්‍යය මෙහෙම නම් මිලියන ගණනින් ගෙවා වෛද්‍යවරුන් වන්නන්ගෙන් මතුව ආ හැකි ආධිපත්‍යය කෙබඳු විය හැකි ද?

Thursday, March 2, 2017

හුකෑස් ---හිනා කාලා මැරෙනවා ඕයි



අන්තරය, වෛද්‍ය සංගමය සහ වෛද්‍ය සභාව පසුපස සිටින පරාජිත වාමාංශික දේශපාලන බලවේග, යලිත් රට 89-90 මිනීමරු කැරලි යුගයට ගෙනගොස් එතුමන් ඇතුළු අප ආයතනයේ පරිපාලනය හොබවන ...නිලධාරි මඩුල්ල ඝාතනය කිරීමට සැලසුම් සකස් කළහ...

එතුමාට දුරකථන මාර්ගයෙන් සහ තැපැල් මාර්ගයෙන් ලැබුණු ජීවිත තර්ජන ප්‍රමාණය අපමණය...
මෙය පොලිසියට පැමිණිලි කිරීමෙන් වැඩක් වේද...? නැත.. කොහෙත්ම නැත...

පොලිසියේ අවධානය යොමුකරවාගෙන තම ආරක්ෂාව තහවුරු කර ගැනීමට එතුමා වැඩපිළිවෙලක් දියත් කළේය... ඉන් කුරා කුහුඹුවකුටවත් කිසිදු හානියක් සිදු නොවූ බව මේ රටේ ජනතාව දුටුවෝය...

එතුමා එසේ ක්‍රියා නොකළේ නම්, අපේ රටේ මිනීමරු වාමාංශික දේශපාලන බලවේග වලට මේ වන විටත් එතුමන් ඇතුළු අප ආයතනයේ පරිපාලන වෛද්‍ය නිලධාරීන් පිරිස ගොදුරු වී තිබීමට ද හැකියාවක් තිබුණි...

සාධාරණව සිතන්න... මෙය ආරක්ෂාව වෙනුවෙන් ගත අහිංසක පියවරක් පමණි

-Sri Lanka Private Medical Education - ජනතා වෛද්යවරු-

Wednesday, March 1, 2017

සීත සමීරේ



සයිටම් මුදලාලිගේ මැනේජර් මහත්තයා කෙලවා ගෙන තිබේ. උන්නැහැ හැදුවේ සයිටම් විරුද්දකාරයින් තමන්ට වෙඩි තිබ්බා කියා ඝෝෂාවක් කර සයිටම් විරෝදීන්ට කෙලවන්න විය යුතුය. ඒ වෙඩිල්ල දැන් බූමරංගයක් වී සමීර සේනාරත්න ( MD අලුත්කඩේ )ටම වැදී තිබේ.

එයා ට අමතක වුන දේ  නම් තමන්ම තියාගත් වෙඩිල්ල නොවැදුනාට බූමරංගය කැරකී ඇවිත් තමන්ටම වදින බවය.

සමීර සේනාරත්න ට වෙඩි තැබුවා යැයි කියන විටම සයිටම් වෙනුවෙන් රෙදි නැතිව කඩේ යාමට සෙට් වී සිටි පිරිසට මාර ආතල් එකක් ලැබුනේය.එයින් එක්කෙනෙක් වන බ්ලොග් ලෝකයේ ලොක්කෙක්ද වන අජිත් පැරා " මස් කටවල් වෙනුවට තුවක්කු කටවල් කතාකරන්නට පටන් ගෙන ඇතැයි" ලීවේය. ඒ විතරක් නොව දයා පතිරණ  ගැනත්  මොන මොනාවාදෝ ලීවේය.

" මෙවැනි තරමක් දුරට අරාජික වූ, වල් බූරු ප්‍රජාතන්ත්‍රවාදයක් ක්‍රියාත්මක වන දේශපාලන වටපිටාවන් වනාහි අන්තවාදී බලවේග බලය වෙනුවෙන් කෙටි මාර්ග සොයා ත්‍රස්තවාදය වෙත යොමු වීමට ඉඩ තිබෙන වකවානු වේ.

 1986දී ජවිපෙ සිය පළමු දේශපාලන ඝාතනය කළේ ය. එ් දයා පතිරණයි. මේ වන විට, එය ජවිපෙ විසින් කරන ලද ක්‍රියාවක් බවට සෑහෙන තරම් කරුණු ඉදිරිපත් වී තිබේ. එම ඝාතනය සම්බන්ධයෙන් මුලින් ජවිපෙට චෝදනා එල්ල වන විටත් ඇතැමෙකු හැසිරුණේ වර්තමානයේදී ඇතැම් කුමන්ත්‍රණ න්‍යායධරයන් හැසිරෙන ආකාරයට ම ය.

මුලින් ජවිපෙට චෝදනා එල්ල කිරීම සිනහවට ලක් කරන ලදී. ආණ්ඩුව එම ක්‍රියාව කළේ ජවිපෙ පිට වරද පටවා මර්දනය කිරීමට බව ද කියන ලදී. ජවිපෙ ඒ වෙනුවෙන් මාවිත්තර සරත් නම් මැරවරයකු සම්බන්ධ කරගෙන ගාමිණී ලොකුගේ ද පටලවා කතාවක් නිර්මානය කරන ලදී. ජවිපෙ උත්සාහ කළේ දයා පතිරණ මරා දැමුවේ එවකට එජාප පාර්ලිමේන්තු මන්ත්‍රීවරයකු වූ ගාමිණී ලොකුගේ බව කියන්නට ය."

පැරා උන්නැහෑ කියන්නට තැතනුවේ සමීර (MD) තැබූ වෙඩිල්ල අන්තවාදින්ගේ එකක් බවත් , එය නාටකයක් කියන්නේ මීට පෙර දයා පතිරණ ඝාතනයේදීත් කුමන්ත්‍රණ කතා කියූ අය බවත්ය.එම නිසා වල් බූරු ප්‍රජාතන්ත්‍රවාද්ය අහවර කර පැසිස්ට් පාලනයක් අවශ්‍ය බවය. මෙසේ කියන්නේ පහුගිය රාජපක්ෂ පාලනයේ පැසිස්ට් පිලිවෙතට එරෙහි  වූ ප්‍රජාචන්ච්‍රවාදයේ මුර දේවතාවුන්  ම වන විට අපි කල යුත්ත්හේ අඬන්නද නැත්නම්  හිනා වෙන්නද කියා ඒ අයම කියන්නේ නම් අපූරුය.

මේ ආණ්ඩුවේ ඕනෑම රෙද්දකට පැනලා දෙන මේ උදවිය සමීර/ නෙවිල් හවුල සමග එක් වී සූදානම් වුනේ සයිටම් විරෝදය ලෙයින් මර්දනය කරන්නටය. සයිටම් විරෝදීන් හිරගෙට  දක්කා හෝ තම අරමුණ ඉෂ්ට කර ගන්නටය. එදා තමන් කිසි සේත් හවුල් නොවූ 83 කලු ජූලියට ජවිපෙ පටලා ජේ ආර් කල විනාශයම නැවත කරකවන්නටය. එදා ඩග්ලස් ලියනගේ ලා කල දේ අද කරන්නේ අජිත් පැරකුම් ලාය. ඉතිහාසය කැරකෙන්නේ එහෙමය.

සටහන- තමන්ගේ ව්‍යාපාරයේ පැවත්ම වෙනුවෙන් මේ ආකාරයේ ඕනෑම බලු වැඩක් කිරීමට සූදානම් මේ තක්කඩින් පවත්වාගෙන යන වෛද්‍ය විද්‍යාලයේ ප්‍රමිතිය ගැන අමුතුවෙන් කතා කිරීමට අවශ්‍ය නැත. තම්න්ට  ලක්ෂ 120 දෙන්නේ නම් ඕනෑ ගොනෙකුට වෛද්‍ය උපාධිය හෝ වෙනත් උපාධියක් මොවුන් පිරි නමනු ඇත. නොදියුණු පසුගාමි වෙලඳපල ආර්ථිකයකට  සිටින කපටි ජාවාරම් කාරයින්ගෙන් ඊට වඩා දෙයක් බලාපොරොත්තු වන්නේ නම් එය ගොන් කමක් නොව තක්කඩි කමකි.

Friday, February 17, 2017

සයිටම්-ඉන්දියානු ආකෘතිය

 
Hundreds of medical licenses cancelled over India exam scam
 
India's Supreme Court has cancelled the licenses of 634 doctors embroiled in a medical school admissions scandal in central Madhya Pradesh state.
Hundreds of candidates were found to have cheated to gain admission to medical colleges between 2008 and 2013.
The Vyapam scandal has seen thousands of arrests and many mysterious deaths.
Vyapam is the Hindi acronym for an office that conducts examinations for government jobs and medical school admissions in the state.
In its verdict, the Supreme Court said the accused had engaged in "acts of deceit" and "mass fraud".
The scandal involved leaking question papers, rigging answer sheets and hiring bright students as impersonators to sit for candidates, as well as selling medical school seats to the highest bidder.
Anything between 1m rupees ($15,764; £10,168) and 7m rupees was paid for a seat, correspondents say.
More than 2,000 people have been accused in connection with the scandal since 2012.
Some 33 people - mostly accused in connection with the scam - have died in the past three years, raising suspicions of foul play. It is not clear how many of the deaths are linked to the scandal.
http://www.bbc.com/news/world-asia-india-38965725

Thursday, February 9, 2017

සයිටමයේ අයිටම්

 

.සයිටම් නරක එහි ප්‍රමිතිය අඩු  නිසා හෝ නැති නිසා යැයි කීම බොළඳ හා  ඊටත් වැඩියෙන් කුහක තර්කයකි. ඊනියා ප්‍රමිතියක් තිබුණත් සයිටමයට  එකඟ විය නොහැක.
 
 මක් නිසා ද යත් එයින් අප නිදහස් අධ්‍යාපනය යැයි හඳුනා ගනු ලබන දෙය විනාශ කර දමන බැවිනි. සයිටම් මුදලාලි නොහොත් නෙවිල් ප්‍රනාන්දු යනු විශ්ව විද්‍යාලයක් ඇරඹීමට සුදුසු විද්‍යාර්ථියෙක් නොව කූට වෙලෙ‍ඳෙක් වන බැවිනි. සයිටමය යනු තරුණයන්ගේ සිහින ගසා කෑමට සාදා ගත් කෙමණකි. එම කෙමණට අසුවන උන් කුඩමසුන්  සේ විනාශ ය කරා යති. වෙනසකට ඇත්තේ උන් වෙදුන් වී රටේ ජනතාවත් සමගම විනාශයට යාමට තැත් කිරීමයි.
 
ප්‍රමිතිය ගැන කතා කිරීම අමන කමකි.මක් නිසාද යත් සයිටම් වාදින්ම එයට  ඉතා හොඳ පිළිතුරක් දෙන බැවිනි. ඔවුන් කියන්නේ රාජ්‍ය විශ්වවිද්‍යාල වල උගැන්වූ මහාචාර්යවරුන් 14ක් හෝ 15ක් දැනටමත් සයිටම් හි සේවය  කරන බවත් සමහර රජයේ වෛද්‍ය විද්‍යාලවල මහාචාර්යවරුන් ඇත්තේ ඊට අඩුවෙන් බවත්ය.
සයිටම් ආයතනය නිදහස් අධ්‍යාපනයට එල්ල කරන නියම තර්ජනය ඇත්තේ එහිය.තම මුදල් බලය යොදවමින් රාජ්‍ය විශ්ව විද්‍යාලවල සේවය කරන ඇදුරන් එයට ඇද ගැනීමය. මෙය වඩාත් උග්‍රවන්නේ රජයේ සරසවි ඇදුරන්ට අඩු වැ‍ටුප් හා ඉතා අයපත් කොන්දේසි යටතේ සේවය කිරීමට සිදුව ඇති නිසා සයිටම් මුදලාලිලාට ඉතා පහසුවෙන් ඔවුන් ඇද ගත හැකි  වීමය. .
 
 එසේම රජය ක්‍රම ක්‍රමයෙන් අධ්‍යාපනයට යොදවන මුදල් කප්පාදු කරමින් පෞද්ගලික විශ්ව විද්‍යාල දියුණු කිරීමට මිලියන සිය ගණන් කප්පම්  දෙන තත්වයක් තුල මෙය තවත් උග්‍ර වනු ඇත.
 
ඉතා විශාල ආයෝජන සහිත පෞද්ගලික විශ්වවිද්‍යාල ඉදිරියේදී ගෙන ඒමට රජය දරණ උත්සාහයේ අනිවාර්ය ප්‍රතිපලය වනුයේ රජයේ විශ්ව විද්‍යාල පද්ධතිය ක්‍රමයෙන් විනාශ වීමය. පාලකයින්ට අවශ්‍ය වී ඇත්තේද එයයි.
 
මේ සයිටම් විරෝධී සටන , හුදු නෙවිල් ප්‍රනාන්දු මුදලාලිට එරෙහි සටනක් නොව නිදහස් අධ්‍යාපනය ‍රැක ගැනීමේ සටනක් කර ගත යුත්තේ ඒ නිසාය.

Wednesday, February 1, 2017

හොර උපාධි කඩේ පිළිගනු !


 

අද ලැබුණ තීන්දුව ගැන අප වඩා බියවිය යුත්තේ SAITM ශිෂ්‍යයන්ට වෛද්‍ය පත්වීම් ලැබෙන නිසා නොවේ, නිදහස් අධ්‍යාපනයේ මළගම නිසාත් නොවේ (ඔය කියන නිදහස් අධ්‍යාපනය මියගොස් ...බොහෝකල්‍ ය) , අධිකරණයේ ස්වාධීනත්වය පරශ්නකාරී වන නිසාත් නොවේ... සැබෑ ප්‍රශ්ණය ගරු අධිකරණය විසින් නිර්වචනය කර ඇති පරිදි වෛද්‍ය උපාධිදාරීන්ට ලංකාවේ ලියාපදිංචිය තීරණය කිරීමෙහි ලා ශ්‍රී ලංකා වෛද්‍ය සභාවේ කාර්යයභාරයයි. එසේ තීරණය කිරීමේදී වෛද්‍ය සභාව (SLMC ) කෙතෙක් දුරට බලයක් උසුලන්නේද , ඇමතිවරයාට කොපමණ බලයක් ඇතිද යනුවෙන් අධිකරණ තීන්දුවෙන් පෙනීයන කාරණා ඇඟ කිලිපොලා යන සුලුය.



සයිටම් වෛද්‍ය උපාධිදාරීන්ට ලියාපදිංචිය ලබාදෙන ලෙස දුන් තීන්දුවේ පදනම ආරංචි වන ආකාරයට මෙසේයි. මේ කරුණු වෙනස් විය හැක.


වෛද්‍ය උපාධිදාරීන්ට ලියාපදිංචිය ලබා දීමේදී ශ්‍රිලංකා වෛද්‍ය සභාවට නෛතික බලතලයක් නැත. ඇත්තේ නිර්දේශ නිකුත්කිරීමේ හැකියාව පමණි. එම නිර්දේශ යන්නේ සෞඛ්‍ය අමාත්‍යවරයාටය. එසේ නිකුත්කරන නිර්දේශ ක්‍රියාත්මක කිරීමේ හෝ නිශේදනය කිරීමේ සම්පූර්ණ බලය ඇත්තේ සෞඛ්‍ය ඇමති වරයාටය. මීට පෙර වෛද්‍ය සභාව  මගින් සයිටම් ආයතනය වෛද්‍ය උපාදිය ලබාදීමට අවශ්‍ය සුදුසුකම් ලබා නැතිබවට වාර්තා අමාත්‍යවරයාට ඉදිරිපත්කර ඇත. මෙතෙක් කල් සයිටම් සම්බන්ධයෙන් එසේ නිකුත් කල නිර්දේශය සෞඛ්‍ය ඇමතිතුමා විසින් (කුමක් හෝ හේතුවකට )සැලකිල්ලට ගෙන නැත. අධිකරණ නියෝගය වන්නේ එසේ සැලකිල්ලට නොගැනීම වරදක් බවත්, එය වරදක් ලෙස සලකා දඬුවම ලෙස වහාම ක්‍රියාත්මක වන පරිදි සයිටම් උපාධිදාරීන්ට ලියාපදිංචිය ලබා දීමයි. මීට එහා ගිය දඬුවමක් ඇමතිට ලබා දී නැත.
දැන් අධිකරණය අර්ථකථනය කරන පරිදි කුමන හෝ තත්වයක තිබෙන වෛද්‍යපීඨයක උපාදිය පිලිගැනීමේ සහ එයින් එලියට එන වෛද්‍ය උපාධිදාරියෙකුට වෛද්‍යවරයකු ලෙස ලංකාවේ ලියාපදිංචි වී වැඩ කිරීමේ යෝග්‍යතාව නිර්දේශකිරීමේ SLMC 'නිර්දේශ' පිලිගැනීමේ හෝ නොගැනීමේ හැකියාව සෞඛ්‍ය ඇමතිවරයාට ඇත. එය සිදුවන්නේ ඔහුගේ දැනුමේ අවබෝධයේ හැටියටය. ( ලංකාවේ සිදුවිය හැකි possibilities , scenarios ගැන මතක් කර හිරිගඩු පිපෙන හැටි බලන්න )




ඉතින් මේ කියන හැටියට ලංකාවට SLMC එකක් මොකටද? සෞඛ්‍ය ක්ෂේත්‍රයේ මෙපමණ සංවේදී කරුණක් නියාමනය සිදුවිය යුත්තේ ඇමති අතින් නම් මේ රටේ සෞඛ්‍යයේ අනිත් තැන් නියාමනය කරන්නේ මොන එකකටද? Guidelines, protocol, training programs , researches, inquiries කර මේ quality එක පවත්වාගැනීමට මෙච්චර මහන්සියක් වෙන්නෙ මොකටද? මේ ඕනෙම එකක් අභියෝගයට ලක් කිරීමේ හැකියාව දැන් ලැබී ඇත. SLMC හි ශක්තිය දැන් ප්‍රශ්න කර හමාරය. මේ හානිය මෙතනින් නවතින එකක් නැත. උදාහරණයකට ගතහොත් වෛද්‍යසභාවෙන් නියාමනය කෙරුණු pharmacy, nursing, paramedics, dental ආදී අංශ ගණනක් මේ මගින් ඉතිහාසයේ නොවූ විරූ තරම් ප්‍රශ්න වලට මුහුණ දෙනු ඇත. මෙච්චර කාලයකට අවම බලපෑමක් යටතේ ලංකාවේ සෞඛ්‍යය නියාමනය කරපු SLMC හි ඩියුටි එක ජෝක් එකක් කර ඇත. මෙය වහා නිවැරදි කර ගත යුතුය. SLMC රැක ගැනීමට , එහි නෛතික සිදුරු වසා සවිමත් කිරීමට පුලුල් නීතිමය, දේශපාලන ක්‍රියාවලියක් දියත් කල යුතුය. ජනවාරි 8 ස්වාධීන කොමිෂන් සභා ගැන සිහින දැක දැක මේ ආණ්ඩුව පත්කරගත්ත මිනිස්සුන්ට අඩුම තරමේ මෙච්චර කල් පොඩ්ඩක් හරි ස්වාධීනව වැඩ කරපු ශ්‍රී ලංකා වෛද්‍ය සභාව වත් රැක දිය යුතුය.(https://www.facebook.com/FreeEducationSL/?hc_ref=NEWSFEED)