මේ සේයාරුව කොතරම් අසභ්‍යද?



මේ කාන්තාව මරා මලකඳ බල්ලන්ට දමනු

එහෙම කියන්නේ එක්සත් ජාතින්ගේ මානව හිමිකම්  පිළිබඳ මහ  කොමසාරිස් ධූරය දරන සයිඩ් රාද් අල් අල් හුසේන් කුමරුගේ  සෞදි අරාබියේ ජනතාවයි.

මේ කාන්තාව මලාක් අල් ශෙහ්රි කර ඇති අපරාධය නම් ඉහත ඇති ඇගේ ඡායාරූපය තම ට්වීටර් ගිණුමේ ප්‍රසිද්ධ කිරීමයි. එනම් ප්‍රසිද්ධ ස්ථානයක තම බුර්කාව හා අභයා නම් වූ සිරුර වැසෙන සේ  අඳින ඇඳුම නො ඇඳ පෙනී සිටීමයි.

මානව හිමිකම් කොමසාරිස්ගේ රටේ මෙම අපරාධයට මරණ දඬුවම හෝ ජීවිතාන්තය දක්වා සිර දඬුවම් ලබා දිය හැකිය.එක් එක් රටවල මානව හිමිකම් අර්ථ දැක් වීම් එහෙමය. එකේනෙකට වෙනස්ය.

 තවත් උදාහරණයක් ගන්නේ නම් ශ්‍රි ලංකාවේ මිනිසුන් පැහැර ගෙන ගොස් අතුරුදහන් කිරීම මානව හිමිකම් කැඩීමක් නොවීමට ඉඩ ඇති අතර එසේ පුද්ගල පැහැර ගැනීම් කරන්න වුන් හිරේ දැමීම මානව හිමිකම් කැඩීමකි.