Saturday, April 1, 2017

අපායෙන් කෝල් එකක්

 
දේශපාලකයෝ මැරුණාම ආයේ දෙකක් නෑ, කෙලින්ම නවතින්නේ අපායේ.

 කොයි දේසේ කොයි කාලේ වුනත් ඒකේ වෙනසක් නෑ. ඊයේ පෙරේදා උපවාස කරපු වීරවංශ උන්නැහේ උනත් මලා නම්( වෙන කවුරු නොදැන උන්නත් අපි නම් දන්නවා ඒක එහෙම වෙන්නේ නෑ කියලා) , මං මේ කිව්වේ කොච්චර දේශප්‍රේමි කිව්වත් අපාය ෂුවර්.

අනිත් හැම දේශපාලකයෙක් වගේම ලංකාවේ ජේ ආර් ජයවර්දන ,ඇමෙරිකාවේ රොනල්ඩ් රීගන් ඉන්දියාවේ ඉන්දිරා ගාන්ධි, තුන් දෙනාටත් ඒකේ වෙනසක් වුනේ නෑ. අපාය තමා නවා තැන වුනේ .

තුන්දෙනා අපායෙදී සෙට් වෙලා ඊවිනින් වෝක් එකක් දාන අතරේ දැක්කා ටෙලිෆෝන් පෙට්ටියක්. එතැන යම පල්ලෝ සීයක් විතර මුර.

රීගන් කිට්‍ටු කරලා ඇහුවා මොකද මේ ෆෝන් එකට මෙච්චර මුර කාරයෝ  කියලා.

එතැන හිටි යම පල්ලොන්ගේ  සාජන්ට්  කියනවා

" මේ ෆෝන් එකෙන් මිනිස් ලෝකෙට කතා කරන්න පුලුවන් , ඒකයි මේ මුර ... හැබැයි ඉතිං සල්ලි ගෙවලා ඕනෑ කෙනෙකුට කතා කරන්න පුලුවන්. ගාන නම් ටිකක් සැරයි "

ගාන කීය වුනත් කතා කරන්න ඕනෑ කියලා රීගන් ඇමෙරිකාවට කතා කරා විනාඩි පහක්.

කතා කරලා ඉවර වුනාම යමපල්ලා ගාන කිව්වා " ඩොලර් මිලියන එකයි"

රීගන් වහාම චෙක් එකක් ලියලා දුන්නා

ඊ ලඟට කතා කලේ ඉන්දිරා ගාන්ධි. එයා විනාඩි තිහක්ම ඉන්දියාවට  කතා කලා
ගාන ඩොලර් මිලියන පහයි. එයා කෑෂ් වලින්ම ගෙව්වා.

අන්තිමට අපේ  ජයවෝඩන   උන්නැහෙත්  ෆෝන් එක අරගෙන ලංකාවට කතා කලා. ෆෝන් එකක් අහු වුනාම බිම තියන්නේ නැති ලංකාවේ පුරුද්දට මිනිහා පැය හතරක් ම කතා කලා.

කතා කරලා ඉවර වෙලා ගාන ඇහුවාම යමපල්ලා කියපි " රුපියල් පහයි " කියලා

රීගන්ටයි ඉන්දිරා ගාන්ධිටටයි  හරි කේන්ති. රීගන්  කෑ ගැහුවා " එහෙම කොහොමද , ඇයි ලංකාවට එච්චර ගාස්තු අඩු හරි අසාධාරණයි  " කියලා

යමපල්ලා හිනා වුනා

" හෙහ් හෙහ් හේ ....අයිසේ  ලංකාව කියන්නේ  අපායේ  කොටසක්   .. ඒ හින්දා   ලංකාවට  අපායේ ඉඳලා තියෙන්න ලෝකල් කෝල් රේට්ස්"

ඉතින් මොකේටැයි දං වලඳන්නේ...?
 '

4 comments:

  1. වීරවංශයවනං යම රජ්ජුරුවො කීයටවත් අපායට ගන්නෙ නෑ. ඕකා අපායට ගියොත් අපායත් අපායක් කරනව ෂුවර් එකටම.

    ReplyDelete
  2. ලෝකල් කෝල් එකක් නෙ අරං තියෙන්නෙ..

    ReplyDelete
  3. ..එකම අපායක අප සැම දැවෙන සඳ.....

    ReplyDelete